Watch Video : பாகிஸ்தான் வீரர் வீசிய புயல்வேக பந்து..! இரண்டாக உடைந்த ஸ்டம்பு..! வைரல் வீடியோ உள்ளே..!
இங்கிலாந்தில் நடைபெற்ற கவுன்டிகிளப் போட்டியில் பாகிஸ்தான் வீரர் ஹசன் அலி வீசிய பந்தில் ஸ்டம்பு இரண்டாக உடைந்தது.
பாகிஸ்தான் அணியின் கிரிக்கெட் வீரர் ஹசன்அலி. இவர் அந்த அணியின் முக்கிய பந்துவீச்சாளராக உள்ளார். ஹசன் அலி தற்போது இங்கிலாந்து நாட்டில் நடைபெறும் கவுன்டி கிளப் கிரிக்கெட் போட்டிகளில் விளையாடி வருகிறார். இங்கிலாந்தின் பிரபல கவுன்டி அணியான லங்காஷையர் அணிக்காக அவர் தற்போது ஆடி வருகிறார்.
லங்காஷையர் அணியும் கிளவுசெஸ்டர்ஷையர் அணியும் நேருக்கு நேர் மோதி வருகின்றன. இந்த போட்டியில் கிளவுசெஸ்டர்ஷையர் அணியின் பேட்ஸ்மேன் ஜேம்ஸ் ப்ரேசி ஹசன் அலி பந்துவீச்சில் போல்டாகினார். அவர் வீசிய யார்க்கர் பந்தில் ஜேம்ஸ் ப்ரேசி ஸ்டம்பை பறிகொடுத்தது மட்டுமின்றி, அந்த ஸ்டம்ப் இரண்டாக உடைந்தது. இந்த வீடியோ தற்போது சமூக வலைதளங்களில் வைரலாகி வருகிறது.
NEW STUMPS, PLEASE! 👀@RealHa55an 😲
— Lancashire Cricket (@lancscricket) April 23, 2022
🌹 #RedRoseTogether pic.twitter.com/KhjUz3TG6q
இந்த வீடியோ தற்போது சமூகவலைதளங்களில் வைரலாகி வருகிறது.
“Oh my word!” 😳
— Lancashire Cricket (@lancscricket) April 23, 2022
We’ll have to get another one of those, @RealHa55an! 🤣
🌹 #RedRoseTogether pic.twitter.com/XQO4reizR1
கிளவுசெஸ்டர்ஷையர் அணி முதல் இன்னிங்சில் 252 ரன்களுக்கு ஆட்டமிழந்தது. லங்காஷையர் அணி 556 ரன்களை குவித்து டிக்ளேர் செய்தது. தொடர்ந்து இரண்டாவது இன்னிங்சை ஆடிய கிளவுசெஸ்டர்ஷையர் 247 ரன்களுக்கு ஆட்டமிழந்தது. இதனால், லங்காஷையர் அணி இன்னிங்ஸ் மற்றும் 57 ரன்களுக்கு ஆட்டமிழந்தது. இந்த போட்டியில் ஹசன் அலி 9 விக்கெட்டுகளை கைப்பற்றி அசத்தினார்.
28 வயதான ஹசன் அலி பாகிஸ்தான் அணிக்காக 19 டெஸ்ட் போட்டிகளில் ஆடி 74 விக்கெட்டுகளை வீழ்த்தியுள்ளார். 58 ஒருநாள் போட்டிகளில் ஆடி 89 விக்கெட்டுகளையும், 49 டி20 போட்டிகளில் ஆடி 60 விக்கெட்டுகளையும் வீழ்த்தியுள்ளார். கடந்த உலககோப்பையில் இந்தியாவை வென்ற பாகிஸ்தான் அணியில் ஹசன் அலி இடம்பிடித்திருந்தார் என்பது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
