(Source: ECI/ABP News/ABP Majha)
DC vs MI, IPL 2023 LIVE: கடைசிப் பந்தில் வெற்றியை ருசித்த மும்பை; டெல்லியை 6 விக்கெட்டுகள் வித்தியாசத்தில் வீழ்த்தி அசத்தல்..!
IPL 2023, Match 16, DC vs MI: மும்பை இந்தியன்ஸ் மற்றும் டெல்லி கேப்பிடல்ஸ் அணிகளுக்கு இடையிலான போட்டி குறித்த லைவ் அப்டேட்டுகளுக்கு ஏபிபியுடன் இணைந்து இருங்கள்.
LIVE
Background
ஐபிஎல் தொடரின் 16வது போட்டியில் இன்று டெல்லி கேபிடல்ஸ் அணியும், மும்பை இந்தியன்ஸ் அணியும் நேருக்கு நேர் மோத இருக்கின்றனர். இப்போட்டியானது டெல்லியில் இரவு 7.30 மணிக்கு தொடங்குகிறது. இந்த தொடரில் டெல்லிக்கு இது இரண்டாவது சொந்த மைதான போட்டியாகும். டெல்லி கேபிடல்ஸ் அணி இதுவரை விளையாடிய மூன்று போட்டிகளிலும் தோல்வியடைந்துள்ளது. மும்பை அணியும் இதுவரை விளையாடிய இரண்டு போட்டிகளிலும் தோல்வியடைந்துள்ளது.
மும்பை இந்தியன்ஸ் அணிக்கு ரோகித் சர்மாவும், டெல்லி கேபிடல்ஸ் அணிக்கு டேவிட் வார்னரும் தலைமை தாங்குகின்றனர். ஐபிஎல் 2023 தொடரில் இந்த இரு அணி கேப்டன்களும் கடும் நெருக்கடியை சந்தித்து வருகின்றனர். இன்றைய போட்டியில் இரு அணிகளும் வெற்றிபெற்றாத வேண்டும் என்ற கட்டாயத்தில் களமிறங்கும். வார்னர் டெல்லி கேபிடல்ஸ் அணிக்காக இரண்டு அரைசதங்கள் அடித்தபோதிலும், தோல்வி விளிம்பில் போராடுகிறது. ரோகித் சர்மா இன்னும் தனது பேட்டிங் திறமையை வெளிப்படுத்தவில்லை. கடுமையாக் போராடி வருகிறார்.
டெல்லி கேபிடல்ஸ் மற்றும் மும்பை இந்தியன்ஸ் அணி இதுவரை 32 போட்டிகளில் நேருக்கு நேர் மோதியுள்ளது. இதில் மும்பை அணி 17 போட்டிகளிலும், டெல்லி கேபிடல்ஸ் அணி 15 போட்டிகளிலும் வெற்றி பெற்றுள்ளது. இரு அணிகளும் இடையிலான கடைசி 5 போட்டிகளில், டெல்லி அணி மூன்று முறையும், மும்பை அணி இரண்டு முறையும் வெற்றி பெற்றுள்ளன. கடந்த ஆண்டு மும்பை மற்றும் டெல்லி அணிகள் இரண்டு போட்டிகளில் விளையாடி, அதில் இரண்டு அணிகளும் தலா ஒரு போட்டிகளில் வெற்றிபெற்றது.
| மொத்தப் போட்டிகள் | 32 |
| மும்பை வெற்றி | 17 |
| டெல்லி வெற்றி | 15 |
| முடிவு இல்லை | 0 |
| மும்பை தோல்வி | 15 |
| டெல்லி தோல்வி | 17 |
| மும்பை அணியின் அதிகபட்ச ஸ்கோர் | 218 |
| டெல்லி அணியின் அதிகபட்ச ஸ்கோர் | 213 |
| மும்பை அணியின் குறைந்த மதிப்பெண் | 92 |
| டெல்லி அணியின் குறைந்த மதிப்பெண் | 66 |
இன்றைய போட்டியின்மூலம், இந்த இரு அணிகளில் தொடர் தோல்விக்கு இன்று ஒரு முடிவு கிடைக்கும். தங்கள் சொந்த மைதானத்தில் விளையாடும் டெல்லி அணி, எப்படியாவது வெற்றிபெற்றாக வேண்டும் என்ற கட்டாயத்தில் இருக்கும். டெல்லி கோட்லா ஒரு சிறிய மைதானம் எனவே டெல்லி முடிந்த அளவு வெற்றியை ருசிக்க கடுமையாக போராடும்.
