திருச்சி மாவட்ட ஆட்சியரை தர குறைவாக பேசிய மின்வாரிய ஊழியர் - வைரலான வீடியோ
திருச்சி அருகே லஞ்சம் கேட்கும் மின்வாரிய இளநிலை பொறியாளர் , கலெக்டர் சட்டையை பிடித்து கன்னத்தில் அவனை அறைந்து கையெழுத்து வாங்கி வாருங்கள் எனத் தர குறைவாக பேசிய வீடியோ வைரல்.
திருச்சி மாவட்டம் லால்குடி வட்டம் கல்லக்குடி மின்நிலைய பணியாற்றி வரும் இளநிலை பொறியாளர் (JE) ஸ்ரீதரிடம் கல்லக்குடி புதிய சமத்துவபுரம் முத்துமாரியம்மன் கோவிலுக்கு அப்பகுதிமக்கள் கிராமத்தி மின் இணைப்பு வேண்டி கேட்டுள்ளனர். அப்போது மின் ஊழியர் எல்லாம் ஆன்லைனில் உள்ளது. மாவட்ட ஆட்சியர் அலுவலகம் சென்று கலெக்டர் கன்னத்தில் ஒரு அறைந்து அவனிடம் வாங்கிட்டு வா தருகிறேன் என தரைகுறைவாக பேசியும், கோயிலுக்கு தானே புண்ணியமா போகும் மின் இணைப்பு கொடுங்கள் என்று கேட்டதற்கு கலெக்டர் சட்டை பிடித்துக் கேளுங்கள் என்று கூறியுள்ளார். கலெக்டர் சட்டையை பிடித்து எழுதி வாங்கி வாருங்கள் நான் அடுத்த நொடியே மின் இணைப்பு தருகிறேன் என்றும், நீங்கள் வாங்கி வந்தால் உங்கள் கோயிலுக்கு நான் பணம் கட்டுகிறேன் என்றும், வருமானம் முழுவதும் அவனிடம் தான் உள்ளது என கலெக்டரை குறிப்பிட்டு கூறுகிறார். மேலும் கோயில் பேரில் தடையில்லா சான்று கிராம நிர்வாக அலுவலரிடம் மற்றும் தாசில்தார் இடமும் வாங்கி வார் நான் தருகிறேன் என்றும், நீங்கள் சொல்லுவதை எழுதிக் கொடுக்க வேண்டும் என்றால் மாதம் எனக்கு 10 லட்சம் தருகிறீர்களா என்று கேட்கும் வீடியோ தற்போது சமூக வலைதளங்களில் வைரல் ஆகி வருகிறது.
திருச்சி அருகே லஞ்சம் கேட்கும் மின்வாரிய இளநிலை பொறியாளர், கலெக்டர் சட்டையை பிடித்து கன்னத்தில் அவனை அறைந்து கையெழுத்து வாங்கி வாருங்கள் எனத் தர குறைவாக பேசிய வீடியோ.@abpnadu @TnIpro @TrichyCorp @TThenarasu @KN_NEHRU @Anbil_Mahesh @CMOTamilnadu @mkstalin @Udhaystalin pic.twitter.com/7XE7XNq75Z
— Dheepan M R (@mrdheepan) June 21, 2023
மேலும் இதற்கு மின்வாரிய அதிகாரிகளும் மாவட்ட ஆட்சியரும் நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர். கடந்த 2 மாதத்திற்கு முன் இவர் லஞ்சம் வாங்கிய புகாரில் விசாரணைக்கு உட்படுத்தப்பட்டு குற்றம் நிரூபணமானவர் எனக் கூறப்படுகிறது.
ABP Nadu செய்திகளை டெலிகிராம் செயலி மூலம் உடனுக்குடன் தெரிந்துகொள்ள https://t.me/abpnaduofficial என்ற இணைப்பை க்ளிக் செய்யவும்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
