உதயநிதி ஸ்டாலின் அமைச்சராக வர வேண்டும் - மின்சாரத்துறை அமைச்சர் செந்தில் பாலாஜி

சேப்பாக்கம் சட்டமன்ற தொகுதி உறுப்பினர் உதயநிதி ஸ்டாலின் அவர்கள் சிறப்பான முறையில் மக்கள் பணியாற்றி வருவதால் அவருக்கு அமைச்சர் பதவி தர வேண்டும் என அமைச்சர் செந்தில் பாலாஜி பேட்டியில் கூறினார்.

கோடாங்கிபட்டியில் திமுக உறுப்பினர் சேர்க்கையில் ஈடுபட்ட மின்சாரத்துறை அமைச்சர் வி செந்தில் பாலாஜி

கரூர் மாநகராட்சிக்குட்பட்ட கோடங்கிபட்டி பகுதியில் மேற்கு நகர திமுக சார்பில் புதிய உறுப்பினர் சேர்க்கை முகாம் நடைபெற்றது. இந்த முகாமில் கரூர் மாவட்ட திமுக பொறுப்பாளரும், மின்சாரத்துறை அமைச்சருமான செந்தில்பாலாஜி கலந்து கொண்டு புதிதாக கட்சியில் சேர்வதற்கான உறுப்பினர் படிவத்தை பூர்த்தி செய்து வழங்கும் பணியினை பார்வையிட்டு, புதிய உறுப்பினர்களுக்கு உறுப்பினர் அடையாள அட்டைகளை வழங்கினார். இந்நிகழ்ச்சியில் கரூர் மேற்கு நகர திமுக பொறுப்பாளர் தாரணி சரவணன் உள்ளிட்ட கட்சி நிர்வாகிகள் பலர் கலந்து கொண்டனர்.

 

அப்போது செய்தியாளர்களை சந்தித்த அமைச்சர் செந்தில் பாலாஜி - திமுக தலைவர் உத்தரவுப்படி கரூர் மாவட்டத்தில் உள்ள மாநகராட்சி, நகராட்சிகள், பேரூராட்சிகள் என பகுதிவாரியாக புதிய உறுப்பினர் சேர்க்கை முகாம் தொடங்கப்பட்டு உறுப்பினர் அட்டை வழங்கும் நிகழ்ச்சி இன்று தொடங்கப்பட்டுள்ளது.

கரூர் மாவட்டத்தில் நான்கு தொகுதிகளிலும் சுமார் 9 லட்சம் வாக்காளர்கள் உள்ளனர் இதில் 3 லட்சம் வாக்காளர்களை திமுக உறுப்பினர்களாக இணைக்கப்பட உள்ளனர். திமுக இளைஞரணி செயலாளர் உதயநிதி அனைத்து சட்டமன்ற உறுப்பினர்களுக்கும் எடுத்துக்காட்டாக செயல்படுகிறார் நடந்து முடிந்த தேர்தல்களில் 234 தொகுதிகளிலும் பயணித்து மக்களின் அன்பையும் பாசத்தையும் பெற்றவர். அவர் அமைச்சராக வர வேண்டும் என மக்கள் எதிர்பார்க்கிறார்கள், எங்களது விருப்பமும் அதுவாகவே உள்ளது. 

Follow @ Google News: கூகுள் செய்திகள் பக்கத்தில் ABPநாடு செய்திகளை உடனுக்குடன் பெற https://bit.ly/2TMX27X

மேடைப்பேச்சுக்காக எது வேண்டுமானாலும் பேசுவார்கள். மக்களால் புறக்கணிக்கப்பட்டவர்கள் ஆட்சி அதிகாரம் போய்விட்டது என்ற விரக்தியில் பேசுகிறார்கள். திமுக சார்பில் தேர்தல் சமயத்தில் அளிக்கப்பட்ட 502 வாக்குறுதிகளில் ஆட்சி பொறுப்பேற்ற ஆறு மாதங்களில் 202 வாக்குறுதிகளை முதல்வர் நிறைவேற்றியுள்ளார்.

தோல்வியின் காரணமாக, அரசியல் காழ்ப்புணர்ச்சியின் காரணமாக பல்வேறு கருத்துக்களை பேசி வருகிறார்கள்.
தமிழகம் முழுவதும் நகர்ப்புற உள்ளாட்சி தேர்தலில் திமுகவிற்கு 100 சதம் வெற்றியை மக்கள் தருவார்கள். இனி வரக்கூடிய காலங்களில் மாவட்ட ஆட்சியர், மாவட்ட காவல் கண்காணிப்பாளர் உள்ளிட்ட அரசு அதிகாரிகளை ஒருமையில் பேசக்கூடிய முன்னாள் அமைச்சர்கள் மீது சட்டப்படி நடவடிக்கை எடுக்கப்படும் எனவும் எச்சரிக்கை விடுத்தார்.

கரூர் மாவட்டத்தில் உள்ள கோடாங்கிபட்டியில் நடைபெற்ற திமுக உறுப்பினர் சேர்க்கை நிகழ்ச்சியில் கரூர் மேற்கு நகர செயலாளர் தாரணி சரவணன் மற்றும் அரவக்குறிச்சி எம்எல்ஏ இளங்கோ உள்ளிட்ட திமுக முக்கிய நிர்வாகிகளும், அப்பகுதி திமுக அடிப்படை உறுப்பினர்களும் கலந்து கொண்டனர். நிகழ்ச்சியில் 50க்கும் மேற்பட்ட இளைஞர்கள் முன் வந்து தங்களை திமுகவில் புதிய உறுப்பினராக இணைத்துக் கொண்டனர்.