இந்தியாவில் சுற்றுப்பயணம் மேற்கொண்டு கிரிக்கெட் தொடர் ஆடி வரும் நியூசிலாந்து அணி டி20 தொடரை இழந்த நிலையில், டெஸ்ட் தொடரில் ஆடி வருகிறது. கான்பூரில் நடைபெற்ற முதல் டெஸ்ட் போட்டியில் நியூசிலாந்து அணி ரச்சின் ரவீந்திராவின் நிதானமான மற்றும் பொறுப்பான பேட்டிங்கால் கடைசி விக்கெட்டை இழக்காமல் ஆடி போட்டியை போராடி டிரா செய்தது.

இந்த நிலையில், இந்த தொடரின் கடைசி போட்டியான இந்தியா- நியூசிலாந்து மோதும் இரண்டாவது மற்றும் கடைசி டெஸ்ட் போட்டி மும்பையில் நேற்று தொடங்க உள்ளது. இந்த போட்டியில் டாஸ் வென்ற இந்திய கேப்டன் விராட் கோலி பேட்டிங்கைத் தொடங்கினார். மயங்க் அகவர்வாலின் சதம், கில்லின் 40+ ரன்களால் முதல் நாள் ஆட்ட நேர முடிவில் 4 விக்கெட்டுகள் இழப்பிற்கு இந்திய அணி 221 ரன்கள் எடுத்தது. நியூசிலாந்தின் அஜாஸ் படேல் முதல் நாள் ஆட்டத்தில் சரிந்த 4 விக்கெட்டுகளையும் கைப்பற்றி அசத்தினார்.

17:23 PM (IST) • 04 Dec 2021

புஜாரா - மயங்க் அதிரடி தொடக்கம்...! 332 ரன்கள் முன்னிலை பெற்ற இந்தியா...!

263 ரன்கள் முன்னிலையுடன் இரண்டாவது இன்னிங்சை தொடர்ந்து ஆடி வரும் இந்திய வீரர்கள் மயங்க் அகர்வாலும், புஜாராவும் அதிரடியாக ஆடி வருகின்றனர். இதனால், இந்திய அணி இரண்டாவது நாள் ஆட்ட நேர முடிவில் தனது இரண்டாவது இன்னிங்சில் விக்கெட் இழப்பின்றி 69 ரன்களை எடுத்துள்ளது. இந்திய அணி 332 ரன்கள் முன்னிலை பெற்றுள்ளது. மயங்க் அகர்வால் 37 ரன்களுடனும், புஜாரா 29 ரன்களுடனும் ஆடி வருகின்றனர்.

16:49 PM (IST) • 04 Dec 2021

அதிரடியாக 50 ரன்களை கடந்த மயங்க் - புஜாரா ஜோடி....!

நியூசிலாந்தை 62 ரன்களில் சுருட்டி, இரண்டாவது இன்னிங்சை தொடங்கி ஆடி வரும் இந்தியாவின் மயங்க் அகர்வாலும், புஜாராவும் அதிரடியாக ஆடி ரன்களை சேர்த்து வருகின்றனர். இருவரும் இணைந்து சற்றுமுன் வரை விக்கெட் இழப்பின்றி 50 ரன்களை எடுத்துள்ளனர்.