Rajya Sabha MP Paveen Chakravarty : போட்டியின்றி வெற்றி.! எம்.பியானார் பிரவீன் சக்கரவர்த்தி- அதிகரித்தது காங்கிரஸ் பலம்

Rajya Sabha MP Paveen Chakravarty: மாநிலங்களவை தேர்தலில் காங்கிரஸ் கட்சி சார்பாக போட்டியிட்ட பிரவீன் சக்கரவர்த்தி, தவெக உதவியோடு மாநிலங்களவை எம்பியாக தேர்வு செய்யப்பட்டார்.

Rajya Sabha MP Paveen Chakravarty

Source : ABP Nadu

மாநிலங்களவை தேர்தல்

தமிழகத்தில் நடந்து முடிந்த சட்டப்பேரவைத் தேர்தலில்  அதிமுகவைச் சேர்ந்த சி.வி.சண்முகம் மயிலம் தொகுதியில் வெற்றிபெற்றார்.  இதையடுத்து அவர் ஏற்கெனவே வகித்துவந்த மாநிலங்களவை எம்.பி. பதவியை ராஜினாமா செய்தார்.  இதன் காரணமாக காலியாக இருந்த மாநிலங்களை இடத்திற்கு தேர்தல் அறிவிக்கப்பட்டது. அந்த வகையில் தவெக அந்த இடத்தில் போட்டியிட்டு தனது முதல் எம்பியை டெல்லிக்கு அனுப்பும் என எதிர்பார்க்கப்பட்டது. ஆனால் தனது கூட்டணி கட்சியான காங்கிரஸ் கட்சிக்கு மாநிலங்களவை எம்பி பதவியை ஒதுக்கியது. இதனையடுத்து மாநிலங்களவை உறுப்பினர் பதவிக்கான இடைத்தேர்தலில் ராகுல் காந்தியின் நண்பரான பிரவீன் சக்கரவர்த்தி காங்கிரஸ் வேட்பாளராக அறிவிக்கப்பட்டார்.

பிரவீன் சக்கரவர்த்தி போட்டி

இதைத்தொடர்ந்து, இந்த காலியிடத்துக்கான இடைத்தேர்தலுக்கான வேட்புமனுத் தாக்கல் ஜூன் 1ம் தேதி தொடங்கி 8ம் தேதியுடன் நிறைவு பெற்றது. இத்தேர்தலில் போட்டியிட தவெக ஆதரவில் காங்கிரஸ் கட்சியைச் சேர்ந்த பிரவீன் சக்ரவர்த்தி மற்றும் 12 சுயேச்சை வேட்பாளர்கள் என மொத்தம் 13 பேர் வேட்புமனுத் தாக்கல் செய்தனர். இதில் அதிமுக, திமுக ஆகிய கட்சி சார்பில் வேட்பாளர் அறிவிக்கவில்லை. இதனையடுத்து  சட்டமன்ற உறுப்பினர்கள் முன்மொழியாத 12 சுயேச்சை வேட்பாளர்களின் மனுக்களும் நிராகரிக்கப்பட்டன. 

போட்டியின்றி பிரவீன் சக்கரவர்த்தி தேர்வு

இதையடுத்து காங்கிரஸ் வேட்பாளர் பிரவீன் சக்ரவர்த்தி போட்டியின்றி தேர்வு செய்யப்பட்டார். இந்நிலையில், வேட்புமனுக்களை திரும்ப பெறுவதற்கான கால அவகாசம் முடிந்த பிறகு, காங்கிரஸ் வேட்பாளர்  பிரவீன் சக்ரவர்த்தி   போட்டியின்றி தேர்வு செய்யப்பட்டதாக தேர்தல் நடத்தும் அதிகாரி தேன் மொழி அறிவித்தார். இதனைத் தொடர்ந்து காங்கிரஸ் வேட்பாளர் பிரவீன் சக்ரவர்த்தி தேர்வு செய்யப்பட்டதற்கான சான்றிதழை பெற்றுக் கொண்டார். 

இதனைத் தொடர்ந்து பேசி அவர், முதலமைச்சருக்கு நன்றி தெரிவிப்பதாகவும், நாடாளுமன்றத்தில் கூட்டணியின் குரலாக என குரல் இருக்கும் என்று தெரிவித்தார். மேலும், ஒரே நாடு ஒரே தேர்தல் உள்ளிட்ட மாநில உரிமைகளுக்கு எதிரான மசோதாக்களுக்கு எதிர்ப்பு தெரிவிப்பேன் என்று தெரிவித்தார்.