DC vs MI ஹெட்-டு-ஹெட் ரெக்கார்ட்ஸ்:
- மும்பை இந்தியன்ஸ் அணிக்காக அதிக ரன்கள்: ரோஹித் சர்மா - 727
- டெல்லி கேப்பிட்டல்ஸ் அணிக்காக அதிக ரன்கள்: ரிஷப் பந்த்-372
- மும்பை இந்தியன்ஸ் அணிக்கு அதிக விக்கெட்டுகள்: ஜஸ்பிரித் பும்ரா 23
- டெல்லி கேப்பிட்டல்ஸ் அணிக்காக அதிக விக்கெட்டுகள்: அமித் மிஸ்ரா- 19
| புள்ளி விவரங்கள் | வீரர்கள் | மதிப்பீடு |
| அதிக ரன்கள் | ரோஹித் சர்மா (மும்பை) | 727 ரன்கள் |
| அதிக விக்கெட்டுகள் | ஜஸ்பிரித் பும்ரா (மும்பை) | 23 விக்கெட்டுகள் |
| அதிகபட்ச தனிநபர் ஸ்கோர் | வீரேந்திர சேவாக் (டெல்லி) | 95* ரன்கள் |
| சிறந்த பந்துவீச்சு படம் | லசித் மலிங்கா (மும்பை) | 5/13 |
கணிக்கப்பட்ட இரு அணி விவரங்கள்:
டெல்லி கேபிடல்ஸ் அணி : டேவிட் வார்னர் (கேப்டன்), பிரித்வி ஷா, ரிலீ ரோசோவ், அபிஷேக் போரல் (விக்கெட் கீப்பர்), அக்சர் படேல், லலித் யாதவ், கமலேஷ் நாகர்கோடி, குல்தீப் யாதவ், முகேஷ் குமார், அன்ரிச் நார்ட்ஜே, லுங்கி என்கிடி
மும்பை இந்தியன்ஸ் அணி: ரோஹித் சர்மா (கேப்டன்), இஷான் கிஷன் (விக்கெட் கீப்பர்), கேமரூன் கிரீன், சூர்யகுமார் யாதவ், திலக் வர்மா, டிம் டேவிட், அர்ஷத் கான், ஹிருத்திக் ஷோக்கீன், பியூஷ் சாவ்லா, ஜோப்ரா ஆர்ச்சர், குமார் கார்த்திகேயா
DC vs MI Live Score: மும்பை வெற்றி..!
டெல்லிக்கு எதிரான போட்டியில் மும்பை அணி 6 விக்கெட்டுகள் வித்தியாசத்தில் வெற்றி பெற்றுள்ளது.
Leading from the front, the @ImRo45 way 🙌
— IndianPremierLeague (@IPL) April 11, 2023
The @mipaltan skipper becomes the Player of the Match after guiding his side to a six-wicket victory in Delhi 👏🏻👏🏻
Scorecard ▶️ https://t.co/6PWNXA2Lk6 #TATAIPL | #DCvMI pic.twitter.com/qR6K2r8vRX
DC vs MI Live Score: 18 ஓவர்கள் முடிவில்..!
18 ஓவர்கள் முடிவில் மும்பை 153 -4.
DC vs MI Live Score: ரோகித் சர்மா அவுட்..!
அதிரடியாக ஆடி வந்த ரோகித் சர்மா தனது விக்கெட்டை இழந்துள்ளார். அவர் 45 பந்தில் 65 ரன்கள் சேர்த்துள்ளார்.
DC vs MI Live Score: திலக் வர்மா - சூர்ய குமார் யாதவ் அவுட்..!
சிறப்பாக ஆடி வந்த திலக் வர்மா தனது விக்கெட்டை 29 பந்துகளில் 41 ரன்கள் சேர்த்த நிலையில் தனது விக்கெட்டை இழந்துள்ளார். 16 ஓவர்கள் முடிவில் 3 விக்கெட்டுகளை இழந்து 139 ரன்கள் சேர்த்துள்ளது. இந்த ஓவரில் சூர்ய குமார் யாதவ் டக் அவுட் ஆனார்.
DC vs MI Live Score: 15 ஓவர்கள் முடிவில்..!
இந்த ஓவரில் ரன் எடுக்க திணறிய மும்பை அணி 15 ஓவர்கள் முடிவில் ஒரு விக்கெட் இழப்பிற்கு 123 ரன்கள் சேர்த்துள்ளது.
தலைப்பு செய்திகள்
ட்ரெண்டிங் செய்திகள்
