TN Rain Alert: வரும் 27-ஆம் தேதி வரை மிதமான மழைக்கு வாய்ப்பு.. மீனவர்களுக்கான எச்சரிக்கை என்ன?
தமிழ்நாட்டில் வரும் 27 ஆம் தேதி வரை மிதமான மழை பெய்யக்கூடும் என வானிலை ஆய்வு மையம் தெரிவித்துள்ளது.
தென்கிழக்கு அரபிக்கடல் பகுதிகளில்ஒரு வளிமண்டல கீழடுக்கு சுழற்சி நிலவுகிறது. இதன் காரணமாக வரும் 27 ஆம் தேதி வரை தமிழ்நாட்டில் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
21.12.2023 முதல் 24.12.2023 வரை: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
25.12.2023: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
26.12.2023 மற்றும் 27.12.2023: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
சென்னை மற்றும் புறநகர் பகுதிகளுக்கான வானிலை முன்னறிவிப்பு:
அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். அதிகபட்ச வெப்பநிலை 28-29 டிகிரி செல்சியஸ் மற்றும் குறைந்தபட்ச வெப்பநிலை 24-25 டிகிரி செல்சியஸை ஒட்டியும் இருக்கக்கூடும்.
அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 29-30 டிகிரி செல்சியஸ் மற்றும் குறைந்தபட்ச வெப்பநிலை 24-25 டிகிரி செல்சியஸை ஒட்டியும் இருக்கக்கூடும்.
கடந்த 24 மணி நேரத்தில் பதிவான மழை அளவு (சென்டிமீட்டரில்):
வேளாங்கண்ணி (நாகப்பட்டினம்) 9, திருக்குவளை (நாகப்பட்டினம்) 7, தலைஞாயிறு (நாகப்பட்டினம்) 5, திருப்பூண்டி (நாகப்பட்டினம்), மயிலாடுதுறை (மயிலாடுதுறை) தலா 4, கோடியக்கரை (மயிலாடுதுறை), திருத்துறைப்பூண்டி (திருவாரூர்), நாகப்பட்டினம் (நாகப்பட்டினம்), வேதாரண்யம் (நாகப்பட்டினம்), செம்பனார்கோயில் பொதுப்பணித்துறை (மயிலாடுதுறை), தரங்கம்பாடி (மயிலாடுதுறை), காரைக்கால் (காரைக்கால்) தலா 3, மன்னார்குடி (திருவாரூர்), ஊத்து (திருநெல்வேலி), நாலுமுக்கு (திருநெல்வேலி), மதுக்கூர் (தஞ்சாவூர்), திருவாரூர் (திருவாரூர்), நன்னிலம் (திருவாரூர்), மாஞ்சோலை (திருநெல்வேலி) தலா 2, கொடவாசல் (திருவாரூர்), காக்காச்சி (திருநெல்வேலி), பட்டுக்கோட்டை (தஞ்சாவூர்), அதிராமப்பட்டினம் (தஞ்சாவூர்), அதிராமப்பட்டினம் (தஞ்சாவூர்), கொடைக்கானல் (திண்டுக்கல்), மலையூர் (புதுக்கோட்டை), அதிராமபட்டினம் AWS (தஞ்சாவூர்), ஆலங்குடி (புதுக்கோட்டை), சீர்காழி (மயிலாடுதுறை), நீடாமங்கலம் (திருவாரூர்), மஞ்சளாறு (தஞ்சாவூர்), முத்துப்பேட்டை (திருவாரூர்), பாண்டவரடி (திருவாரூர்), ஒரத்தநாடு (தஞ்சாவூர்) தலா 1 செ.மீ மழை பதிவாகியுள்ளது.
மீனவர்களுக்கான எச்சரிக்கை:
தமிழக கடலோரப்பகுதிகள்:
21.12.2023: மன்னார் வளைகுடா மற்றும் அதனை ஒட்டிய குமரிக்கடல் பகுதிகள், தென்தமிழக கடலோரப்பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும். மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்த படுகிறார்கள்.
தலைப்பு செய்திகள்
ட்ரெண்டிங் செய்திகள்
