கடலூர் அருகே வெள்ள நீரை விரைந்து வெளியேற்றும் திட்டம்: 15,600 ஏக்கர் நிலங்கள் பாதுகாப்பாகும்

கீழ் பரவனாற்றில் மழைக் காலங்களில் வெள்ளம் எளிதில் வடிவதோடு அதனை சுற்றியுள்ள சுமார் 15,600 ஏக்கர் விளை நிலங்கள் வெள்ள பாதிப்பில் இருந்து பாதுகாக்கப்படும்

கீழ் பரவனாற்றில் புதிய தடுப்பணை

Source : ABP NADU

கடலுார்: கடலுார் அருகே உள்ள கீழ் பரவனாற்றில் தடுப்பணை கட்டி, அங்கிருந்து ஒரு புதிய கால்வாய் வெட்டி 1.60 கிலோமீட்டர் தொலைவில் உள்ள கடலில் எளிதில் வெள்ள நீரை வடிய வைக்கும் திட்டம் இறுதிக்கட்டத்தை நெருங்கிய நிலையில் இந்த ஆண்டு பயன்பாட்டிற்கு வரும் என எதிர்பார்க்கப்படுகிறது.

கீழ் பரவனாற்றில் அருவாமூக்கு என்ற இடத்தில் தடுப்பணை

கடலூர் மாவட்டத்தில் உள்ள 58 கிலோமீட்டர் நீளமுள்ள கீழ் பரவனாறு, சேமக்கோட்டையில் தொடங்கி திருச்சோபுரத்தில் உள்ள அருவாமூக்கு என்ற இடத்தின் வழியாக சென்று கடலுார் பழைய துறைமுகம் அருகில் கடலில் கலக்கிறது. கீழ் பரவனாற்றில் மழை காலங்களில் மழை நீருடன் சேர்த்து நெய்வேலி சுரங்கத்தில் இருந்து வெளியேற்றப்படும் சுரங்க நீரும் கலந்து வெளியேறுவதால் ஆண்டுதோறும் வெள்ளப்பெருக்கு ஏற்படுகிறது.

81.12 கோடி ரூபாய் வெள்ள நீரை வடிய வைக்கும் திட்டம்

இதனால், புதுச்சத்திரம், திருச்சோபுரம், ஆலப்பாக்கம் மற்றும் சுற்றியுள்ள 24 கிராமங்களில் பல ஏக்கர் விளைநிலங்கள், மக்கள் மற்றும் கால்நடைகளுக்கு பெரும் சேதத்தை ஏற்படுத்துகின்றன. வெள்ள பாதிப்பை தடுக்க கடலுார் அடுத்த திருச்சோபுரம் கீழ்பரவானற்றில், அருவாமூக்கு என்ற இடத்தில் தடுப்பணை கட்டி, அங்கிருந்து ஒரு புதிய கால்வாய் வெட்டி 1.60 கிலோமீட்டர் தொலைவில் உள்ள கடலில் எளிதில் வெள்ள நீரை வடிய வைக்கும் திட்டத்தை செயல்படுத்த 81.12 கோடி ரூபாய் நிதி ஒதுக்கீடு செய்யப்பட்டுள்ளது.

அதன்படி, சுற்றுச்சூழல் வனம் மற்றும் காலநிலை மாற்ற அமைச்சகத்திடம் இருந்து இப்பணியை துவங்க கடந்த 17.06.2024 அன்று அனுமதி பெறப்பட்டது. இதுவரை கட்டுமான பணிகள் 80 சதவீதம் நிறைவடைந்துள்ளது. சாலையில் இருந்து 12 கிலோமீட்டர் துாரம் சென்று ஆறு கடலில் கலப்பதை தவிர்த்து 1.60 கிலோமீட்டர் துாரத்தில் அருகில் உள்ள கடலில் வெள்ள நீரை விரைந்து வெளியேற்றும் வகையில் புதிய கால்வாய் ஒன்று அமைக்க திட்டமிடப்பட்டுள்ளது.

வெள்ள பாதிப்பில் மீளும் 15,600 ஏக்கர் விளை நிலங்கள் 

குறிப்பாக, 2 இடங்களில் கடல் நீர் உள்ளே புகாமல் இருக்க ஷட்டர் அமைக்கப்படுகிறது. அவற்றில் ஒரு இடத்தில் ஷட்டர் அமைக்கப்பட்டு விட்டது. இது தவிர 1.60 கி.மீ., துாரத்திற்கு புதியதாக ஒரு கால்வாய் வெட்டி கடலில் சென்று சேர்க்கப்படும். 2 இடங்களில் கடல் நீர் உள்ளே புகாமல் இருக்க ஷட்டர் அமைக்கப்படுகிறது. அவற்றில் ஒரு இடத்தில் ஷட்டர் அமைக்கப்பட்டு விட்டது.

இது தவிர 1.60 கி.மீ., துாரத்திற்கு புதியதாக ஒரு கால்வாய் வெட்டி கடலில் சென்று சேர்க்கப்படும். இதன் மூலம் கீழ் பரவனாற்று தண்ணீர் விரைவாக சென்று கடலில் கலக்கும். இத்திட்டம் நிறைவேறும் பட்சத்தில் கீழ் பரவனாற்றில் மழைக் காலங்களில் வெள்ளம் எளிதில் வடிவதோடு அதனை சுற்றியுள்ள சுமார் 15,600 ஏக்கர் விளை நிலங்கள் வெள்ள பாதிப்பில் இருந்து பாதுகாக்கப்படும்.

இதையும் படிக்க

எங்க ஊருக்கே வந்து கெத்து காட்டுறியா? - டிப்பர் லாரி ஓட்டுநர் கொலையில் 5 பேர் கைது, அதிர்ச்சி வாக்குமூலம்