பழனி முருகன் கோயில் உண்டியல் காணிக்கை: மொத்த வசூல் எவ்வளவு தெரியுமா..?
2வது நாளாக உண்டியல் காணிக்கை எண்ணும் பணி நடைபெற்றது. இதில் ரூ.91 லட்சத்து 46 ஆயிரத்து 729-ம், தங்கம் 159 கிராம், வெள்ளி 1 கிலோ 254 கிராம், வெளிநாட்டு கரன்சிகள் 117-ம் காணிக்கையாக கிடைத்தன.
தமிழ் கடவுள் முருகப்பெருமானின் அறுபடை வீடுகளில் 3-ம் படை வீடான பழனி முருகன் கோவிலுக்கு தரிசனம் செய்ய தினமும் ஆயிரக்கணக்கான பக்தர்கள் வருகை தருகின்றனர். அவ்வாறு வரும் பக்தர்கள் நேர்த்திக்கடனாக பணம், தங்கம், வெள்ளி பொருட்களை காணிக்கையாக கோவில் உண்டியல்களில் செலுத்துகின்றனர். இந்த உண்டியல்கள் நிரம்பியவுடன் அதிலுள்ள பணம், பொருட்கள் கோவில் நிர்வாகம் சார்பில் எண்ணப்பட்டு வருகிறது. அதன்படி, கடந்த மாதம் 26, 27 ஆகிய தேதிகளில் பழனி கோவிலில் உண்டியல் காணிக்கை எண்ணும் பணி நடந்தது.
அதன்பிறகு நேற்று முன்தினம் பழனி முருகன் கோவிலில் உண்டியல் காணிக்கை எண்ணும் பணி தொடங்கியது. இந்த பணியில் கோவில் அலுவலர்கள், பழனி பகுதி வங்கி அலுவலர்கள், பழனியாண்டவர் கலைக்கல்லூரி பணியாளர்கள், மாணவ-மாணவிகள் என 100-க்கும் மேற்பட்டோர் ஈடுபட்டனர். முதல்நாள் எண்ணிக்கை முடிவில் உண்டியல் காணிக்கை மூலம் ரூ.2 கோடியே 9 லட்சத்து 73 ஆயிரத்து 925 வருவாயாக கிடைத்தது. மேலும் மலேசியா, சிங்கப்பூர், இலங்கை உள்ளிட்ட வெளிநாட்டு கரன்சி நோட்டுகள் 300 செலுத்தப்பட்டிருந்தது.
இதுதவிர தங்க சங்கிலி, மோதிரம், வேல் உள்ளிட்ட தங்கத்தாலான பொருட்கள் 840 கிராம், 18 கிலோ 125 கிராம் வெள்ளிப்பொருட்கள் காணிக்கையாக கிடைத்தன. இந்தநிலையில் நேற்று 2-வது நாளாக உண்டியல் காணிக்கை எண்ணும் பணி நடைபெற்றது. இதில் ரூ.91 லட்சத்து 46 ஆயிரத்து 729-ம், தங்கம் 159 கிராம், வெள்ளி 1 கிலோ 254 கிராம், வெளிநாட்டு கரன்சிகள் 117-ம் காணிக்கையாக கிடைத்தன. இதன்மூலம் கடந்த 2 நாட்களாக உண்டியல் காணிக்கை எண்ணப்பட்ட நிலையில், மொத்த வருவாயாக ரூ.3 கோடியே 1 லட்சத்து 20 ஆயிரத்து 654 கிடைத்தது. மேலும் தங்கம் 999 கிராம், வெள்ளி 19 கிலோ 379 கிராம், வெளிநாட்டு கரன்சி நோட்டுகள் 417-ம் கிடைத்தது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
