ICC Media Rights: உலகக்கோப்பை கிரிக்கெட் போட்டிகளை இனி இந்த சேனலில் மட்டும்தான் பார்க்கமுடியும்..
ICC Media Rights: ஐசிசி கிரிக்கெட் போட்டிகளுக்கான தொலைக்காட்சி ஒளிபரப்பு உரிமைகளை இரண்டு முன்னணி தொலைக்காட்சி நிறுவனங்கள் வாங்கியுள்ளன.
ICC Media Rights: 2024 ஆம் ஆண்டு முதல் 2027 ஆம் ஆண்டு வரை உலகம் முழுவதும் நடக்கும் ஐசிசி கிரிக்கெட் போட்டிகளை தொலைக்காட்சிகளில் ஒளிபரப்புச் செய்யும் உரிமையினை முன்னணி தொலைக்காட்சி நிறுவனங்களான, டிஸ்னி ஸ்டார் மற்றும் ஜீ தொலைகாட்சிகள் வாங்கியுள்ளன.
சர்வதேச கிரிக்கெட் கவுன்சிலின் (ICC) சமீபத்திய ஊடக உரிமைகள் தொடர்பாக டிஸ்னி ஸ்டார் மற்றும் ZEE துணை உரிம ஒப்பந்தத்தில் கையெழுத்திட்டுள்ளன. இதன் விளைவாக, அனைத்து உலகளாவிய கிரிக்கெட் போட்டிகளையும் ZEE தனது தொலைக்காட்சி சேனல்களில் ஒளிபரப்பும், அதே நேரத்தில் ஸ்டார் டிஜிட்டல் உரிமையை மட்டுமே தக்க வைத்துக் கொள்ளும் எனவும் தெரிவிக்கப்பட்டுள்ளது. இந்திய மீடியா ஸ்போர்ட்ஸ் ஒளிபரப்பு வரலாற்றில் முதன்முதலாக தொலைக்காட்சி உரிம ஒப்பந்தம், 2024 முதல் நான்கு ஆண்டுகளுக்கு நீடிக்கும், ஸ்டார் அதன் டிஜிட்டல் தளமான ஹாட்ஸ்டாரில் போட்டிகளை தொலைக்காட்சிகளில் ஒளிபரப்புச் செய்யும்.
ஐசிசியின் கொள்கை அடிப்படையில், வணிக விஷயங்களில் கருத்து தெரிவிக்காது, ஆனால் துபாயில் உள்ள வட்டாரங்கள் கிரிக்பஸ்ஸிடம் தெரிவித்துள்ளனர். அதேபோல், இதற்கு முன்னர், 2007 இல் அங்கீகரிக்கப்படாத இந்திய கிரிக்கெட் லீக் (ஐசிஎல்) தொடங்கப்பட்டதைத் தொடர்ந்து, இந்திய கிரிக்கெட் கட்டுப்பாட்டு வாரியம் (பிசிசிஐ) மற்றும் ஐசிசி ஆகியவற்றால் தடுப்புப்பட்டியலில் சேர்க்கப்பட்ட ZEE நிறுவனத்திற்கு இந்த உரிமை ஒரு தொழில் ரீதியாக ஆறுதல் அளிக்கும் என ZEE தரப்பில் தெரிவிக்கப்பட்டுள்ளது. அதிலும், நீண்ட சட்டப் போராட்டத்திற்குப் பிறகு, அனைத்து தரப்பினரும் சமீபத்தில் தொலைக்காட்சி உரிமைக்கான ஏலத்திற்கு அழைப்பு விடுத்தனர், அதைத் தொடர்ந்து ஐபிஎல் ஊடக உரிமை ஏலத்திலும் ZEE பங்கேற்றது. உண்மையில், ஐசிசி உரிமைகள் ZEE இன் இரண்டாவது பெரிய கையகப்படுத்தல் ஆகும், இது முன்பு 10 ஆண்டுகளாக ILT20 (துபாய் லீக்) உரிமைகளைப் பெற்றிருந்தது. ZEE ஸ்போர்ட்ஸ், 2007 இல் பிசிசிஐயால் தடுப்புப்பட்டியலில் சேர்க்கப்படுவதற்கு முன்பு, அபுதாபி மற்றும் மலேசியா போன்ற இடங்களில் ஒரு வருடத்திற்கு முன்னர் சர்வதேச இருதரப்பு அல்லது முத்தரப்புத் தொடர் நிகழ்வுகளை நடத்திய லலித் மோடியின் கண்டுபிடிப்பான இந்தியாவின் ஆஃப்-ஷோர் கேம்களின் உரிமையை வைத்திருந்தது குறிப்பிடத்தக்கது.
நீண்ட காலத்திற்கு மேலாக வணிகப் போட்டியாளர்களாக இருந்த இரண்டு ஊடக நிறுவனங்களும் ஒன்றிணைவது இது முதல் முறை. இதில், உரிமைகளைப் பெற $3 பில்லியனுக்கும் அதிகமான ஏலத்தை வழங்கியதாக தெரிவிக்கப்பட்டுள்ளது. இப்போது நிதிச்சுமை இரு நிறுவனங்களால் பகிர்ந்து கொள்ளப்படும் பரிவர்த்தனையின் சரியான மதிப்பை நிறுவனங்கள் ரகசியமாக வைத்துள்ளன. சோனி மற்றும் ZEE இடையேயான பார்ட்னர்ஷிப் செயல்முறை நீண்ட காலமாக நடந்து வருகிறது, அது விரைவில் முடிவடையும் என்று எதிர்பார்க்கப்படுகிறது. இதனால், ZEE நிறுவனம், "நாங்கள் கிரிக்கெட் போட்டிகளை ZEE ஸ்போர்ட்ஸில் ஒளிபரப்புச் செய்வோம்" என்று ZEE தரப்பில் கூறியுள்ளனர்.
ஐசிசி ஆண்கள் டி20 டபிள்யூசி (2024, 2026), ஐசிசி ஆண்கள் சாம்பியன்ஸ் டிராபி (2025) மற்றும் ஐசிசி ஆண்கள் கிரிக்கெட் உலகக் கோப்பை (2027) உள்ளிட்ட ஐசிசி ஆண்கள் கிரிக்கெட் போட்டிகள் ZEE தொலைக்கட்சியில் ஒளிபரப்பு செய்யப்படும். அதேபோல், 2027 ஆம் ஆண்டு வரை ICC ஆண்கள் கிரிக்கெட் போட்டிகளுக்கு ஒரு சிறந்த தொலைக்காட்சியாக, ZEE செயல்படும் எனவும் தெரிவிக்கப்பட்டுள்ளது. ஐசிசி நடத்தும், பெண்களுக்கான சர்வதேச போட்டிகள் ஸ்டார் மற்றும் ZEE தொலைக்காட்சி சேனல்களில் ஒளிபரப்பப்பு செய்யவும் முயற்சிகள் மேற்கொள்ளப்பட்டு வருகின்றது எனவும், தற்போது ஐசிசியின் ஒப்புதல் ஆண்களுக்கான ஆட்டங்களுக்கு மட்டுமே கிடைத்துள்ளது எனவும் தெரிவிக்கப்பட்டுள்ளது.
தலைப்பு செய்திகள்
ட்ரெண்டிங் செய்திகள்
