Uttarkhand Tunnel Rescue: வெற்றி..வெற்றி..சுரங்கப்பாதையில் சிக்கிய தொழிலாளர்கள் அனைவரும் மீட்பு..!

Uttarkhand Tunnel Rescue: உத்தரகண்ட் மாநிலம் உத்தரகாசியில் உள்ள சுரங்கபாதையில் சிக்கிய 41 தொழிலாளர்கள் அனைவரும் பத்திரமாக மீட்கப்பட்டுள்ளனர்.

உத்தரகண்ட் சுரங்கப்பாதை மீட்பு

உத்தரகண்ட் மாநிலம் உத்தரகாசியில் பிரம்மகால்-யமுனோத்ரி தேசிய நெடுஞ்சாலையில் உள்ள மலைப்பகுதியில் சுரங்கப்பாதை பணிகள் நடைபெற்று வந்தது.

பணிகள் முடிவடையும் வேளையில் ஒரு பகுதி இடிந்து விழுந்து மணல் சரிவு ஏற்பட்டது.

அப்போது பணியில் ஈடுபட்டிருந்த 41 தொழிலாளர்களும் சுரங்கத்தில் சிக்கி கொண்டனர்.

உள்ளே சிக்கிக்கொண்ட தொழிலாளர்களுக்கு குழாய் மூலம் உணவு, மருந்து மற்றும் தேவையான பொருட்களும் அனுப்பபட்டன.

கடந்த 17 நாட்களாக தொழிலாளர்களை மீட்கும் பணிகள் நடைபெற்று வந்தது.

இந்நிலையில் இன்று 41 தொழிலாளர்களும் பத்திரமாக மீட்கப்பட்டுள்ளதாக அறிவிக்கப்பட்டுள்ளது.