IND-W vs SA-W: ஒரு இன்னிங்ஸில் 600 ரன்கள்.. மகளிர் டெஸ்டில் மகத்தான சாதனை படைத்த இந்திய அணி..!

India Women vs South Africa Women Test: தென்னாப்பிரிக்காவுக்கு எதிராக முதலில் பேட்டிங் செய்த இந்திய அணி 6 விக்கெட்டுகளை இழப்பிற்கு 603 ரன்கள் எடுத்து டிக்ளேர் செய்தது. இது மகளிர் டெஸ்ட் வரலாற்றில் அதிகபட்ச ரன்னாக பதிவானது. 

இந்தியா vs தென்னாப்பிரிக்கா ( Image Source :PTI )

IND-W vs SA-W Test: இந்திய மகளிர் கிரிக்கெட் அணி, மகளிர் டெஸ்ட் கிரிக்கெட் வரலாற்றில் அதிக ரன்கள் குவித்த அணி என்ற பெருமையை பெற்றுள்ளது. இன்று, தென்னாப்பிரிக்காவுக்கு எதிரான ஒரே ஒரு டெஸ்ட் போட்டியின் இரண்டாவது நாளில், இந்திய அணி 4 விக்கெட் இழப்பிற்கு 575 ரன்கள் எடுத்து ஆஸ்திரேலியாவ்வின் முந்தைய சாதனையை முறியடித்து, மகளிர் கிரிக்கெட்டில் அதிகபட்ச ஸ்கோரை பதிவு செய்தது. இந்த சாதனையை நிகழ்த்திய இந்திய அணி, முதல் இன்னிங்ஸில் 6 விக்கெட்டுக்கு 603 ரன்கள் குவித்து டிக்ளேர் செய்தது. 

இந்திய அணியின் தொடக்க வீரர்களாக ஷபாலி வர்மாவின் இரட்டை சதத்தாலும், ஸ்மிருதி மந்தனாவின் 149 ரன்களாலும் சிறப்பான தொடக்கம் கிடைத்தது. இதன் மூலம் இந்திய அணி முதல் விக்கெட்டுக்கு 292 ரன்கள் பார்ட்னர்ஷிப் அமைத்தது. 

ஸ்மிருதி மந்தனா 161 பந்துகளில் 27 பவுண்டரிகள் மற்றும் 1 சிக்ஸர் உதவியுடன் 149 ரன்களில் அவுட்டானார். இதுபோக, ஷஃபாலி வர்மா 197 பந்துகளில் 23 பவுண்டரிகள் மற்றும் 8 சிக்ஸர்கள் உதவியுடன் 205 ரன்கள் எடுத்துள்ளார். ஸ்மிருதி மற்றும் ஷஃபாலி தவிர, ரிச்சா கோஷ் மற்றும் ஹர்மன்ப்ரீத் கவுர் ஆகியோரும் அரைசதங்கள் அடித்திருந்தனர். மேலும், ஜெமிமா ரோட்ரிக்ஸ் 94 பந்துகளில்  8 பவுண்டரிகள் உதவியுடன் 55 ரன்கள் எடுத்திருந்தார். 

Innings break!

Richa Ghosh departs after a fine knock of 86(90) 👏👏 #TeamIndia have declared after scoring a mammoth total of 603/6 🙌🙌

South Africa innings coming up shortly ⏳

Scorecard ▶️ https://t.co/4EU1Kp6YTG#INDvSA | @IDFCFIRSTBank pic.twitter.com/uB3MqC8JtG

— BCCI Women (@BCCIWomen) June 29, 2024

இதன் காரணமாக, தென்னாப்பிரிக்காவுக்கு எதிராக முதலில் பேட்டிங் செய்த இந்திய அணி 6 விக்கெட்டுகளை இழப்பிற்கு 603 ரன்கள் எடுத்து டிக்ளேர் செய்தது. இது மகளிர் டெஸ்ட் வரலாற்றில் அதிகபட்ச ரன்னாக பதிவானது. 

இதற்கு முன், ஆஸ்திரேலிய மகளிர், மகளிர் டெஸ்ட் கிரிக்கெட்டில் அதிக ஸ்கோரை அடித்த சாதனையை படைத்தனர். 2024 இல் பெர்த்தில் தென்னாப்பிரிக்காவுக்கு எதிரான டெஸ்ட் போட்டியின் இரண்டாவது இன்னிங்ஸில் 575/9 ரன்கள் எடுத்து டிக்ளேர் செய்தனர். 

Tea on Day 2 of the #INDvSA Test!

2⃣ wickets in the session for #TeamIndia!

South Africa move to 106/2

Final session of the day coming up!

Scorecard ▶️ https://t.co/4EU1Kp6YTG@IDFCFIRSTBank pic.twitter.com/Fly2zfghTV

— BCCI Women (@BCCIWomen) June 29, 2024

மகளிர் டெஸ்ட் கிரிக்கெட்டில் அடிக்கப்பட்ட அதிகபட்ச ரன்கள்: 

எண்	ஆண்டு	அணிகள்	எதிரணி	இடம்	அதிகபட்ச ஸ்கோர்
1	2024	இந்திய மகளிர்	தென்னாப்பிரிக்கா மகளிர்	சென்னை	603/6d
2	2024	ஆஸ்திரேலியா மகளிர்	தென்னாப்பிரிக்கா மகளிர்	பெர்த்	575/9d
3	1998	ஆஸ்திரேலியா மகளிர்	தென்னாப்பிரிக்கா மகளிர்	கில்ட்ஃபோர்ட்	569/6d
4	1984	ஆஸ்திரேலியா மகளிர்	இந்திய மகளிர்	அகமதாபாத்	525/10
5	1996	நியூசிலாந்து மகளிர்	இங்கிலாந்து மகளிர்	ஸ்கார்பரோ	517/8
6	1935	இங்கிலாந்து மகளிர்	நியூசிலாந்து மகளிர்	கிறிஸ்ட்சர்ச்	503/5டி
7	2003	இங்கிலாந்து மகளிர்	தென்னாப்பிரிக்கா மகளிர்	ஷென்லி	497/10
8	2023	ஆஸ்திரேலியா மகளிர்	இங்கிலாந்து மகளிர்	நாட்டிங்ஹாம்	473/10
9	2002	இந்திய மகளிர்	இங்கிலாந்து மகளிர்	டவுன்டன்	467/10
10	2023	இங்கிலாந்து மகளிர்	ஆஸ்திரேலியா மகளிர்	நாட்டிங்ஹாம்	463/10

முன்னதாக, தென்னாப்பிரிக்காவிற்கு எதிரான நேற்றைய முதல் நாளில் இந்திய மகளிர் அணி 4 விக்கெட்டுக்கு 525 ரன்கள் எடுத்திருந்தது. இது ஒரு டெஸ்ட் போட்டியில் ஒரு நாளில் எடுக்கப்பட்ட அதிகபட்ச ஸ்கோராக பதிவானது. இதற்கு முன்னதாக, கடந்த 2002ம் ஆண்டு கொழும்பில் வங்கதேசத்திற்கு எதிராக ஒரு நாளில் இலங்கை அணி 9 விக்கெட்டுக்கு 509 ரன்கள் எடுத்திருந்தது.