Ruturaj Gaikwad Record: 52 பந்துகளில் சதம்: டி20 போட்டியில் ஆஸ்திரேலியாவுக்கு எதிராக ருதுராஜ் செய்த சம்பவம்!
டி 20 போட்டிகளில் ஆஸ்திரேலிய அணிக்கு எதிராக சதம் அடித்த முதல் இந்திய வீரர் என்ற பெருமையை பெற்றார் ருதுராஜ் கெய்க்வாட்.
டி20 போட்டிகளில் ஆஸ்திரேலிய அணிக்கு எதிராக சதம் அடித்த முதல் இந்திய வீரர் என்ற பெருமையை பெற்றார் ருதுராஜ் கெய்க்வாட். அது தொடர்பான தகவல்களை இந்த தொகுப்பில் பார்ப்போம்:
இந்தியா - ஆஸ்திரேலியா டி20:
ஐசிசி உலகக் கோப்பை தொடருக்கு பின்னர் 5 போட்டிகள் கொண்ட டி20 தொடரில் இந்திய அணி ஆஸ்திரேலிய அணியுடன் விளையாடி வருகிறது.
இந்நிலையில், மூன்றாவது போட்டி இன்று (நவம்பர் 28) அசாம் மாநிலத்தில் உள்ள பர்சபரா கிரிக்கெட் மைதானத்தில் நடைபெற்றது. இந்த போட்டியில் ஆஸ்திரேலிய அணி மேக்ஸ்வெல்லின் அதிரடியால் கடைசி ஓவர் த்ரில் வெற்றி பெற்றது.
முன்னதாக, டாஸ் வென்ற ஆஸ்திரேலிய அணி முதலில் பந்து வீச்சை தேர்வு செய்தது. அதன்படி , இந்திய அணியின் தொடக்க ஆட்டக்காரர்களாக யஷஸ்வி ஜெய்ஸ்வால் மற்றும் ருதுராஜ் கெய்க்வாட் ஆகியோர் களம் இறங்கினார்கள். 6 பந்துகள் களத்தில் நின்ற ஜெய்ஸ்வால் ஒரு பவுண்டரி மட்டும் அடித்தார்.
பின்னர் 6 ரன்களில் ஆஸ்திரேலிய பந்து வீச்சாளர் ஜேசன் பெஹ்ரன்டோர்ஃப் பந்தில் மேத்யூ வாடேயிடம் கேட்ச் கொடுத்து விக்கெட்டை பறிகொடுத்து நடையைக் கட்டினார். பின்னர் வந்த இஷான் கிஷன் ரன் ஏதும் இன்றி பெவிலியன் திரும்ப அடுத்து வந்த சூர்ய குமார் 29 பந்துகளில் 39 ரன்கள் எடுத்தார்.
ஆஸ்திரேலியாவுக்கு எதிராக சதம் அடித்த முதல் இந்திய வீரர்:
தொடக்க ஆட்டக்காரராக களம் இறங்கிய ருதுராஜ் கெய்க்வாட் ஆரம்பத்தில் நிதானமாக விளையாடினர். பின்னர் தன்னுடைய அதிரடி ஆட்டத்தை வெளிப்படுத்தினார். அதன்படி, 52 பந்துகளில் சதம் அடித்தார். ஆஸ்திரேலிய பந்து வீச்சாளர்களின் பந்துகளை சிக்ஸரும், பவுண்டரியுமாக பறக்கவிட்டார்.
அதன்படி, மொத்தம் 13 பவுண்டரிகளையும், 7 சிக்ஸர்களையும் பறக்க விட்டார். கடைசி வரை களத்தில் நின்ற ருதுராஜ் கெய்க்வாட் 57 பந்துகளில் 123 ரன்களை குவித்தார். முன்னதாக, கடைசி 13 பந்துகளில் 6 சிக்ஸர்களையும் 3 பவுண்டரிகள் என மொத்தம் 52 ரன்களை குவித்தார். இந்திய வீரர் ஒருவர் டி20 போட்டிகளில் ஆஸ்திரேலிய அணிக்கு எதிராக அடித்த முதல் சதம் இது என்பது குறிப்பிடத்தக்கது. இந்த போட்டியில் அதிரடியாக விளையாடிய ருதுராஜ் கெய்க்வாட்டை ரசிகர்கள் சமூக வலைதளங்களில் புகழ்ந்து வருகின்றனர்.
மேலும் படிக்க: Pakistan Cricket: பாகிஸ்தான் கிரிக்கெட்டில் மீண்டும் ஒரு மாற்றம்! பந்துவீச்சு பயிற்சியாளராக உமர் குல், சயீத் அஜ்மல் நியமனம்!
மேலும் படிக்க: ODI World Cup 2027: இன்னும் நான்கு ஆண்டுகளில் உலகக் கோப்பைத் திருவிழா! எந்த நாடு நடத்துகிறது..?
தலைப்பு செய்திகள்
ட்ரெண்டிங் செய்திகள்
