Cristiano Ronaldo: அணியினர் அடித்த கோலை கொண்டாடும் ரொனால்டோ - வைரலாகும் வீடியோ..!

தனது அணியினர் அடித்த கோலை உடற்பயிற்சி செய்து கொண்டே ரொனால்டோ கொண்டாடும் வீடியோ தற்போது இணையத்தில் வைரலாகி வருகிறது.

கொண்டாட்டத்தில் ரொனால்டோ

தனது அணியினர் அடித்த கோலை உடற்பயிற்சி செய்து கொண்டே ரொனால்டோ கொண்டாடும் வீடியோ தற்போது இணையத்தில் வைரலாகி வருகிறது. 

போர்ச்சுகல் கால்பந்து அணியின் நட்சத்திர வீரர் கிரிஸ்டியானோ ரொனால்டோ. கத்தாரில் கடந்த ஆண்டு நடந்து முடிந்த கால்பந்து உலகக்கோப்பைக்கு பிறகு சவுதி அரேபியாவில் உள்ள கால் பந்து கிளப்பான அல்-நசரில் தன்னை இணைத்துக் கொண்டார். அந்த கிளப்பில் வரும் 2025 வரை விளையாட அவர் ஒப்பந்தம் போட்டுள்ளார். இந்நிலையில், கடந்த வாரம் அல்-நசீர் அணியுடன் இணைந்த ரொனால்டோ இன்னும் ஒரு போட்டியில் கூட களம் இறங்கவில்லை. அவர் களம் இறங்குவதற்கான சூழல் அணி நிர்வாகத்தின் சார்பில் ஏற்படுத்தப்படவில்லை என்பது குறிப்பிடத்தக்கது.

இந்நிலையில் கடந்த வியாழக்கிழமை நடந்த சவுதி ப்ரோ லீக் தொடரில், அல்-நசர் அணி மற்றும் அல்-டாயி அணிக்கு எதிரான போட்டியின் போது அல்-நசர் அணியினர் கோல் அடித்ததை அணியின் உடற்பயிற்சி கூடத்தில் உடற்பயிற்சி செய்து கொண்டு இருந்த கிரிஸ்டியானோ ரொனால்டோ கைத்தட்டி கொண்டாடினார். இந்த வீடியோவை அல்-நசர் அணி நிர்வாகம் அவர்களது டிவிட்டர் பக்கத்தில் வெளியிட இணையத்தில் இந்த வீடியோ தற்போது வைரலாகி வருகிறது. இந்த போட்டியில் அல்-நசர் அணி 2-0 என்ற கோல் கணக்கில் வெற்றி பெற்றது குறிப்பிடத்தக்கது. 

இதற்கு முன்னதாக, மான்செஸ்டர் யுனைடெட் உடனான ஒப்பந்தம் முடிவடைந்ததைத் தொடர்ந்து, கிறிஸ்டியானோ ரொனால்டோ சவுதி அரேபிய ஜாம்பவான்களான அல் நாசருடன் தனது கால்பந்தாட்டதை தொடங்கியுள்ளார்.  ஒப்பந்தம் முடிவடைந்ததால் ரொனால்டோ மற்றும் மான்செஸ்டர் யுனைடெட் அதிகாரப்பூர்வமாக பிரிந்த ரொனால்டோ தற்போது அல்-நசீர் கிளப் அணிக்காக விளையாடவுள்ளார். 

Ronaldo's reaction to @talisca_aa’s 2nd Goal 👏🏼🤩 pic.twitter.com/6s1hLRFLAj

— AlNassr FC (@AlNassrFC_EN) January 6, 2023

இந்த ஒப்பந்தத்தை நீட்டிக்காமல் முடித்துக் கொள்ள மேலும் ஒரு காரணம் சொல்லப்படுகிறது. அது, ஒரு தொலைக்காட்சி நேர்காணலில் கிளப் மற்றும் மேலாளர் எரிக் டென் ஹாக்கை விமர்சித்தார். ரொனால்டோ, 'பியர்ஸ் மோர்கன் அன்சென்சார்டு' என்ற நிகழ்ச்சியில் பங்கேற்று, கிளப்பால்தான் காட்டிக் கொடுக்கப்பட்டதாக உணர்ந்ததாகவும், மூத்த அதிகாரிகள் அவரை வலுக்கட்டாயமாக வெளியேற்ற முயன்றதாகவும் கூறியிருந்தார். 

நேர்காணலைத் தொடர்ந்து, இங்கிலீஷ் பிரீமியர் லீக் கிளப், ரொனால்டின் கருத்துகளுக்குப் பதிலளிக்கும் வகையில் "தகுந்த நடவடிக்கைகளைத் தொடங்கியுள்ளது" என்று கூறியிருந்தது.  இப்போது, ​​இவை அனைத்திற்கும் மத்தியில், 37 வயதான கால்பந்து ஜாம்பவான் உலகக் கோப்பைக்குப் பிறகு சவுதி அரேபிய கிளப்பான அல் நாசருக்கு விளையாட மூன்று ஆண்டு $ 225 மில்லியன் ஒப்பந்தம் வழங்கப்பட்டுள்ளதாக சிபிஎஸ் ஸ்போர்ட்ஸ் தெரிவித்திருந்தது. 

சிபிஎஸ் ஸ்போர்ட்ஸ்,  கடந்த ஏப்ரல், மேவில் இருந்தே இரு தரப்பும் தொடர்பில் இருந்ததாகவும், அதன் பின்னர் பேச்சுக்கள் ஒப்பீட்டளவில் மேம்பட்டுள்ளதாகவும் ஆனால் ரொனால்டின் இறுதி முடிவுக்காக காத்திருக்கின்றன என்றும் தெரிவித்திருந்தது. ரொனால்டோ இந்த வாய்ப்பை ஏற்க விரும்பினால், இந்த ஒப்பந்தம் முடிவடைய நீண்ட காலம் எடுக்கும் என்றும் சிபிஎஸ் ஸ்போர்ட்ஸ் தெரிவித்திருந்தது. ஒன்பது லீக் பட்டங்களை வென்ற அல் நாசர் ஆசியாவின் வெற்றிகரமான கிளப்புகளில் ஒன்றாகும் என்பது குறிப்பிடத்தக்கது.  ஐந்து வெவ்வேறு FIFA உலகக் கோப்பைகளில் ஒரு கோல் அடித்த வரலாற்றில் முதல் கால்பந்து வீரர் இவர்தான்.

இந்நிலையில், ரொனால்டோ ரூ.1,775 கோடிக்கு ஒப்பந்தம் செய்யப்பட்டுள்ளார். சவுதி அரேபியாவை சேர்ந்த அல்-நசர் கிளப் அணி 2025 ஜூன் வரை ரொனால்டோவை ஒப்பந்தும் செய்துள்ளது.