Virat kohli:ஸ்பீட் ஸ்பீட் ஸ்பீட்.. லேட்டஸ்ட் ஆக வா நீ.. மீண்டும் பயிற்சியை தொடங்கிய விராட் கோலியின் வைரல் வீடியோ..
இந்திய கிரிக்கெட் அணியின் முன்னாள் கேப்டன் விராட் கோலி ஆசிய கோப்பை தொடருக்கான பயிற்சியை தொடங்கியுள்ளார்.
வெஸ்ட் இண்டீஸ் டி20 தொடருக்கு பிறகு இந்திய கிரிக்கெட் அணி ஜிம்பாவே தொடரில் பங்கேற்க உள்ளது. அதற்கு ஷிகார் தவான் தலைமையிலான அணி செல்ல உள்ளது. அதைத் தொடர்ந்து நடைபெற உள்ள ஆசிய கோப்பை தொடருக்கான இந்திய அணி அறிவிக்கப்பட்டுள்ளது. அதில் இந்திய அணியின் முன்னாள் கேப்டன் விராட் கோலி மீண்டும் திரும்பியுள்ளார். அவருடைய ஃபார்ம் தொடர்பாக பல முன்னாள் வீரர்கள் கருத்து தெரிவித்து வருகின்றனர்.
இந்நிலையில் இங்கிலாந்து தொடருக்கு பின்பு ஓய்வில் இருந்த விராட் கோலி மீண்டும் தன்னுடைய பயிற்சியை தொடங்கியுள்ளார். அவர் தன்னுடைய பயிற்சி தொடர்பாக இன்ஸ்டாகிராம் ஸ்டேடஸில் வீடியோ ஒன்றை வெளியிட்டிருந்தார். அந்தப் படங்கள் சமூக வலைதளங்களில் வேகமாக வைரலாகி வருகின்றன. இந்தப் படத்தை பதிவிட்டு விராட் கோலி மீண்டும் பழைய ஃபார்மிற்கு திரும்புவார் என்று அவருடைய ரசிகர்கள் பலரும் கருத்து தெரிவித்து வருகின்றனர்.
Virat Kohli during practice session.@imVkohli ♥️🐐#ViratKohli𓃵 pic.twitter.com/ZCj2pFjPDd
— Over Thinker Lawyer 🇵🇰 (@Muja_kyu_Nikala) August 11, 2022
முன்னதாக விராட் கோலி தொடர்பாக இலங்கை அணியின் முன்னாள் கேப்டன் ஜெயவர்தனே ஐசிசியின் ரிவ்யூ நிகழ்ச்சியில் கருத்துகளை தெரிவித்திருந்தார். அதன்படி, “விராட் கோலி தற்போது ஒரு மோசமான ஃபார்மை சந்தித்து வருகிறார். அவர் ஒரு சிறப்பான வீரர். இதுபோன்ற இகட்டான தருணங்களில் எப்படி மீண்டு வர வேண்டும் என்பது அவருக்கு தெரியும். அவர் இதுபோன்று ஏற்கெனவே செய்துள்ளார். ஆகவே அதேபோன்று மீண்டும் வருவார். ஒரு வீரரின் ஃபார்ம் நிரந்தரமானதில்லை. ஆனால் அவருடைய கிளாஸ் எப்போதும் நிரந்திரமான ஒன்று. எனவே நிச்சயம் மீண்டு வருவார்” எனக் கூறியிருந்தார்.
இந்தியா, பாகிஸ்தான், இலங்கை, வங்காளதேசம், ஆஃப்கானிஸ்தான் ஆகிய அணிகளுடன் ஆசிய கோப்பைக்கு தகுதி பெறும் மற்றொரு அணியும் இணைந்து ஆசிய கோப்பைக்கான கிரிக்கெட் போட்டியில் விளையாடவுள்ளன. இதில் இந்தியா,பாகிஸ்தான் மற்றும் தகுதி பெறும் ஒரு அணி ஏ பிரிவில் இடம்பெற்றுள்ளன. அதேபோல் இலங்கை, பங்களாதேஷ் மற்றும் ஆஃப்கானிஸ்தான் அணிகள் பி பிரிவில் இடம்பெற்றுள்ளன. ஆகஸ்ட் மாதம் 27ம் ம் தேதி தொடங்கவுள்ள இந்தப் போட்டித் தொடர் செப்டம்பர் மாதம் 11ம் தேதி வரை நடைபெறவுள்ளது.
15 ஆசியக் கோப்பைக்கான தொடரின் முதல் போட்டியில், இலங்கை அணிடுடன் ஆப்கானிஸ்தான் அணி மோதவுள்ளன. உலகமே ஆவலுடன் எதிர்பார்க்கும் பாகிஸ்தான் - இந்திய அணிகளின் அனல் பறக்கும் மோதல் 28ம் தேதி மாலை ஆறு மணிக்கு நடைபெறவுள்ளது. மொத்தம் 13 போட்டிகள் நடக்கவுள்ள இந்த தொடரானது ஐக்கிய அமீரகத்தில் உள்ள துபாய் மற்றும் ஷார்ஜாவில் நடைபெறவுள்ளது. குரூப் போட்டிகளின் முடிவில் இரண்டு குரூப்களிலும் முதல் இரண்டு இடங்களை பிடிக்கும் அணிகள் சூப்பர் 4 சுற்றில் விளையாடும்.
சூப்பர் 4 சுற்றில் முதல் இரண்டு இடங்களை பிடிக்கும் அணிகள் இறுதிப் போட்டிக்கு முன்னேறும். இம்முறை ஆசிய கோப்பை போட்டிகள் அனைத்தும் டி20 போட்டிகளாக நடைபெற உள்ளன. இதன்காரணமாக இம்முறை ஆசிய கோப்பை தொடருக்கு ரசிகர்கள் இடையே பெரும் எதிர்பார்ப்பு இருக்கும் என்று கருதப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
