IPL CSK vs GT Final: எத்தனை மணிக்கு தொடங்கினால் எத்தனை ஓவர்கள் வீசப்படும்..? இதோ தகவல்கள்..!

அகமதாபாத்தில் தொடர்ந்து மழை பெய்து வருவதால் ஓவர்கள் குறைக்கப்பட்டு இறுதிப்போட்டி நடத்த வாய்ப்பு உள்ளது.

மைதானத்தில் தேங்கியுள்ள மழை

16வது சீசன் ஐ.பி.எல். இறுதிக்கட்டத்தை எட்டியுள்ள நிலையில், இன்று கோப்பையை கைப்பற்றுவதற்கான மோதலில் குஜராத் – சென்னை சூப்பர்கிங்ஸ் அணிகள் நேருக்கு நேர் மோதுகின்றன. ஏற்கனவே ஐ.பி.எல். அட்டவணையில் அறிவித்தபடி போட்டி இன்று இரவு 7.30 மணிக்கு தொடங்கியிருக்க வேண்டும். ஆனால், அகமதாபாத்தில் இன்று மாலையில் இருந்தே மழை வெளுத்து வாங்கி வருகிறது.

குறிப்பாக, போட்டி தொடங்குவதற்கான நேரத்திலும் மழை வெளுத்து வாங்கிக்கொண்டே இருந்தது. சுமார் 8.30 மணிக்கு பிறகு மழை விட்ட காரணத்தால் மைதானத்தில் தேங்கியிருந்த நீர் உடனடியாக அகற்றப்பட்டு, மைதானம் தயார் செய்யப்பட்டது. டாஸ் போடுவதற்காக மைதானம் தயார் செய்யப்பட்டிருந்த நிலையில், மீண்டும் மழை குறுக்கிட்டது. இதனால், ரசிகர்கள் மிகுந்த வேதனை அடைந்தனர்.

போட்டி 9.35 மணிக்கு பிறகு தொடங்கினால் ஓவர்கள் குறைக்கப்படும் என்று அறிவிக்கப்பட்டுள்ளது.

• இதன்படி, ஆட்டம் 9.45 மணியளவில் தொடங்கினால் இரு அணிகளின் தரப்பிலும் 1 ஓவர் குறைக்கப்பட்டு 19 ஓவர் போட்டியாக இறுதிப்போட்டி நடத்தப்பட இருந்தது. ஆனால், தற்போது வரை மழையே பெய்து வருகிறது. 
• ஒருவேளை போட்டி 10 மணியளவில் தொடங்கும் சூழல் ஏற்பட்டால் 3 ஓவர்கள் குறைக்கப்பட்டு 17 ஓவர்கள் கொண்ட போட்டியாக நடத்தப்படும்.
• ஆட்டம் மழையால் பாதிக்கப்பட்டு 10.30 மணிக்கு தொடங்கினால் 15 ஓவர்கள் கொண்ட போட்டியாக நடைபெறும்.
• ஆட்டம் 7 ஓவர்களாக நடத்தப்படவும் வாய்ப்பு உள்ளதாக தகவல் வெளியாகியுள்ளது. 11.56 மணி வரை போட்டியை நடத்துவதற்கான சூழல் இருக்குமா? என்று நடுவர்கள் ஆய்வு செய்வார்கள். 
• மழை விடாமல் தொடர்ந்து பெய்து வந்தால் போட்டி இன்று ரத்து செய்யப்பட்டு ரிசர்வ் டே-வான நாளை போட்டி நடைபெறும்.

Sad news again from Ahmedabad

The RAIN IS HERE AGAIN 😫#IPL2023Final #IPLFinals #ipl #cskvgt

Follow for more live updates 👍 pic.twitter.com/0dDbwbM2d1

— Anurag (@anuragmanutd) May 28, 2023

அகமதாபாத் மைதானத்தில் தற்போது வரை மழையின் ஆதிக்கம் நீடித்து வருவதால் போட்டி தொடங்குமா? தொடங்காதா? என்ற கேள்வி எழுந்து கொண்டே இருக்கிறது. மைதானத்தில் குழுமியுள்ள குஜராத் – சென்னை ரசிகர்கள் இறுதிப்போட்டி நடந்துவிடாதா? என்ற ஏக்கத்துடன் உள்ளனர்.

மழை நின்றபின் போட்டி தொடங்கப்பட்டாலும் மழையின் தாக்கம் பேட்டிங் மற்றும் பந்துவீச்சில் எதிரொலிக்கும் என்று எதிர்பார்க்கலாம். அதேபோல, ஆட்டத்தில் ஓவர்கள் குறைக்கப்பட்டால் இரு அணி வீரர்களும் முழுவதுமே அதிரடியாகவே ஆடுவார்கள் என்றே எதிர்பார்க்கப்படுகிறது.

அதேபோல, ஆட்டத்தின் குறுக்கே மீண்டும் மழை பெய்வதற்கு வாய்ப்பு இருப்பதால் ரன்ரேட் ஆட்டத்தில் முக்கிய பங்கு வகிக்கும். இதனால், முதலில் பேட் செய்யும் அணியும், இலக்கை நோக்கி பேட் செய்யும் அணியும் அதிரடியாக ஆடவே முயற்சிப்பார்கள்.

மேலும் படிக்க: CSK vs GT IPL 2023 Final LIVE Score: அகமதாபாத்தில் விளையாடும் மழை; குறைக்கப்படும் ஓவர்கள்; ஏமாற்றத்தில் ரசிகர்கள்..!

மேலும் படிக்க: Ambati Rayudu Retirement: இன்றுதான் கடைசி... ஐ.பி.எல். போட்டிகளில் இருந்து அம்பத்தி ராயுடு ஓய்வு - சி.எஸ்.கே. ரசிகர்கள் அதிர்ச்சி