School College Leave: கனமழை எதிரொலி! கோவை வால்பாறையில் இன்று பள்ளி, கல்லூரிகளுக்கு விடுமுறை; வேறு எங்கெல்லாம்?

கோவை வால்பாறையில் கனமழை பெய்து வருவதால் பள்ளிகள் மற்றும் கல்லூரிகளுக்கு விடுமுறை அறிவிக்கப்பட்டுள்ளது.

கனமழை எதிரொலி கல்வி நிலையங்களுக்கு விடுமுறை

Source : PTI

கோவை வால்பாறையில் கனமழை பெய்து வருவதால் பள்ளிகள் மற்றும் கல்லூரிகளுக்கு விடுமுறை அறிவிக்கப்பட்டுள்ளது. கடந்த இரண்டு நாட்களாக வால்பாறை பகுதிகளில் தொடர்ந்து கனமழை பெய்து வருகிறது. இதன் எதிரொலியாக நேற்று பள்ளிகளுக்கு மட்டும் விடுமுறை அறிவிக்கப்பட்டிருந்த நிலையில் இன்று அதாவது ஜூலை 6ஆம் தேதி கல்லூரிகளுக்கு சேர்த்து விடுமுறை அறிவிக்கப்பட்டுள்ளது. 

அதேபோல் நீலகிரி மாவட்டத்தில் 4 தாலுகா பள்ளிகளுக்கு விடுமுறை அறிவித்து மாவட்ட ஆட்சியர் உத்தரவிட்டுள்ளார்.  உதகை, குந்தா, கூடலூர், பந்தலூர் ஆகிய தாலுகா பள்ளிகளுக்கு மட்டும்  விடுமுறை அளிக்கப்பட்டுள்ளது. 

அதேபோல் பாண்டிச்சேரி கட்டுப்பாடில் உள்ள பிராந்தியமான மாஹேவிலும் கனமழை காரணமாக பள்ளி கல்லூரிகளுக்கு விடுமுறை அளிக்கப்பட்டுள்ளது. 

அடுத்த 3 மணி நேரத்திற்கான கனமழை எச்சரிக்கை

தமிழ்நாட்டில் அடுத்த 3 மணி நேரத்தில் நீலகிரி, ஈரோடு, கோவை, திருப்பூர், தேனி, தென்காசி, திருநெல்வேலி, கன்னியாக்குமரி, மதுரை, விருதுநகர் மற்றும் சேலம் ஆகிய மாவட்டங்களில் லேசான முதல் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.

மேற்கு திசை காற்றின் வேகமாறுபாடு காரணமாக,  இன்று தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும். நீலகிரி மற்றும் கோயம்புத்தூர் மாவட்டங்களில் ஓரிரு இடங்களில் கனமழை பெய்யவாய்ப்புள்ளது என தெரிவிக்கப்பட்டுள்ளது.

07.07.2023 முதல் 09.07.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை  பெய்யக்கூடும் எனவும் தெரிவிக்கப்பட்டுள்ளது. 

கேரளாவில் வெளுத்து வாங்கும் கனமழை

கடந்த ஜூன் 8 ஆம் தேதி கேரளா மாநிலத்தில் தென்மேற்கு பருவ மழை தொடங்கியது. இதனால் இந்தியாவில் அனேக மாநிலங்களில் நல்ல மழை பெய்து வருகிறது. தற்போது தென்மேற்கு பருவமழை தீவிரமடைந்துள்ள நிலையில் கேரளா, கர்நாடகா, தென் தமிழ்நாடு, மகாராஷ்டிரா உள்ளிட்ட மாநிலங்களில் கனமழை பெய்து வருகிறது. தமிழ்நாட்டில் கோவை, நீலகிரி ஆகிய மாவட்டங்களில் கடந்த இரண்டு நாட்களாக தொடர் கனமழை பெய்து வருகிறது.

கோவை வால்பாறையில் கனமழை பெய்து வருவதால் பள்ளிகள் மற்றும் கல்லூரிகளுக்கு இன்று விடுமுறை அறிவிக்கப்பட்டுள்ளது. கடந்த இரண்டு நாட்களாக வால்பாறை பகுதிகளில் தொடர்ந்து கனமழை பெய்து வருகிறது. இதன் எதிரொலியாக நேற்று பள்ளிகளுக்கு மட்டும் விடுமுறை அறிவிக்கப்பட்டிருந்த நிலையில் இன்று கல்லூரிகளுக்கும் சேர்த்து விடுமுறை அறிவிக்கப்பட்டுள்ளது. 

அதேபோல் நீலகிரி மாவட்டத்தில் 4 தாலுகா பள்ளிகளுக்கு விடுமுறை அறிவித்து மாவட்ட ஆட்சியர் உத்தரவிட்டுள்ளார்.  உதகை, குந்தா, கூடலூர், பந்தலூர் ஆகிய தாலுகா பள்ளிகளுக்கு மட்டும்  விடுமுறை அளிக்கப்பட்டுள்ளது.