ரயில்வே கேட்டில் இனி நீண்ட நேரம் காத்திருக்க வேண்டாம் வந்தாச்சு.. புதிய வசதி !

ரயில்வே கேட்கள் கைகாட்டி வழிகாட்டுதலுடன் (interlocked) செயல்பட துவங்கியுள்ளன. இதற்காக நவீன தொழில்நுட்பக் கருவிகள் இந்த கேட்டுகளில் புதிதாக அமைக்கப்பட்டுள்ளன.

புதிய நவீன தொழில்நுட்பம் அறிமுகப்படுத்தப்பட்ட ரயில்வே கேட்

Source : Whatsapp

கேட்டுகளில் புதிய நவீன தொழில்நுட்பம் அறிமுகப்படுத்தப்பட்ட பிறகு முதல் ரயிலாக மயிலாடுதுறை - செங்கோட்டை ரயில் கடந்து சென்றது.

 

நவீன தொழில்நுட்பக் கருவிகள் இந்த கேட்டுகளில் புதிதாக அமைக்கப்பட்டுள்ளன.

 

திண்டுக்கல் அருகே உள்ள தாமரைப்பாடி - வடமதுரை ரயில் நிலையங்களுக்கிடையே இரண்டு ரயில்வே கேட்டுகள் (சாலை வாகன கடவு பாதைகள்) செயல்பட்டு வருகின்றன. இவை இதுவரை ரயில்களுக்கான கைகாட்டி (சிவப்பு, மஞ்சள், பச்சை விளக்கு சைகை - சிக்னல் கம்பம்) வழிகாட்டுதலின்றி (non-interlicked) செயல்பட்டு வந்தன. அருகில் உள்ள ரயில் நிலைய அதிகாரியின் வழிகாட்டுதலின்படி பாதுகாப்பாக கேட்டுகள் மூடி திறக்கப்பட்டன. ரயில் விபத்துகளை தவிர்க்கவும், பயண பாதுகாப்பை அதிகரிக்கவும் திங்கட்கிழமை (ஏப்ரல் 28) முதல் இந்த ரயில்வே கேட்கள் கைகாட்டி வழிகாட்டுதலுடன் (interlocked) செயல்பட துவங்கியுள்ளன. இதற்காக நவீன தொழில்நுட்பக் கருவிகள் இந்த கேட்டுகளில் புதிதாக அமைக்கப்பட்டுள்ளன.

 

எளிதாக விரைவாக கேட்டுகளை திறந்து மூடலாம்.

 

கேட் அடைத்தால் தான் கைகாட்டியை இயக்கி பச்சை வர்ண சைகைக்கு கொண்டு வந்து ரயிலுக்கு வழி விட முடியும். கை காட்டியில் எப்போதும் சிகப்பு வர்ணம் இருந்து கொண்டே இருக்கும். கேட் அடைத்த பிறகு பச்சை வர்ணமும், கேட் திறந்த பிறகு சிவப்பு வர்ணமாகவும் மாற்றி கொள்ளும். இந்த கேட்டுகளில் மனித ஆற்றல் மூலம் சக்கரத்தை சுழற்றி கேட் பீம்களை ஏற்றி இறக்கி சாலை வாகனங்களுக்கு வழி விடப்பட்டது. இந்த முறையும் தற்போது மாற்றப்பட்டு பொத்தானை அழுத்தினால் மின்சார ஆற்றல் மூலம் கேட் பீம்கள் திறந்து மூடும் வகையில் மாற்றி அமைக்கப்பட்டுள்ளது. இதன் மூலம் எளிதாக விரைவாக கேட்டுகளை திறந்து மூடலாம். இதன் மூலம் சாலை வாகனங்கள் காத்திருக்கும் நேரம் குறைகிறது. மேலும் ரயில்களை விரைவாக பாதுகாப்பாக இயக்க முடியும். இந்த கேட்டுகளில் புதிய நவீன தொழில்நுட்பம் அறிமுகப்படுத்தப்பட்ட பிறகு முதல் ரயிலாக மயிலாடுதுறை - செங்கோட்டை ரயில் கடந்து சென்றது.