T20 World Cup 2026: இன்று முதல் சூப்பர் 8 போட்டிகள்! மழை வந்தால் என்ன நடக்கும்? ரிசர்வ் டே இருக்கா? முழு விவரம்

சூப்பர்-8 போட்டிகளும் இந்தியா மற்றும் இலங்கை ஆகிய இரு நாடுகளிலும் நடைபெறும். இந்தியாவில் நடைபெற்ற லீக் கட்ட போட்டிகள் மழையின்றி நடந்தன, ஆனால் மழை காரணமாக இலங்கையில் போட்டிகள் ரத்து செய்யப்பட்டன. 

டி20 உலகக்கோப்பை 2026

Source : Social Media

2026 டி20 உலகக் கோப்பை அதன் அடுத்த கட்டமான சூப்பர்-8 சுற்று போட்டிகள் இன்று . இந்தியா, தென்னாப்பிரிக்கா, ஜிம்பாப்வே, மேற்கிந்திய தீவுகள், இங்கிலாந்து, இலங்கை, பாகிஸ்தான் மற்றும் நியூசிலாந்து ஆகியவை சூப்பர்-8க்கு தகுதி பெற்றுள்ளன. லீக் கட்டத்தைப் போலவே, சூப்பர்-8 போட்டிகளும் இந்தியா மற்றும் இலங்கை ஆகிய இரு நாடுகளிலும் நடைபெறும். இந்தியாவில் நடைபெற்ற லீக் கட்ட போட்டிகள் மழையின்றி நடந்தன, ஆனால் மழை காரணமாக இலங்கையில் போட்டிகள் ரத்து செய்யப்பட்டன. 

இத்தகைய சூழ்நிலையில், கிரிக்கெட் ரசிகர்களின் மனதில் ஒரு கேள்வி எழுந்துள்ளது அதாவது மழை காரணமாக சூப்பர் 8 போட்டி ரத்து செய்யப்பட்டால் ரிசர்வ் டே இருக்குமா? என்பது அதை பற்றி கீழே காண்போம்.

சூப்பர்-8ல் ரிசர்வ் டே விதியா?

லீக் நிலை போட்டிகளுக்கு ரிசர்வ் டே இல்லாதது போல, சூப்பர் 8 போட்டிகளுக்கும் ரிசர்வ் டே கிடையாது. ஐசிசி விதிகளின்படி, ஒரு டி20 போட்டியின் முடிவு எடுக்க இரு அணிகளும் தலா குறைந்தது 5 ஓவர்கள் விளையாட வேண்டும். 5 ஓவர்கள் கூட விளையாடப்படாவிட்டால், போட்டி கைவிடப்பட்டு, இரு அணிகளுக்கும் தலா 1 புள்ளி வழங்கப்படும். 

சூப்பர் 8 தொடரின் முதல் போட்டி 

சூப்பர் 8 நிலை பிப்ரவரி 21 சனிக்கிழமை தொடங்குகிறது. இந்த கட்டத்தின் முதல் போட்டி பாகிஸ்தான் மற்றும் நியூசிலாந்து அணிகளுக்கு இடையே கொழும்பில் உள்ள ஆர். பிரேமதாச மைதானத்தில் நடைபெறும். 

ஒரு அணிக்கு எத்தனை போட்டிகள்:

சூப்பர் 8 அணிகள் இரண்டு குழுக்களாகப் பிரிக்கப்பட்டுள்ளன என்பது குறிப்பிடத்தக்கது. ஒவ்வொரு குழுவிலும் நான்கு அணிகள் உள்ளன. குழுவில் உள்ள ஒவ்வொரு அணியும் மற்ற மூன்று அணிகளுடன் ஒரு போட்டியில் விளையாடும். இதனால், சூப்பர் 8 அணிகளில் உள்ள அனைத்து அணிகளும் அரையிறுதிக்கு முன்னேற தலா மூன்று போட்டிகளில் விளையாடும். ஒவ்வொரு குழுவிலும் முதல் இரண்டு இடங்களைப் பிடிக்கும் அணிகள் அரையிறுதிக்குத் தகுதி பெறும். போட்டி இந்த முறையில் தொடரும். 

சூப்பர் 8 போட்டிகள் அட்டவணை

• நியூசிலாந்து Vs பாகிஸ்தான் - பிரேமதாசா மைதானம், பிப்ரவரி 21, கொழும்பு
• இலங்கை Vs இங்கிலாந்து - கண்டி மைதானம், பிப்ரவரி 22, இலங்கை
• இந்தியா Vs தென்னாப்ரிக்கா - நரேந்திர மோடி மைதானம், பிப்ரவரி 22, அகமதாபாத்
• ஜிம்பாப்வே Vs மேற்கிந்திய தீவுகள் - வான்கடே மைதானம்,பிப்ரவரி 23, மும்பை
• இங்கிலாந்து Vs பாகிஸ்தான் - கண்டி மைதானம் பிப்ரவரி 24, இலங்கை
• இலங்கை Vs நியூசிலாந்து, பிரேமதாசா மைதானம், பிப்ரவரி 25, கொழும்பு
• தென்னாப்ரிக்கா Vs மேற்கிந்திய தீவுகள் - நரேந்திர மோடி மைதானம்,பிப்ரவரி 26, அகமதாபாத்
• இந்தியா Vs ஜிம்பாப்வே - எம்.ஏ. சிதம்பரம் மைதானம், சென்னை, பிப்ரவரி 26
• இங்கிலாந்து Vs நியூசிலாந்து - பிரேமதாசா மைதானம், பிப்ரவரி 27, கொழும்பு
• இலங்கை Vs பாகிஸ்தான் - கண்டி மைதானம், பிப்ரவரி 28
• ஜிம்பாப்வே Vs தென்னாப்ரிக்கா - அருண் ஜெட்லி மைதானம், மார்ச் 1, டெல்லி