வெள்ளி அனுமன் வாகனத்தில் பக்தர்களுக்கு காட்சியளித்த கல்யாண வெங்கட்ரமண சுவாமி..!
அருள்மிகு ஸ்ரீ கல்யாண வெங்கட்ரமண சுவாமி ஆலயத்தில் நடைபெற்று வரும் புரட்டாசி மாத திருவிழாவில் வெள்ளி அனுமன் வாகன திருவீதி உலாவில் ஏராளமான பக்தர்கள் கலந்து கொண்டு சிறப்பு தரிசனம் செய்தனர்.
ஸ்ரீ கல்யாண வெங்கட்ரமண சுவாமி ஆலயத்தில் புரட்டாசி மாத திருவீதி உலாவில் சுவாமி வெள்ளி அனுமன் வாகனத்தில் காட்சி அளித்தார்.
தென் திருப்பதி என்று அழைக்கப்படும் தான்தோன்றி மலை அருள்மிகு ஸ்ரீ கல்யாண வெங்கட்ரமண சுவாமி ஆலயத்தில் புரட்டாசி மாத பெரும் திருவிழா கடந்த மாதம் 27ஆம் தேதி கொடியேற்றத்துடன் தொடங்கியது. மேலும், நாள்தோறும் சுவாமி பல்வேறு வாகனத்தில் திருவீதி உலாவில் காட்சி தருகிறார். இந்நிலையில் 16ஆம் நாளான இன்று புரட்டாசி மாத பெரும் திருவிழாவில் சுவாமி கல்யாண வெங்கட்ரமணர் வெள்ளி அனுமன் வாகனத்தில் திருவீதி உலாவில் காட்சியளித்தார்.
ஆலயத்தில் இருந்து மேல தாளங்கள் முழங்க புறப்பட்ட சுவாமியின் திருவீதி உலா, முக்கிய வீதியில் வழியாக வலம் வந்த பிறகு மீண்டும் ஆலயத்தில் குடி புகுந்தனர். அதை தொடர்ந்து சுவாமிக்கு ஆலயத்தில் பட்டாச்சாரியார் கும்ப ஆலாத்தியுடன், மகா தீபாராதனை காட்டினார். தொடர்ந்து பக்தர்களுக்கு துளசி, மஞ்சள் உள்ளிட்ட பிரசாதங்கள் வழங்கப்பட்டது.
தென்திருப்பதி என்று அழைக்கப்படும் அருள்மிகு ஸ்ரீ கல்யாண வெங்கட்ரமண ஸ்வாமி ஆலயத்தில் நடைபெற்று வரும் புரட்டாசி மாத திருவிழாவில் வெள்ளி அனுமன் வாகன திருவீதி உலாவில் ஏராளமான பக்தர்கள் கலந்து கொண்டு சிறப்பு தரிசனம் செய்தனர். இந்த நிகழ்ச்சியின் ஏற்பாட்டை ஆலய செயல் அலுவலர் உள்ளிட்ட பணியாளர்கள் சார்பாக சிறப்பாக செய்திருந்தனர்.
ஸ்ரீ விஸ்வகர்மா சித்தி விநாயகர் ஆலயத்தில் சங்கடஹர சதுர்த்தி விழா அபிஷேகம்.
தேர் வீதி அருள்மிகு ஸ்ரீ விஸ்வகர்மா சித்தி விநாயகர் ஆலயத்தில் புரட்டாசி மாத சங்கடஹர சதுர்த்தி விழாவில் சாமிக்கு சிறப்பு பொருட்களால் அபிஷேகம் செய்யப்பட்டது. கரூர் மாவட்டம், தேர் வீதி பகுதியில் குடிகொண்டு அருள் பாலித்து வரும் அருள்மிகு ஸ்ரீ விஸ்வகர்மா சித்தி விநாயகர் ஆலயத்தில் உள்ள மூலவர் சித்தி விநாயகருக்கு புரட்டாசி மாத சங்கடகர சதுர்த்தி முன்னிட்டு சிறப்பு அபிஷேகம் நடைபெற்றது.
இந்நிகழ்ச்சியை முன்னிட்டு மூலவர் கணபதிக்கும், உற்சவர் கணபதிக்கும் எண்ணைக்காப்பு சாற்றி, பால், தயிர், பஞ்சாமிர்தம், தேன், நெய், இளநீர் எலுமிச்சை சாறு, திருமஞ்சள், மஞ்சள், சந்தனம், விபூதி, குங்குமம், பன்னீர் உள்ளிட்ட வாசனை திரவியங்களால் சிறப்பு அபிஷேகம் நடைபெற்றது.
அதை தொடர்ந்து ஆலயத்தில் சிவாச்சாரியார் மூலவர் கணபதிக்கும், உற்சவர் கணபதிக்கும் பட்டாடை உடுத்தி, வண்ண மாலைகள் அனுபவித்த பிறகு, சுவாமிக்கு தூப தீபங்கள் காட்டப்பட்டு, நெய் வைத்தியம் சமர்ப்பிக்கப்பட்டு, பஞ்ச கற்பூர ஆலாத்தியுடன் மகா தீபாராதனை நடைபெற்றது.
கரூர் தேர் வீதி அருள்மிகு ஸ்ரீ விஸ்வகர்மா சித்தி விநாயகர் ஆலயத்தில் நடைபெற்ற புரட்டாசி மாத சங்கடகர சதுர்த்தி விழாவை காண ஏராளமான பக்தர்கள் ஆலயம் வருகை தந்து சுவாமி தரிசனம் செய்தனர். நிகழ்ச்சியின் ஏற்பாட்டை ஆலய நிர்வாகிகள் சார்பாக சிறப்பாக செய்திருந்தனர்.
தலைப்பு செய்திகள்
ட்ரெண்டிங் செய்திகள்
