IND vs PAK, Match Highlights: இறுதிவரை விறுவிறு..! கிங் கோலி அபாரம்..! கடைசி பந்தில் இந்தியா திரில் வெற்றி..!

ICC T20 WC 2022, IND vs PAK: பாகிஸ்தானுக்கு எதிரான டி20 ஆட்டத்தில் இந்தியா அணி கடைசி ஓவரில் திரில் வெற்றி பெற்றது.

சிறப்பாக ஆடிய விராட் கோலி

உலககோப்பை டி20 தொடரில் சூப்பர் 12 சுற்று ஆட்டத்தின் முதல் போட்டியில் பாகிஸ்தானுக்கு எதிரான ஆட்டத்தில் இந்தியா அணி கடைசி ஓவரில் திரில் வெற்றி பெற்றது. பாகிஸ்தானுக்கு எதிராக 160 ரன்கள் இலக்குடன் களமிறங்கிய இந்திய அணிக்கு தொடக்கமே அதிர்ச்சியாக அமைந்தது. தனது முதல் விக்கெட்டை பறிகொடுத்தது. நசீம் ஷா வீசிய ஓவரில் தொடக்க ஆட்டக்காரர் கே.எல்.ராகுல் போல்டு ஆனார். 2 ஓவர்கள் முடிவில் 1 விக்கெட் இழப்புக்கு இந்திய அணி 7 ரன்கள் எடுத்துள்ளது.

5 ஓவர்கள் முடிவில் இந்தியா 22 ரன்கள்
இந்தியா 5 ஓவர்கள் முடிவில் 2 விக்கெட் இழப்புக்கு 22 ரன்கள் எடுத்துள்ளது. கே.எல்.ராகுல், ரோகித் சர்மா ஆகியோர் 4 ரன்களில் ஆட்டமிழந்து அதிர்ச்சி அளித்தனர்.

பெவிலியன் திரும்பிய சூர்ய குமார் யாதவ்

இந்திய அணியின் அதிரடி வீரர் சூர்யகுமார் யாதவ் 10 பந்துகளில் 2 பவுண்டரிகளுடன் 15 ரன்கள் எடுத்திருந்தபோது, ஹரிஸ் ரெளஃப் பந்துவீச்சில் ரிஸ்வானிடம் கேட்ச் ஆகி ஆட்டமிழந்தார். 

அக்சர் படேல் ரன் அவுட்
சூர்ய குமார் யாதவ் ஆட்டமிழந்ததைத் தொடர்ந்து களமிறங்கிய அக்சர் படேல், வந்த வேகத்தில் ரன் அவுட்டாகி பெவிலியன் திரும்பினார். அவர் 3 பந்துகளில் 2 ரன்கள் எடுத்து ரன் அவுட்டானார். அவரைத் தொடர்ந்து ஹார்திக் பாண்டியா களம் புகுந்துள்ளார்.

10 ஓவர்கள் முடிவில் இந்தியா 45/4
பாகிஸ்தானுக்கு எதிரான ஆட்டத்தில் 10 ஓவர்கள் முடிவில் இந்திய அணி, 4 விக்கெட் இழப்புக்கு 45 ரன்கள் எடுத்துள்ளது. விராட் கோலியும், ஹார்திக் பாண்டியாவுக்கு களத்தில் உள்ளனர்.

15 ஓவர்கள் முடிவில் இந்தியா 100/4
இந்திய அணி 15 ஓவர்கள் முடிவில் 4 விக்கெட் இழப்புக்கு 100  ரன்களை எடுத்தது.

சிறப்பான கூட்டணி கோலி-பாண்டியா
கோலி அரை சதம் பதிவு செய்தார். அவர் 43 பந்துகளில் 4 பவுண்டரிகள் 1 சிக்ஸர் என அரை சதம் பதிவு செய்தார். 12 பந்துகளில் 31 ரன்கள் எடுக்க வேண்டிய கட்டாயத்தில் இந்தியா கடைசி நிமிட பதற்றத்துடன் விளையாடியது. 19வது ஓவரின் கடைசி 2 பந்துகளில் பேக் டூ பேக் சிக்ஸர் அடித்து அசத்தினார் கோலி. கடைசி ஓவரில் 16 ரன்கள் தேவை என்ற நிலையில், கடைசி ஓவரை நவாஸ் வீசினார். கடைசி ஓவரின் முதல் பந்தை தூக்கி அடித்த பாண்டியா பாபர் ஆஸாமிடம் கேட்ச் ஆனார்.

தினேஷ் கார்த்திக் களத்தில் இறங்கினார். 5 பந்துகளில் 16 ரன்கள் தேவை என்ற நிலையில், தினேஷ் கார்த்திக் 1 ரன் எடுத்தார். கடைசி ஓவரின் 3வது பந்தை சிக்ஸருக்கு விளாசினார் கோலி. இதனிடையே நோ பால் என போட்டி நடுவர் அறிவித்தார். இதனால், பாகிஸ்தான் வீரர்களிடையே குழப்பம் ஏற்பட்டது. நடுவரிடம் முறையிட்டனர். எனினும், நோ பால் என்று போட்டி நடுவர் உறுதிப்படுத்தினார்.

ஃப்ரீ ஹிட் வாய்ப்பு கிடைக்க 3 பந்துகளுக்கு 6 ரன் எடுக்க வேண்டியிருந்தது. ஃப்ரீ ஹிட்டில் போல்டு ஆனார் கோலி. எனினும் அவுட் இல்லை என்பதால் 3 ரன்களை ஓடி எடுத்தனர். 2 பந்துகளுக்கு 2 ரன்கள் தேவை என்று இருந்தது. எதிர்பாராதவிதமாக தினேஷ் கார்த்திக் ஆட்டமிழந்தார். இதையடுத்து அஸ்வின் களம் இறங்கினார். கடைசி 2 பந்தில் 2 ரன்கள் தேவை என்ற நிலையில், 5வது பந்து ஒயிட் ஆக அமைந்த நிலையில் கடைசி பந்தில் அஸ்வின் ஒரு ரன் அடித்து இந்தியாவை வெற்றி பெற வைத்தார். 

விராட் கோலி 53 பந்துகளில் 82 ரன்கள் எடுத்து கடைசி வரை ஆட்டமிழக்காமல் இருந்தார். ஹர்திக் பாண்டியா 37 பந்துகளில் 40 ரன்கள் எடுத்தார். ஆட்டநாயகன் விருதை விராட் கோலி தட்டிச் சென்றார்.