Virat Kohli: ஆனந்த யாழை மீட்டுகிறாய்! மகள் வாமிகாவுடன் லண்டனில் உலா வரும் விராட் கோலி!

இந்திய கிரிக்கெட் அணியின் முன்னாள் கேப்டன் விராட் கோலி தனது மகள் வாமிகாவுடன் சாப்பிடும் புகைப்படம் இணையத்தில் வைரலாகி வருகிறது.

மகள் வாமிகாவுடன் விராட் கோலி

இந்திய கிரிக்கெட் அணியின் முன்னாள் கேப்டனும், நட்சத்திர கிரிக்கெட் வீரருமானவர் விராட் கோலி. இவர் கடந்த 2017ம் ஆண்டு பிரபல இந்தி நடிகை அனுஷ்கா சர்மாவை திருமணம் செய்தார். இந்த தம்பதியினருக்கு வாமிகா என்ற மகள் உள்ளார். இந்த நிலையில், விராட் கோலி – அனுஷ்கா சர்மா தம்பதியினருக்கு கடந்த வாரம் ஆகாய் என்ற மகன் பிறந்தார்.

மகளுடன் விராட் கோலி:

குட்டி கோலி பிறந்ததை அவரது ரசிகர்கள் சமூக வலைதளங்களில் கோலாகலமாக கொண்டாடினர். அனுஷ்கா சர்மா கருத்தரிந்த காரணத்தால் விராட் கோலி, தற்போது நடைபெற்று வரும் இங்கிலாந்து தொடரில் இருந்து முழுவதும் விலகினார்.

Vamika with Virat Kohli
This has to be the picture of the day ❤#ViratKohli #Vamika #COMEBACK pic.twitter.com/csvZMWZxIJ

— Parijat Mishra (@imPmishra1) February 26, 2024

இந்த நிலையில், விராட் கோலி தனது மகள் வாமிகாவுடன் அமர்ந்து சாப்பிடும் புகைப்படம் இணையத்தில் வைரலாகி வருகிறது. கோலி தற்போது குடும்பத்துடன் லண்டனில் இருப்பதாக தகவல்கள் வெளியாகியுள்ளது. லண்டனில் உள்ள நட்சத்திர உணவகம் ஒன்றில் விராட் கோலி தனது மகள் வாமிகாவுடன் அமர்ந்து சாப்பிடுகிறார். விராட் கோலி செல்போனை பார்த்துக் கொண்டிருக்க வாமிகா சாப்பிட்டுக் கொண்டிருக்கிறார்.

வைரலாகும் புகைப்படம்:

இதை அங்கே இருந்த யாரோ புகைப்படமாக எடுத்துள்ளார். இந்த புகைப்படம் தற்போது இணையத்தில் வைரலாகி வருகிறது. இதில் வாமிகாவின் முகம் தெரியவில்லை. விராட் கோலி - அனுஷ்கா சர்மா தம்பதியினர் தங்களது மகளின் புகைப்படத்தை இதுவரை எந்த சமூக வலைதளங்களிலும் வெளியிட்டதில்லை. ஒருநாள் கிரிக்கெட் போட்டியின்போது விராட் கோலி அரைசதம் விளாசியபோது, வாமிகாவை அனுஷ்கா சர்மா தூக்கி வந்தார். அப்போதுதான் வாமிகாவின் முகம் முதன்முறையாக தெரிய வந்தது. அதன்பின்பு, வாமிகாவின் புகைப்படங்களை சமூக வலைதளங்களில் இருந்து நீக்குமாறு விராட் கோலி வேண்டுகோள் விடுத்தார் என்பது குறிப்பிடத்தக்கது. 

மேலும் படிக்க: Sameer Rizvi CSK: முச்சதம் அடித்த CSK வீரர் சமீர் ரிஸ்வி...தோனிக்கு நோ டென்ஷன்!

மேலும் படிக்க: Hardik Pandya Comeback: 4 மாதங்களுக்கு பின் மீண்டும் களமிறங்கிய ஹர்திக் பாண்டியா...ரசிகர்கள் உற்சாகம்!