Free travel in metro train : நாளை மெட்ரோ ரயிலில் இலவசமாக பயணிக்க சூப்பர் சான்ஸ்.! யாரெல்லாம் தெரியுமா.? வெளியான அறிவிப்பு
Free travel in metro train : சென்னையில் மெட்ரோ ரயில் சேவை பொதுமக்களிடம் பெரும் வரவேற்பை பெற்றுள்ள நிலையில், நாளை மெட்ரோ ரயிலில் இலவச பயணம் தொடர்பான அறிவிப்பு வெளியிடப்பட்டுள்ளது.
சென்னையில் மெட்ரோ ரயில் சேவை
சென்னையில் போக்குவரத்து நெரிசலால் மக்கள் பல மணி நேரம் சாலையிலேயே காத்திருக்க வேண்டிய நிலை ஏற்பட்டது. இதனையடுத்து பொதுமக்களின் வசதிக்காக மெட்ரோ ரயில் திட்டம் சென்னையில் அறிமுகம் செய்யப்பட்டது. ஆரம்பத்தில் அதிக கட்டணம் காரணமாக பொதுமக்கள் பெரிய அளவில் மெட்ரோ ரயிலை பயன்படுத்தாத நிலை உருவானது. இதனையடுத்து சிறிய அளவு மெட்ரோ ரயில் கட்டணம் குறைக்கப்பட்டதையடுத்து மெட்ரோ ரயிலிலில் பொதுமக்களின் கூட்டம் அதிகரித்து காணப்படுகிறது. குறிப்பிட்ட இடத்திற்கு குறிப்பிட்ட நேரத்திற்கு சென்று சேர வாய்ப்பை உருவாக்கி கொடுத்து வருகிறது.
மெட்ரோ ரயிலில் இலவச பயணம்
இந்த நிலையில் சென்னையில் பல்வேறு இடங்களில் நடைபெறும் இசை நிகழ்ச்சி, கிரிக்கெட் போட்டி ஆகிய நேரத்தில் கூடுதல் மெட்ரோ ரயில் சேவை இயக்கப்படுவது மட்டுமில்லாமல், தனியார் நிறுவனங்களோடு ஒப்பந்தங்கள் மேற்கொள்ளப்பட்டு இலவசமாக ரயிலில் பயணிக்கும் வாய்ப்பை உருவாக்கி வருகிறது. இந்த நிலையில் மெட்ரோ ரயில் நிர்வாகம் வெளியிட்டுள்ள அறிக்கையில், IPL 2026 போட்டியை காண செல்பவர்கள் ஸ்பான்சர் செய்யப்பட்ட பயணச்சீட்டுகளை பயன்படுத்தி சென்னை மெட்ரோ இரயிலில் பயணிக்கலாம் என தெரிவிக்கப்பட்டுள்ளது.
சென்னை மெட்ரோ இரயில் நிறுவனம் CSK Cricket Limited நிறுவனத்துடன் இணைந்து "IPL 2026" லீக் போட்டிகளைக் காண வரும் ரசிகர்களுக்காக, பிரத்யேக மெட்ரோ பயணங்களை வழங்க முன்வந்துள்ளது. அரசினர் தோட்டம் மெட்ரோ நிலையத்திற்கு மிக அருகில் அமைந்துள்ள சேப்பாக்கம் எம்.ஏ.சிதம்பரம் மைதானத்தில் நடைபெற உள்ள சென்னை சூப்பர் கிங்ஸ் (CSK) மற்றும் குஜராத் டைட்டன்ஸ் (GT) அணிகளுக்கு இடையிலான IPL 2026 லீக் போட்டி (ஏப்ரல் 26, 2026) நாளை நடைபெற உள்ளது.
ஐபிஎல் போட்டி- நாளை இலவச பயணம்
இந்த போட்டிக்காக ரசிகர்களுக்கு ஸ்பான்சர் செய்யப்பட்ட மெட்ரோ பயணச்சீட்டுகள் வழங்கப்பட்டுள்ளது. ஸ்பான்சர் செய்யப்பட்ட IPL போட்டிகான நுழைவுச்சீட்டு வைத்திருப்பவர்கள். நுழைவுச்சீட்டில் (both Digital & Physical) உள்ள தனித்துவமான OR குறியீட்டை தானியங்கி நுழைவு இயந்திரத்தில் ஸ்கேன் செய்து மெட்ரோவில் பயணிக்கலாம் என தெரிவிக்கப்பட்டுள்ளது.
இந்த சிறப்பு சலுகை ஒரு சுற்றுப் பயணத்திற்கு (2 நுழைவு மற்றும் 2 வெளியேறுதல்) பயன்படுத்தலாம். சென்னையில் செயல்பாட்டில் உள்ள எந்தவொரு மெட்ரோ இரயில் நிலையத்திலிருந்தும் போட்டி நடைபெறும் மைதானத்திற்கு அருகிலுள்ள அரசினர் தோட்டம் மெட்ரோ இரயில் நிலையத்திற்கு எந்தவித கட்டணமும் இல்லாமல் பயணிக்கலாம் என அந்த அறிவிப்பில் தெரிவிக்கப்பட்டுள்ளது. மேலும் போட்டி நடைபெறும் நாளன்று. மெட்ரோ இரயில் சேவைகள் ஞாயிற்றுக்கிழமை கால அட்டவணையின்படி (Sunday timetable) இயக்கப்படும் என கூறப்பட்டுள்ளது.
Before You Go
DMK On INDIA Alliance | துரோகம் செய்த காங்கிரஸ் திமுகவின் அதிரடி முடிவு பலவீனமான I.N.D.I.A கூட்டணி?
தலைப்பு செய்திகள்
ட்ரெண்டிங் செய்திகள்
