CSK: பிளே ஆஃப் செல்லுமா மஞ்சள் படை.. காத்திருக்கும் சவால்கள் என்னென்ன? முழு விவரம்
CSK: பிளேஆஃப் சுற்றுக்கான வாய்ப்பில் இன்னும் சிஎஸ்கே கையில்தான் உள்ளது. ஆனால் சென்னை அடுத்து வரும் அனைத்து ஆட்டங்களும் மிக முக்கியமானதாக உள்ளது
நடப்பு ஐபிஎல் சீசனில் சென்னை சூப்பர் கிங்ஸ் (CSK) அணிக்கு தொடர் தோல்விகளை சந்தித்து முன்பு எப்போது இல்லாத நிலைமையில் உள்ளது. ஏழு போட்டிகளுக்குப் பிறகு, அந்த அணி இரண்டில் மட்டுமே வெற்றி பெற்றுள்ளது, ஐந்தில் தோல்வியடைந்துள்ளது - ஐந்து முறை சாம்பியனான சிஎஸ்கே அணிக்கு இது கடினமான நிலையில் உள்ளது. நிலைமையை இன்னும் மோசமாக்கும் வகையில், கேப்டன் ருதுராஜ் கெய்க்வாட் காயம் காரணமாக அணியிலிருந்து விலகியுள்ள நிலையில், எம்எஸ் தோனி மீண்டும் சென்னை அணிக்கு தலைமைப் பொறுப்பை ஏற்கிறார்.
பின்னடைவுகள் இருந்தபோதிலும், CSK பிளேஆஃப் சுற்றுக்கான வாய்ப்பில் இன்னும் அவர்கள் கையில்தான் உள்ளது. ஆனால் சென்னை அடுத்து வரும் அனைத்து ஆட்டங்களும் மிக முக்கியமானதாக உள்ளது
சிஎஸ்கே பிளேஆஃப் சுற்றுக்கு எவ்வாறு தகுதி பெற முடியும்?
சிஎஸ்கே தற்போது புள்ளிகள் பட்டியலில் கடைசி இடத்தில் (10வது இடம்) 4 புள்ளிகளுடனும் மோசமான ரன் ரேட் -1.276 உடன் உள்ளது. இருப்பினும், அவர்களுக்கு இன்னும் 7 லீக் போட்டிகள் மீதமுள்ளன. பிளேஆஃப் இடத்திற்கு தகுதி பெற, சிஎஸ்கே செய்ய வேண்டியவை:
- மீதமுள்ள 7 போட்டிகளில் குறைந்தது 6 போட்டிகளில் வெற்றி பெறுங்கள்.
- சென்னை அணி கண்டிப்பாக அவர்களின் NRR-ஐ மேம்படுத்த பெரிய அளவில் வெற்றிகளைப் பெற வேண்டும்.
- இது ஒரு சவாலான நிலை தான், ஆனால் சாத்தியமற்றது அல்ல - குறிப்பாக கடந்த காலங்களில் சென்னை இது போன்று நிலைமைகளில் இருந்து கோப்பைகளை எம்.எஸ். தோனியின் தலைமையில் வென்று காட்டியுள்ளது.
ஐபிஎல் 2025 புள்ளிகள் அட்டவணை (தற்போதைய நிலவரம்)
1. டெல்லி கேபிடல்ஸ் – போட்டிகள்: 6, வெற்றி: 5, தோல்விகள்: 1, புள்ளிகள்: 10, NRR: +0.744
2. பஞ்சாப் கிங்ஸ் – போட்டிகள்: 7, வெற்றி: 5, தோல்விகள்: 2, புள்ளிகள்: 10, NRR: +0.308u
3. குஜராத் டைட்டன்ஸ் – போட்டிகள்: 6, வெற்றி: 4, தோல்விகள்: 2, புள்ளிகள்: 8, NRR: +1.081
4. ராயல் சேலஞ்சர்ஸ் பெங்களூரு – போட்டிகள்: 7, வெற்றி: 4, தோல்விகள்: 3, புள்ளிகள்: 8, NRR: +0.446
5. லக்னோ சூப்பர் ஜெயண்ட்ஸ் – போட்டிகள்: 7, வெற்றி: 4, தோல்விகள்: 3, புள்ளிகள்: 8, NRR: +0.086
6. கொல்கத்தா நைட் ரைடர்ஸ் – போட்டிகள்: 7, வெற்றி: 3, தோல்விகள்: 4, புள்ளிகள்: 6, NRR: +0.547
7. மும்பை இந்தியன்ஸ் – போட்டிகள்: 7, வெற்றி: 3, தோல்விகள்: 4, புள்ளிகள்: 6, NRR: +0.239
8. ராஜஸ்தான் ராயல்ஸ் – போட்டிகள்: 7, வெற்றி: 2, தோல்விகள்: 5, புள்ளிகள்: 4, NRR: -0.714
9. சன்ரைசர்ஸ் ஹைதராபாத் – போட்டிகள்: 7, வெற்றி: 2, தோல்விகள்: 5, புள்ளிகள்: 4, NRR: -1.217
10. சென்னை சூப்பர் கிங்ஸ் – போட்டிகள்: 7, வெற்றி: 2, தோல்விகள்: 5, புள்ளிகள்: 4, NRR: -1.276
இந்த சீசனில் சிஎஸ்கே அணியின் மிகப்பெரிய பிரச்சனைகளில் ஒன்று சிறப்பான தொடக்கம் இல்லாதது தான். தொடக்க ஆட்டக்காரர்களான டெவன் கான்வே மற்றும் ரச்சின் ரவீந்திர ஆகியோர் நிலையான் ஆட்டத்தை ஆட்டத்தை வெளிப்படுத்த முடியாமல் போவதால் மிடில் ஆர்டர் வீரர்கள் நெருக்கடியில் தங்கள் விக்கெட்டுகளை இழக்கின்றனர். ஆனால் லக்னோ அணிக்கு எதிரான போட்டியில் அறிமுக வீரர் ஷேக் ரசீத் அதிரடியாக விளையாடி குவித்தது சென்னை அணிக்கு நல்ல நம்பிக்கை யை கொடுத்துள்ளது. பந்துவீச்சை பொறுத்த வரையில் வேகப்பந்து வீச்சாளர்களும் சிறப்பான ஆட்டத்தை வெளிப்படுத்தி வருகின்றனர். மிடில் ஆர்டரில் சிவம் துபே, ரவீந்திர ஜடேஜா போன்ற முக்கிய ஆல்ரவுண்டர்களும் தங்கள் ஃபார்மை வெளிப்படுத்தவில்லை. தற்போது சென்னை அணியில் தென் ஆப்பிரிக்கா வீரர் டிவால்ட் பிரவிஸ் சேர்க்கப்பட்டுள்ளதால் சென்னை மிடில் ஆர்டர் வலுவாகும் என்பதில் சந்தேகம் இல்லை.
தலைப்பு செய்திகள்
ட்ரெண்டிங் செய்திகள்
