IPL LSG VS SRH LIVE SCORE :லக்னோவிடம் போராடி தோற்ற சன்ரைசர்ஸ் ஹைதராபாத்...!
IPL LSG vs SRH : மும்பையில் நடைபெறும் லக்னோ சூப்பர் ஜெயன்ட்ஸ் மற்றும் ஹைதராபாத் சன்ரைசர்ஸ் அணிகள் இடையேயான போட்டியின் ஸ்கோர் நிலவரங்களை உடனுக்குடன் கீழே காணலாம்.
LIVE
Background
15வது ஐ.பி.எல். போட்டித்தொடர் விறுவிறுப்பாக நடைபெற்று வருகிறது. மும்பையில் உள்ள டி.ஒய். பாட்டீல் மைதானத்தில் இன்று நடைபெறும் போட்டியில் சன்ரைசர்ஸ் ஹைதரபாத் அணியும், புதிய அணியான லக்னோ சூப்பர் ஜெயன்ட்ஸ் அணியும் நேருக்கு நேர் மோத உள்ளன.
2 போட்டியில் ஆடி 1ல் வெற்றி 1ல் தோல்வியுடன் உள்ள லக்னோ சூப்பர் ஜெயன்ட்ஸ் அணியும், 1 போட்டியில் ஆடி தோல்வியடைந்துள்ள சன்ரைசர்ஸ் அணியும் இன்று மோதுகின்றன. இந்த போட்டி மூலம் சன்ரைசர்ஸ் தனது வெற்றியை தொடங்குமா? அல்லது லக்னோவின் வெற்றி தொடருமா? என்று ரசிகர்கள் ஆவலுடன் எதிர்பார்த்து காத்துள்ளனர்.மும்பையில் இன்று நடைபெறும் போட்டியில் லக்னோ சூப்பர் ஜெயன்ட்ஸ் அணிக்கு எதிராக டாஸ் வென்ற ஹைதராபாத் அணி முதலில் பந்துவீச முடிவு செய்துள்ளது.
லக்னோவிடம் போராடி தோற்ற சன்ரைசர்ஸ் ஹைதராபாத்...!
லக்னோ சூப்பர்ஜெயண்ட்ஸ் அணி நிர்ணயித்த 170 ரன்கள் இலக்கை நோக்கி ஆடிய சன்ரைசர்ஸ் அணி 20 ஓவர்கள் முடிவில் 9 விக்கெட் இழப்பிற்கு 159 ரன்கள் மட்டுமே எடுத்தது. இதனால், லக்னோ அணி 12 ரன்கள் வித்தியாசத்தில் தனது இரண்டாவது வெற்றியை பதிவு செய்தது.
30 பந்துகளில் 50 ரன்கள் தேவை..! வெற்றி பெறப்போவது யார்?
லக்னோ அணிக்காக இலக்கை நோக்கி ஆடி வரும் சன்ரைசர்சின் வெற்றிக்கு 30 பந்துகளில் 50 ரன்கள் தேவைப்படுகிறது. களத்தில் நிகோலஸ் பூரணும், வாஷிங்கடன் சுந்தரும் உள்ளனர்.
ராகுல் திரிபாதி அவுட்..! என்ன செய்யப்போகிறது ஹைதராபாத்...!
சன்ரைசர்ஸ் ஹைதராபாத் அணிக்கு நம்பிக்கை அளிக்கும் விதமாக ஆடிக்கொண்டிருந்த ராகுல் திரிபாதி 30 பந்துகளில் 5 பவுண்டரி 1 சிக்ஸருடன் 44 ரன்கள் எடுத்தநிலையில் குருணல் பாண்ட்யா பந்தில் ஆட்டமிழந்தார். இதனால், ஹைதராபாத் ரசிகர்கள் அதிர்ச்சியடைந்துள்ளனர்.
12 ஓவர்களில் 91 ரன்கள்..! 48 பந்தில் 79 ரன்கள் தேவை..!
170 ரன்கள் இலக்குடன் ஆடி வரும் சன்ரைசர்ஸ் ஹைதராபாத் அணி 12 ஓவர்களில் 3 விக்கெட் இழப்பிற்கு 91 ரன்கள் எடுத்துள்ளது. அந்த அணியின் வெற்றிக்கு 48 பந்தில் 79 ரன்கள் தேவைப்படுகிறது.
3வது விக்கெட்டையும் இழந்தது சன்ரைசர்ஸ்..! அதிரடி காட்டுமா ராகுல் திரிபாதி - பூரண் ஜோடி..!
ராகுல் திரிபாதிக்கு சிறிது நேரம் ஒத்துழைப்பு அளித்துக் கெகாண்டிருந்த எய்டன் மார்க்ரம் குருணால் பாண்ட்யா பந்தில் கே.எல்.ராகுலிடம் கேட்ச் கொடுத்து 12 ரன்களில் ஆட்டமிழந்தார். சன்ரைசர்ஸ் அணி 10.1 ஓவர்களில் 3 விக்கெட் இழப்பிற்கு 82 ரன்களுடன் ஆடி வருகிறது.
தலைப்பு செய்திகள்
ட்ரெண்டிங் செய்திகள்
