KL Rahul Athiya Shetty Wedding: நம்ம கே.எல்.ராகுலுக்கு கல்யாணம் எங்க நடக்கப்போகுது தெரியுமா..? குஷியில் ரசிகர்கள்..!

இந்திய கிரிக்கெட் துணை கேப்டன் கே.எல்.ராகுல் - பாலிவுட் நடிகை அதியா ஷெட்டியின் திருமணம் குறித்த லேட்டஸ்ட் அப்டேட்டால் ரசிகர்கள் மகிழ்ச்சியடைந்தனர்.

கே.எல்.ராகுல் - அதியா ஷெட்டி

இந்திய கிரிக்கெட் அணியின் துணை கேப்டன் கே.எல்.ராகுல். இவர் பிரபல பாலிவுட் நடிகை அதியா ஷெட்டியை காதலித்து வருகிறார். அதியா ஷெட்டி பிரபல பாலிவுட் நடிகர் சுனில் ஷெட்டியின் மகள் ஆவார். பாலிவுட்டில் பல படங்களில் நாயகனாக நடித்துள்ள சுனில் ஷெட்டி ரஜினிகாந்தின் தர்பார் படத்தில் வில்லனாக நடித்தவர்.

கே.எல்.ராகுலுக்கும், அதியா ஷெட்டிக்கும் இடையே எப்போது திருமணம் என்று ரசிகர்கள் ஆவலுடன் எதிர்பார்த்து காத்திருந்த சூழலில், தற்போது இவர்களது திருமணம் குறித்த லேட்டஸ்ட் அப்டேட் வெளியாகியுள்ளது. அதாவது, கே.எல்.ராகுல் – அதியா ஷெட்டியின் திருமணம் சுனில்ஷெட்டியின் இல்லத்திலே நடைபெற உள்ளதாக தகவல்கள் வெளியாகியுள்ளது.

முதலில், மும்பையில் உள்ள பிரபல தனியார் நட்சத்திர 5 ஸ்டார் சொகுசு ஹோட்டலில் நடத்த திட்டமிட்டனர். ஆனால், தற்போது சுனில்ஷெட்டியின் இல்லத்திலே திருமணத்தை நடத்த திட்டமிட்டுள்ளனர். தற்போது திருமணம் நடைபெறும் இடம் மட்டுமே தேர்வு செய்யப்பட்டுள்ளது. ஆனால், திருமணத்திற்கான தேதி குறித்து எந்த அறிவிப்பும் வெளியாகவில்லை.

இந்திய அணி அடுத்து உலககோப்பை டி20 தொடரில் ஆட உள்ளதாலும், அதற்கு முன்பு ஆஸ்திரேலியா, தென்னாப்பிரிக்க அணிகளை சந்திக்க உள்ளதாலும், இந்திய அணி அடுத்த இரண்டு மாதங்களுக்கு மிகவும் பரபரப்பாக இருக்கும். இதன் காரணமாக, கிரிக்கெட் வீரர்கள் திருமணத்திற்கு வர வேண்டும் என்பதை கருத்தில் கொண்டு, அதற்கேற்றார்போல தேதியில் திருமணத்தை நடத்த திட்டமிட்டுள்ளனர்.

இவர்களது காதல் பற்றி பேட்டி அளித்திருந்த சுனில்ஷெட்டி, அவர்களுக்கு என்ன வேண்டும் என்பதை அவர்களே தீர்மானித்துக்கொள்வார்கள். என்னுடைய ஆசிர்வாதங்கள் எப்போதும் அவர்களுக்கு இருக்கும் என்று ஏற்கனவே கூறியிருந்தார் என்பது குறிப்பிடத்தக்கது. கே.எல்.ராகுலும், அதியா ஷெட்டியும் இணைந்து ஏராளமான புகைப்படங்களை தங்களது இன்ஸ்டாகிராமில் பதிவிட்டுள்ளனர் என்பது குறிப்பிடத்தக்கது.

பிரபல நடிகர் சுனில்ஷெட்டியின் மகளான அதியாஷெட்டியும் நடிகை மற்றும் மாடலாக உள்ளார். 2015ம் ஆண்டு வெளியான ஹீரோ என்ற படம் மூலமாக அதியா ஷெட்டி நடிகையாக அறிமுகமானார். கடைசியாக 2019ம் ஆண்டு நடித்திருந்தார். அதற்கு பின்பு அவர் எந்த படங்களிலும் நடிக்கவில்லை என்பது குறிப்பிடத்தக்கது. கே.எல்.ராகுல் – அதியாஷெட்டி திருமணம் சுனில் ஷெட்டியின் இல்லத்திலே நடைபெறும் என்ற தகவல்களால் அவர்களது ரசிகர்கள் மகிழ்ச்சியடைந்துள்ளனர்.  

இந்திய அணியின் கேப்டன் பொறுப்பை அலங்கரித்துள்ள கே.எல்.ராகுல் 43 டெஸ்ட் போட்டிகளில் ஆடி 2 ஆயிரத்து 547 ரன்களை விளாசியுள்ளார். அவற்றில் 7 சதங்கள், 13 அரைசதங்கள் அடங்கும். 45 ஒருநாள் போட்டிகளில் ஆடி 5 சதங்கள், 10 அரைசதங்களுடன் 1,665 ரன்களை எடுத்துள்ளார். 59 டி20 போட்டிகளில் ஆடி 2 சதங்கள், 16 அரைசதங்களுடன் 1895 ரன்களை எடுத்துள்ளார். ஐ.பி.எல். போட்டிகளிலும் பஞ்சாப் அணிக்கு கேப்டனாக பொறுப்பு வகித்ததுடன், கடந்த சீசனில் லக்னோ அணிக்கு கேப்டனாகவும் அசத்தலாக ஆடினார்.  

மேலும் படிக்க : IND vs SL Asia Cup: கட்டாய வெற்றி நெருக்கடியில் களமிறங்கும் இந்தியா! இன்றைய போட்டியில் தோற்றால் என்னவாகும்..?

மேலும் படிக்க : Goodbye movie trailer: அமிதாப்பச்சன் மகளாக ராஷ்மிகாவின் பாலிவுட் என்ட்ரி... வெளியான ட்ரெய்லர்!