தமிழ்நாட்டில் 11 இடங்களில் சதமடித்த வெயில்
தமிழ்நாட்டில் இன்று 11 இடங்களில் வெப்பநிலையானது 100 டிகிரி பாரன்ஹீட்டுக்கு மேல் பதிவாகியதாக வானிலை வட்டார தகவல் தெரிவிக்கின்றன.
தம்ழ்நாட்டில் இன்று வெப்பநிலையை பொறுத்தவரை வேலூர், திருத்தணி, திருச்சி, சென்னை, கரூர், மதுரை, ஈரோடு, கடலூர், சேலம், நாகை மற்றும் வேலூர் ஆகிய 11 மாவட்டங்களில் 100 டிகிரிக்கு பாரன்ஹீட்டுக்கு மேல் பதிவாகியுள்ளதாக வானிலை வட்டாரங்கள் தெரிவிக்கின்றன.
தமிழ்நாட்டின் அடுத்த சில தினங்களுக்கான வானிலை
நாளை தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும், இடி, மின்னல் மற்றும் பலத்த காற்றுடன் கூடிய (மணிக்கு 40 முதல் 50 கிலோ மீட்டர் வேகத்தில்) லேசானது முதல் மிதமான மழை பெய்யக்கூடும் என வானிலை மையம் தெரிவித்துள்ளது.
05-05-2025- 9 மாவட்டங்களில் கனமழை:
தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். கோயம்புத்தூர் மற்றும் திருநெல்வேலி மாவட்டங்களின் மலைப்பகுதிகள், நீலகிரி, தேனி, தென்காசி, விருதுநகர், மதுரை, திண்டுக்கல் மற்றும் கரூர் மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.
06-05-2025- 10 மாவட்டங்களில் கனமழை:
தமிழகத்தில் நாளில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும். கோயம்புத்தூர் மாவட்டத்தின் மலைப்பகுதிகள், நீலகிரி, ஈரோடு, தேனி, திண்டுக்கல், தென்காசி, மயிலாடுதுறை நாகப்பட்டினம், தஞ்சாவூர், திருவாரூர் மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழை பெய்ய வாய்ப்புள்ளது.
07-05-2025:
தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும், 08-05-2025: தமிழகத்தில் ஒருசில இடங்களிலும் புதுவை மற்றும் காரைக்கால் பகுதிகளில் லேசானது முதல் மிதமான மழை பெய்ய வாய்ப்பு உள்ளது என வானிலை மையம் தெரிவித்துள்ளது.
தலைப்பு செய்திகள்
ட்ரெண்டிங் செய்திகள்
