America : அமெரிக்காவில் அடுத்தடுத்து துப்பாக்கிச் சூடு சம்பவங்கள்...10 பேர் படுகாயம்...
அமெரிக்காவில் நேற்று இரவு நடந்த துப்பாக்கிச் சுட்டில் 10 பேர் படுகாயமடைந்துள்ளனர்.
அமெரிக்காவில் அடிக்கடி துப்பாக்கிச்சூடு சம்பவம் அதிகரித்து வருகிறது. கடந்த ஜனவரி மாதத்தில் மட்டும் அமெரிக்காவில் மூன்று துப்பாக்கிச் சூடு சம்பவங்கள் நடந்துள்ளது. இந்தத் துப்பாக்கி சுடுதல் சம்பவத்தில் சிலர் உயிரிழந்து வருகின்றனர். அந்த வகையில் தற்போது புளோரிடா மாகாணத்தல் ஒரு துப்பாக்கிச் சூடு சம்பவம் நடைபெற்றுள்ளது.
10 பேர் படுகாயம்
அமெரிக்காவின் புளோரிடா மாகாணத்தில் நடந்த துப்பாக்கிச் சூடு சம்பவம் அதிர்ச்சியை ஏற்படுத்தி உள்ளது. அங்குள்ள லேக்லேண்ட் நகரில் அயோவா அவென்யூ என்ற சாலையில் மக்கள் நடந்து கொண்டிருந்தனர். அப்போது அங்கு ஒரு காரில் இருந்த நான்கு பேர் ஒரே நேரத்தில் கார் ஜன்னல்களின் கண்ணாடிகளை இறக்கிவிட்டு, காருக்குள் இருந்தப்படியே சாலையில் நடந்த சென்று கொண்டிருந்த மக்களை குறிவைத்து சுடத் தொடங்கினர். இதில் பலரின் உடலுக்குள் குண்டு பாய்ந்து ரத்த வெள்ளத்தில் கிடந்துள்ளனர்.
அந்த இடத்தில் இருந்து மர்ம நபர்கள் புறப்பட்டு அடுத்து தெருவிற்குள் சென்று மக்களை நோக்கி மீண்டும் துப்பாக்கிச் சூடு நடத்தினர். இதனால் அப்பகுதி முழுவதும் பெரும் பரபரப்பு ஏற்பட்டது. மேலும் இது குறித்து போலீசாருக்கு தகவல் தெரிவிக்கப்பட்டது. இதனை அடுத்த சம்பவ இடத்திற்கு வந்த போலீசார் குண்டு பாய்ந்து ரத்த வெள்ளத்தில் கிடந்தவர்களை மீட்டு மருத்துவமனைக்கு அனுப்பி வைத்தனர்.
அடுத்தடுத்து நடத்தப்பட்ட துப்பாக்கிச் சூட்டில் 10 பேர் படுகாயமடைந்தனர். அவர்களுக்கு மருத்துவமனையில் தீவிர சிகிச்சை அளிக்கப்பட்டு வருகிறது. மேலும் இரண்டு பேரின் உடல்நிலை கவலைக்கிடமாக இருப்பதாக கூறப்படுகிறது.
மற்றொரு சம்பவம்
கடந்த ஜனவரி மாதத்தில் மட்டும் அமெரிக்காவின் பல பகுதிகளில் துப்பாக்கிச் சூடு சம்பவங்கள் நடந்துள்ளது. அந்த வகையில்,
அமெரிக்காவின் டெஸ் மொயின்ஸ் பள்ளியில் நடந்த துப்பாக்கிச் சூட்டில் இரண்டு மாணவர்கள் உயிரிழந்தனர். மேலும் ஒருவர் படுகாயம் அடைந்துள்ளார். துப்பாக்கிச் சூடு குறித்து பலர் போலீசாருக்கு தகவல் அளித்தனர். இதையடுத்து ஸ்டார்ட்ஸ் ரைட் ஹியர் பள்ளிக்கு போலீசார் விரைந்தனர். அங்கு துப்பாக்கி சூட்டில் பலத்த காயமடைந்த மூன்று பேரை மீட்ட போலீசார், மருத்துவமனையில் அனுமதித்தனர். அவர்களில் இரண்டு மாணவர்கள் சிகிச்சை பலனின்றி உயிரிழந்தனர். மற்றொருவர் அந்த பள்ளியில் வேலை செய்யும் ஊழியராவார். அவருக்கு அறுவை சிகிச்சை செய்யப்பட்டுள்ளது.
இதேபோல, வர்ஜீனியா பல்கலைக்கழகத்தில் நடத்தப்பட்ட துப்பாக்கிச்சூட்டில் மூன்று பேர் கொலை செய்யப்பட்டுள்ளனர். இரண்டு பேர் படுகாயம் அடைந்தனர் என்பது குறிப்பிடத்தக்கது.
அமெரிக்காவில் நடைபெறும் தொடர் துப்பாக்கிச்சூடு சம்பவங்கள் உலகளவில் பெரும் அதிர்வலைகளை ஏற்படுத்தி வருகிறது. இதன் காரணமாக, சமீபத்தில், பிரதிநிதிகள் சபையில் முதல் முறையாக பயங்கர ஆயுதங்களை தடை செய்யும் மசோதா நிறைவேற்றப்பட்டது.
மேலும் படிக்க
தலைப்பு செய்திகள்
ட்ரெண்டிங் செய்திகள்
