இன்றைய ஐபிஎல் போட்டியில் டெல்லி கேப்பிடல்ஸ் அணியும், கொல்கத்தா நைட் ரைடர்ஸ் அணியும் மோத இருக்கின்றன. இவ்விரு அணிகளும் மோதும் இந்த போட்டியானது இரவு 7.30 மணிக்கு விசாகப்பட்டினத்தில் தொடங்குகிறது.

முன்னதாக டெல்லி கேப்பிடல்ஸ் அணி சென்னை சூப்பர் கிங்ஸ் அணியை 20 ரன்கள் வித்தியாசத்தில் வீழ்த்தியது. தற்போது டெல்லி கேப்பிடல்ஸ் அணி புள்ளிப்பட்டியலில் ஏழாவது இடத்தில் உள்ளது. அதேசமயம், கொல்கத்தா நைட் ரைடர்ஸ் அணி புள்ளிப்பட்டியலில் இரண்டாவது இடத்தில் உள்ளது. ஷ்ரேயாஸ் ஐயர் தலைமையிலான கொல்கத்தா அணி இதுவரை 2 போட்டிகளில் விளையாடி இரண்டிலும் வெற்றிபெற்றுள்ளது. முன்னதாக, முதல் போட்டியில் சன் ரைசர்ஸ் ஹைதராபாத் அணியை வென்ற கொல்கத்தா அணி, அடுத்ததாக ராயல் சேலஞ்சர்ஸ் பெங்களூர் அணியை வீழ்த்தியது. இதையடுத்து, டெல்லி கேப்பிடல்ஸ் - கொல்கத்தா நைட் ரைடர்ஸ் அணிகள் விளையாடும் பிளேயிங் 11, பிட்ச் ரிப்போர்ட் என அனைத்தையும் இங்கு தெரிந்துகொள்வோம்.

பிட்ச் ரிப்போர்ட்:

விசாகப்பட்டினத்தின் ஆடுகளத்தில் பேட்ஸ்மேன்கள் எளிதாக ரன் குவிப்பர். இந்த ஆடுகளத்தில் சிக்ஸர் மற்றும் பவுண்டரிகளை அடிப்பதில் எந்த பிரச்சனையும் இருக்காது. பந்துவீச்சாளர்களை பொறுத்தவரை கடினமான பிட்சாக இருக்கும். எனவே இரு அணிகளின் பந்துவீச்சாளர்களும் இந்த கடினமான சவாலை எப்படி எதிர்கொள்கிறார்கள் என்பதை பார்க்க சவாலாக இருக்கும். சென்னை சூப்பர் கிங்ஸுக்கு எதிராக முதலில் பேட்டிங் செய்த டெல்லி கேப்பிடல்ஸ் 5 விக்கெட்டுக்கு 191 ரன்கள் எடுத்தது. இதன் பின்னர் இரண்டாவது இன்னிங்சில் சிஎஸ்கே அணி துடுப்பெடுத்தாட களமிறங்கிய போது அந்த அணி ஆட்டமிழந்தது, ஆனால் இதன் பின்னரும் ஸ்கோர் 6 விக்கெட்டுக்கு 171 ஓட்டங்களை எட்டியது. அதாவது போட்டியில் மொத்தம் 362 ரன்கள் எடுக்கப்பட்டது. இன்றைய போட்டியிலும் இதே போன்ற ஒன்றைக் காணலாம்.

இந்த மைதானத்தில் இதுவரை 14 டி20 போட்டிகள் நடந்துள்ளது. இதில் முதலில் பேட்டிங் செய்த அணி 7 முறை வெற்றி பெற்றுள்ளது. அதேசமயம் இரண்டாவது இன்னிங்சில் பேட்டிங் செய்த அந்த அணி 7 முறை வெற்றி பெற்றுள்ளது.

நேருக்கு நேர்:

டெல்லி கேப்பிடல்ஸ் அணியும், கொல்கத்தா நைட் ரைடர்ஸ் அணியும் இதுவரை ஐபிஎல் வரலாற்றில் 33 முறை நேருக்குநேர் மோதியுள்ளன. இதில், இரு அணிகளும் தலா 16 போட்டியில் வெற்றிபெற்றுள்ள நிலையில், ஒரு போட்டி மழையால் கைவிடப்பட்டுள்ளது.

விளையாடிய போட்டிகள்: 33
DC வென்றது: 16
KKR வென்றது: 16
டை: 00
முடிவு இல்லை: 0
கைவிடப்பட்டது: 1

கொல்கத்தாவின் சொந்த மைதானமான ஈடன் கார்டன் மைதானத்தில், டெல்லி அணி 9 போட்டிகளில் விளையாடி இரண்டில் மட்டுமே வெற்றி பெற்றது.

கணிக்கப்பட்ட இரு அணிகளின் விவரம்:

டெல்லி கேப்பிட்டல்ஸ்:

ரிஷப் பண்ட் (கேப்டன் மற்றும் விக்கெட் கீப்பர்), டிரிஸ்டன் ஸ்டப்ஸ், அக்சர் படேல், அபிஷேக் போரல், பிரித்வி ஷா, டேவிட் வார்னர், மிட்செல் மார்ஷ், அன்ரிச் நார்ட்ஜே, முகேஷ் குமார், இஷாந்த் சர்மா மற்றும் கலீல் அகமது.

கொல்கத்தா நைட் ரைடர்ஸ்:

பில் சால்ட் (விக்கெட் கீப்பர்), சுனில் நரைன், வெங்கடேஷ் அய்யர், ஸ்ரேயாஸ் ஐயர் (கேப்டன்), ரின்கு சிங், ஆண்ட்ரே ரசல், ரமன்தீப் சிங், மிட்செல் ஸ்டார்க், அனுகுல் ராய், ஹர்ஷித் ராணா மற்றும் ஆங்கிரிஷ் ரகுவன்ஷி.

23:29 PM (IST) • 03 Apr 2024

DC vs KKR LIVE Score: 106 ரன்கள் வித்தியாசத்தில் வெற்றி! டெல்லியை சிதைத்து புள்ளிப்பட்டியலில் முதல் இடத்திற்குச் சென்ற கொல்கத்தா!

இறுதியில் டெல்லி கேப்பிடல்ஸ் அணி 17.1 ஓவர்களில் அனைத்து விக்கெட்டுகளையும் இழந்து 166 ரன்கள் மட்டும் எடுத்து 106 ரன்கள் வித்தியாசத்தில் தோல்வியைத் தழுவியது. கொல்கத்தா அணி சார்பில் வைபவ் அரோரா மற்றும் வருண் சக்ரவர்த்தி தலா மூன்று விக்கெட்கள் கைப்பற்றினர். ஸ்டார்க் இரண்டு விக்கெட்டுகள் கைப்பற்றினார். இந்த வெற்றியின் மூலம் கொல்கத்தா அணி மூன்று போட்டிகளில் விளையாடி மூன்று போட்டிகளிலும் வெற்றி பெற்று புள்ளிப்பட்டியலில் முதல் இடத்திற்குச் சென்றுள்ளது.

23:05 PM (IST) • 03 Apr 2024