Ashes 3rd Test : தொடக்கத்தில் சரிந்த ஆஸ்திரேலியாவை சதம் அடித்து மீட்டெடுத்த மிட்செல் மார்ஷ்..!

இரண்டு டெஸ்ட் போட்டியில் தோற்ற இங்கிலாந்து அணி மூன்றாவது டெஸ்ட் போட்டியை வெற்றி பெறும் நோக்கில் விளையாடி வருகிறது.

இங்கிலாந்து Vs ஆஸ்திரேலியா

ஆஸ்திரேலியா-இங்கிலாந்து அணிக்கு இடையிலான ஐந்து தொடர்களை கொண்ட ஆஷஸ் டெஸ்ட் போட்டி தற்போது நடைபெற்று வருகிறது. முதல் இரண்டு டெஸ்ட் போட்டிகளிலும் ஆஸ்திரேலியா அணி இங்கிலாந்து அணியை வீழ்த்தி 2-0 என்ற கணக்கில் முன்னிலையில் உள்ளது. நேற்று நடந்த மூன்றாவது டெஸ்ட் போட்டியில் டாஸ் வென்ற இங்கிலாந்து முதலில் பந்து வீசியது.

ஆஸ்திரேலிய அணி தொடக்க ஆட்டக்காரர் வார்னர் 4 ரன்களில் ஆட்டமிழந்தார். பின்னர் வந்தவர்களும் உஸ்மான் கவாஜா (13), மார்னஸ் லபுஷேன் (21), ஸ்டீவன் ஸ்மித் (22) ரன்களுக்கு ஆட்டமிழந்தனர்.

மிட்செல் மார்ஷ் அதிரடியாக ஆடி 118 பந்துகளில் 17 பவுண்டரிகள் 4 சிக்சருடன் 118 ரன்கள் எடுத்தார். 60.4 ஓவரில் 263 ரன்களுக்கு ஆட்டமிழந்தார்.

இங்கிலாந்து தன்னுடைய முதல் இன்னிங்ஸை தொடங்கிய சில நிமிடத்திலேயே தொடக்க ஆட்டக்காரர் பென் டக்கெட் 2 ரன்களுக்கு ஆட்டமிழந்தார்.

முதல் நாள் முடிவில் மூன்று விக்கெட்டுக்கு 68 ரன்கள் எடுத்தது இங்கிலாந்து. ஜோ ரூட்(19) மற்றும் ஜானி பேர்ஸ்டோ (1) களத்தில் உள்ளனர்