தஞ்சாவூர் மாவட்டத்தில் 6 தொகுதிகளில் திமுக வேட்பாளர்கள் வெற்றி

ஒரத்தநாடு சட்டப்பேரவை தொகுதியில் திமுக வேட்பாளர் ஆர்.வைத்திலிங்கம் வெற்றி வெற்றார். இவரை எதிர்த்து போட்டியிட்ட தவெக வேட்பாளர் இரண்டாமிடம் பெற்றுள்ளார்.

திருவையாறு திமுக சட்டமன்ற வேட்பாளர் வெற்றிப் பெற்றதற்கு சான்றிதழ் பெற்றார்

Source : Abpnadu Original

தஞ்சாவூர்: தஞ்சாவூர் மாவட்டத்தில் உள்ள 8 சட்டமன்றத் தொகுதிகளில் திமுக கூட்டணி 6 இடங்களில் வெற்றி பெற்றுள்ளது. இரு இடங்களில் தவெக வெற்றி பெற்றுள்ளது.

தஞ்சாவூர் மாவட்டத்தில் திருவிடைமருதூர், திருவையாறு, ஒரத்தநாடு, பட்டுக்கோட்டை, பேராவூரணி ஆகிய 5 இடங்களில் திமுகவும், பாபநாசத்தில் திமுக கூட்டணியில் உள்ள இந்திய யூனியன் முஸ்லீம் லீக் கட்சியும் வெற்றி பெற்றுள்ளது. தஞ்சாவூர், கும்பகோணம்  தொகுதியில் தவெக வெற்றி பெற்றுள்ளது.

தஞ்சாவூர் சட்டப்பேரவை தொகுதியில் தவெக வேட்பாளர் ஆர்.விஜய்சரவணன் வெற்றி வெற்றார். இவரை எதிர்த்து போட்டியிட்ட திமுக வேட்பாளர் இரண்டாமிடம் பெற்றுள்ளார். அதே போல் பாஜக வேட்பாளர் எம்.முருகானந்தம் உள்பட போட்டியிட்ட 11 பேரும் டெபாசிட் தொகையை இழந்தனர். தஞ்சாவூர் தொகுதியில் திமுக, பாஜக, தவெக, நாதக உட்பட 11 வேட்பாளர்கள் போட்டியிட்டனர். இங்கு மொத்தம் உள்ள 2,52,676 வாக்குகளில், 1,99,040 வாக்குகள்(தபால் வாக்குகள் உட்பட) பதிவானது. நேற்று காலை வாக்கு எண்ணிக்கையில் தொடங்கியது முதலே தவெக வேட்பாளர் ஆர்.விஜய்சரவணன் தொடர்ந்து முன்னிலை பெற்று வந்தார். 

24 சுற்றுகள் முடிவில் தவெக வேட்பாளர் ஆர்.விஜயசரவணன் 87,705 வாக்குகள் பெற்று, தன்னை எதிர்த்து போட்டியிட்ட திமுக வேட்பாளரை சண்.ராமநாதனை விட 16,955 வாக்குகள் அதிகம் பெற்று வெற்றி பெற்றார். திமுக வேட்பாளர் சண்.ராமநாதன் 70,750 வாக்குகளும், பாஜக வேட்பாளர் கருப்பு எம்.முருகானந்தம் 26,790 வாக்குகளும், நாதக வேட்பாளர் கிருஷ்ணகுமார் 9,383 வாக்குகளும் பெற்றனர். இதில்,  திமுக  வேட்பாளரை தவிர மற்ற வேட்பாளர்கள் அனைவரும் டெபாசிட் இழந்தனர்.

ஒரத்தநாடு சட்டப்பேரவை தொகுதியில் திமுக வேட்பாளர் ஆர்.வைத்திலிங்கம் வெற்றி வெற்றார். இவரை எதிர்த்து போட்டியிட்ட தவெக வேட்பாளர் இரண்டாமிடம் பெற்றுள்ளார். அதே போல் நாதக வேட்பாளர் திருமுருகன் மற்றும் சுயேட்சை வேட்பாளர் அனைவரும் டெபாசிட் தொகையை இழந்தனர்.

ஒரத்தநாடு தொகுதியில் திமுக, அதிமுக, தவெக, நாதக உட்பட 9 வேட்பாளர்கள் போட்டியிட்டனர். இங்கு மொத்தம் உள்ள 2,33,542 வாக்குகளில், 1,95,475 வாக்குகள்(தபால் வாக்குகள் உட்பட) பதிவானது. நேற்று காலை வாக்கு எண்ணிக்கையில் தொடங்கியது முதலே திமுக வேட்பாளர் ஆர்.வைத்திலிங்கம் தொடர்ந்து முன்னிலை பெற்று வந்தார். 

24 சுற்றுகள் முடிவில் திமுக வேட்பாளர் ஆர்.வைத்திலிங்கம்  86,759 வாக்குகள் பெற்று, தன்னை எதிர்த்து போட்டியிட்ட தவெக வேட்பாளர் அரவிந்தை விட 35,028 வாக்குகள் அதிகம் பெற்று வெற்றி பெற்றார்.  தவெக வேட்பாளர் அரவிந்த் 51,731 வாக்குகளும், அதிமுக வேட்பாளர் மா.சேகர் 44,260 வாக்குகளும், நாதக வேட்பாளர் திருமுருகன் 10,135 வாக்குகளும் பெற்றனர். 

திருவையாறு சட்டப்பேரவை தொகுதியில் திமுக வேட்பாளர் துரை.சந்திரசேகரன் வெற்றி பெற்றார். இவரை எதிர்த்து போட்டியிட்ட தவெக வேட்பாளர் இரண்டாமிடம் பெற்றுள்ளார். திருவையாறு தொகுதியில் திமுக, அமமுக, தவெக, நாதக உள்பட13 பேர் போட்டியிட்டனர். இங்கு மொத்தம் உள்ள 2,58,374 வாக்குகளில்,2,22,215 வாக்குகள் (தபால் வாக்குகள் உட்பட ) பதிவானது. நேற்று காலை வாக்கு எண்ணிக்கை தொடங்கியது முதலே திமுக வேட்பாளர் துரை.சந்திரசேகரன் தொடர்ந்து முன்னிலை வகித்தார். 25 சுற்றுகள் முடிவில் துரை.சந்திரசேகரன் 80,425 வாக்குகள் பெற்று வெற்றி பெற்றார். தன்னை எதிர்த்து போட்டியிட்ட தவெக வேட்பாளர் மணிகண்டனை விட 8,555 வாக்குகள் அதிகம் பெற்று வெற்றி பெற்றார். இதில் தவெக வேட்பாளர் மணிகண்டன் 71,870 வாக்குகளும், அமமுக வேட்பாளர் வேலு.கார்திகேயன் 55,121 வாக்குகளும், நாதக வேட்பாளர் செந்தில்நாதன் 10,681 வாக்குகளும் பெற்றனர்.