திருவாரூரில், ப்ளஸ் 2 பொதுத்தேர்வு எழுதும் 13,072 மாணவ மாணவிகள்..

தமிழகம் முழுவதும் இன்று பன்னிரண்டாம் வகுப்பு பொதுத் தேர்வு நடைபெற்று வருகிறது

மாணவ, மாணவியர்

தமிழகத்தில் பிளஸ்-2 வகுப்பு பொதுத்தேர்வு இன்று தொடங்கி வருகிற 28-ந் தேதி வரை நடக்கிறது. மாவட்டத்தில் 57 தேர்வு மையங்களில் 6 ஆயிரத்து 320 மாணவர்கள், 7 ஆயிரத்து 053 மாணவிகள் என மொத்தம் 13 ஆயிரத்து 373 மாணவ-மாணவிகள் தேர்வு எழுதுகின்றனர். வினாத்தாட்கள் கட்டுக்காப்பு மையங்களில் 24 மணிநேரமும் ஆயுதம் தாங்கிய போலீஸ் பாதுகாப்புடன் வைக்கப்பட்டு எடுத்துவரப்பட்டு மாணவர்களுக்கு வழங்கப்பட்டது.

 

இந்த தேர்வு பணிக்கு 1,238 ஆசிரியர்கள் மற்றும் அலுவலக பணியாளர்கள் பணியமர்த்தப்பட்டுள்ளனர். தேர்வுகளை கண்காணிக்க கல்வித்துறை அலுவலர்கள் மற்றும் வருவாய்த்துறை அலுவலர்கள் தலைமையில் 60 பறக்கும் படை அமைக்கப்பட்டு தீவிர கண்காணிப்பில் ஈடுபட்டு வருகின்றனர். மேலும் அனைத்து தேர்வு மையங்களிலும் காவல்துறையுடன் இணைந்து நிலையான படை அமைக்கப்பட்டு தேர்வுகளில் எவ்விதமுறைகேடும் நடைபெறாமல் கண்காணிக்க மாவட்ட நிர்வாகம் நடவடிக்கை எடுத்துள்ளது.மேலும், தேர்வு மையத்தில் செல்போன், கால்குலேட்டர் எடுத்து செல்ல அனுமதி இல்லை. தேர்வு மையங்களுக்கு தடையில்லா மின்சாரம், குடிநீர் போன்ற அடிப்படை வசதிகள் செய்யப்பட்டுள்ளதாக மாவட்ட ஆட்சியர் தெரிவித்துள்ளார். 

காப்பி அடித்தல், அனுமதிக்கப்படாத துண்டு சீட்டுகள் எடுத்து செல்லுதல் போன்ற ஒழுங்கீன செயல்களில் ஈடுபடும் மாணவர்கள் மீது கடும் நடவடிக்கை எடுக்கப்படும் என பள்ளிகல்வித்துறை எச்சரிக்கை விடுத்துள்ளது. இந்த நிலையில் ஆர்வத்துடன் மாணவ மாணவிகள் இரண்டு ஆண்டுகளுக்குப் பின்னர் இந்த ஆண்டு 12-ஆம் வகுப்பு பொதுத் தேர்வை எழுதி வருகின்றனர் என்பது குறிப்பிடத்தக்கது.

 

மேலும் மாணவர்கள் மற்றும் ஆசிரியர்கள் அனைவரும் முகக்கவசம் அணிந்து தேர்வு எழுத வேண்டும் என பள்ளிக் கல்வித்துறை அறிவித்திருந்த நிலையில் மாணவர்கள் ஆசிரியர்களும்  முகக்கவசம் அணிந்து வந்துள்ளனர் கிராமப்புறங்களில் இருந்து தேர்வு எழுதுவதற்கு வரக்கூடிய மாணவர்களுக்கு சிறப்பு பேருந்து வசதிகள் மாவட்ட நிர்வாகத்தின் சார்பில் ஏற்பாடு செய்து தரப்பட்டு இருந்தது இந்த நிலையில் காலை 9 மணிக்குள் தேர்வு எழுதும் பள்ளிக்கு மாணவர்கள் வருகை தந்து தேர்வு எழுதி வருகின்றனர் என்பது குறிப்பிடத்தக்கது

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண