மெட்ரோ ரயிலில் பயணித்த ஸ்டாலின்.! போட்டி போட்டு செல்ஃபி எடுத்து மகிழ்ந்த பயணிகள்

தமிழக சட்டமன்ற தேர்தல் களம் சூடு பிடித்துள்ள நிலையில், முதலமைச்சர் ஸ்டாலின் மெட்ரோ ரயிலில் பயணம் செய்து பொதுமக்களிடம் திமுக வேட்பாளர்களுக்கு ஆதரவாக வாக்கு சேகரித்தார்.

Chennai Metro train mk stalin

Source : social media

தீவிரமடையும் பிரச்சாரம்

தமிழக சட்டமன்ற தேர்தலுக்கு இன்னும் 12 நாட்கள் மட்டுமே உள்ள நிலையில், தேர்தல் பணிகள் சூடு பிடிக்க தொடங்கியுள்ளது. திமுக, அதிமுக, தவெக, பாஜக, காங்கிரஸ், விடுதலை சிறுத்தைகள் உள்ளிட்ட அனைத்து கட்சிகளும் தீவிர பிரச்சாரத்தில் ஈடுபட்டு வருகிறது. கொளுத்தும் வெயிலையும் பொருட்படுத்தாக வேட்பாளர்கள் வீதி வீதியாக வாக்காளர்களை சந்தித்து வாக்குகளை சேகரித்து வருகிறார்கள். அந்த வகையில் அரசியல் கட்சி தலைவர்களும் சூறாவளி பிரச்சாரத்தை தீவிரப்படுத்தியுள்ளனர்.

பொதுமக்களிடம் வாக்கு சேகரித்த ஸ்டாலின்

தமிழக முதலமைச்சரும், திமுக தலைவருமான ஸ்டாலின் பல்வேறு மாவட்டங்களில் பிரச்சாரம் மேற்கொண்டு வரும் நிலையில், தினந்தோறும் அந்த அந்த மாவடங்களில் காலையில் நடைபயிற்சி மேற்கொண்டு பொதுமக்களை சந்தித்து வாக்கு சேகரித்து வருகிறார். அப்போது அந்த தொகுதிகளில் உள்ள பிரச்சனைகளை கேட்டறிந்து வரும் ஸ்டாலின், மீண்டும் ஆட்சிக்கு வந்ததும் கோரிக்கைகளை நிறைவேற்றப்படும் என வாக்குறுதிகளை அளித்து வருகிறார். மேலும் திமுகவின் தேர்தல் வாக்குறுதிகளை மக்களிடம் எடுத்து கூறியும் வாக்குகளை சேகரித்து வருகிறார்.

மெட்ரோ ரயிலில் ஸ்டாலின்

இந்த நிலையில் இன்று தஞ்சாவூரில் முதலமைச்சர் ஸ்டாலின் பிரச்சாரம் செய்ய உள்ள நிலையில்,  காலை தேனாம்பேட்டை மெட்ரோ ரயில் நிலையத்தில் இருந்து சென்னை விமான நிலையத்திற்கு பயணம் செய்தார்.  அப்போது  மு.க. ஸ்டாலின் ரயில் பயணிகளிடம் வாக்குகளை சேகரித்தார். முன்னதாக மெட்ரோ ரயில் நிலைய கவுண்டரில் டிக்கெட்டை பெற்றுக்கொண்ட ஸ்டாலின்,  மெட்ரோ ரயிலில் மக்களோடு மக்களாக பயணம் செய்தார். அப்போது  ஸ்டாலின் ரயில் பயணிகளிடம் திமுக வேட்பாளர்களுக்கு ஆதரவாக வாக்குகளை சேகரித்தார்.

செல்பி எடுத்தும் மகிழ்ச்சி

முதலமைச்சர் ஸ்டாலின் மெட்ரோ ரயிலில் பயணம் செய்வதை பார்த்த ரயில் பயணிகள் கை கொடுத்தும், செல்பி எடுத்தும் மகிழ்ச்சி அடைந்தனர். இது தொடர்பாக முதலமைச்சர் ஸ்டாலின் வெளியிட்டுள்ள சமூக வலைதள பதிவில், Morning ride in Chennai Metro: சென்னைக்கே உரிய காலையின் சுறுசுறுப்புடன் பணிக்குச் செல்லும் மக்களிடம் உதயசூரியனுக்கும் மதச்சார்பற்ற முற்போக்குக் கூட்டணிச் சின்னங்களுக்கும் வாக்கு சேகரித்தேன். மெட்ரோ வாசத்தில் இருந்து, அடுத்து தஞ்சையின் மண்வாசனை நோக்கிப் புறப்படுகிறேன் என அந்த பதிவில் குறிப்பிட்டுள்ளார்.