China's 10G Internet: சீனா ஜி, சண்டைக்கு நடுல சாதனை பண்ணிட்டீங்களே ஜி.. 10ஜி இன்டர்நெட் சேவை.. என்னா ஸ்பீடு தெரியுமா.?

அமெரிக்காவுடன் ஒருபுறம் வர்த்தகப் போரில் ஈடுபட்டு வரும் நிலையில், மறுபுறம் சத்தமில்லாமல் ஒரு சாதனையை செய்துள்ளது சீனா. ஆம், உலகின் முதல் 10ஜி இன்டர்நெட் சேவையை அறிமுகப்படுத்தியுள்ளது.

10ஜி நெட்வொர்க்கை அறிமுகப்படுத்திய சீனா

Source : freepik

அமெரிக்க அதிபர் ட்ரம்ப்புடன் வரி விதிப்பில் போட்டிபோட்டுக் கொண்டிருக்கும் சீனா, உலக நாடுகள் யாரும் செய்யதாக ஒரு சாதனையை சத்தமில்லாமல் செய்துள்ளது. சீனாவில், 10ஜி பிராட்பேண்ட் இன்டர்நெட் சேவையை அறிமுகம் செய்துள்ளது சீனா. அதன் விவரங்களை தற்போது பார்க்கலாம்.

அத்தியாவசியமாக மாறிப்போன இன்டர்நெட் சேவை

உலகெங்கிலும், மக்களின் அத்தியாவசிய தேவை என்ன என்று கேட்டால், முன்பெல்லாம் உண்ண உணவு, இருக்க இடம், படுக்க பாய் என்று கூறுவார்கள். ஆனால், அந்த லிஸ்ட்டில் தற்போது இன்னொரு விஷயமும் இணைந்துள்ளது. ஆம், இணையம்தான். ஒரு போன் மற்றும் இணைய சேவை என்பது தற்போது கூடுதல் பதிலாக இருக்கும். அந்த அளவிற்கு, இன்று மக்களின் அத்தியாவசிய தேவையாக கைபேசியும், இன்டர்நெட் சேவையும் மாறிவிட்டது.

அதிலும், இன்டர்நெட்டின் வேகமும் தற்போது முக்கியத்துவம் பெறுகிறது. உலக அளவில் இதுவரை இந்தியா உள்ளிட்ட அதிகமான நாடுகளில் 5ஜி வேகம் வரைதான் இணைய சேவை பயன்பாட்டில் உள்ளது. இந்த நிலையில், இணைய உலகில் சீனா சத்தமில்லாமல் ஒரு சாதனையை புரிந்துள்ளது.

10ஜி சேவையை அறிமுகப்படுத்திய சீனா

ஒருபுறம் அமெரிக்கா உடனான வர்த்தகப் போர் தீவிரமடைந்துள்ள நிலையில், மறுபுறம் ஒரு மாபெரும் சாதனையை சீனா படைத்துள்ளது. ஆம், அதுதான் 10ஜி இணைய சேவை. சீனாவின் ஹூவேய் மற்றும் சீன யுனிகாம் நிறுவனங்கள் இணைந்து, 10ஜி பிராட்பேண்ட் நெட்வொர்க்கை அறிமுகம் செய்துள்ளன.

முதற்கட்டமாக சீனாவின் பீஜிங் அருகே, ஹூபே மாகாணத்தில் உள்ள சுனான் கவுண்டி என்ற பகுதியில், 9,834 எம்பிபிஎஸ்(Mbps) வேகத்தில் பதிவிறக்கம் மற்றும் 1008 எம்பிபிஎஸ்(Mbps) பதிவேற்றும் திறன் கொண்ட 10ஜி இணைய சேவையை அறிமுகப்படுத்தியுள்ளது. மின்னல் வேக இன்டர்நெட்டை வழங்கும் இந்த 10ஜி நெட்வொர்க் சேவையை, விரைவில் நாட்டின் பிற பகுதிகளுக்கும் விரிவுபடுத்த திட்டமிடப்பட்டுள்ளதாக தெரிவிக்கப்பட்டுள்ளது.

தற்போது, உலகெங்கும் அதிவேக இன்டர்நெட் சேவை வழங்குவதில் ஆப்டிகல் ஃபைபர் கட்டமைப்பு முக்கிய பங்கு வகிக்கிறது. அதன் மேம்பட்ட அதிநவீன தொழில்நுட்பமான 50G PON (Passive Optical Network) கட்டமைப்பில் இந்த 10ஜி சேவை வழங்கப்படுகிறது.

இதன் மூலம், 10ஜிபி வேகத்தில் இணைய சேவை கிடைப்பதால், சுமார் இரண்டரை ஜிபி அளவு கொண்ட 4 ஃபைல்களை ஒரே நொடியில் பதிவிறக்கம், அதாவது டவுன்லோட் செய்துவிடலாம் என்பது குறிப்பிடத்தக்கது.