தின்பண்டங்கள் மீது "ஸ்டேப்ளர் பின்" வேண்டாம் - நூதன முறையில் பள்ளி மாணவன் கரூர் ஆட்சியரிடம் மனு
7ம் வகுப்பு படிக்கும் விஸ்வக் நித்தின், பள்ளி மாணவர்கள் விரும்பி உண்ணக்கூடிய கடலை, பட்டாணி உள்ளிட்டவைகளில் பிளாஸ்டிக் பையில் வைத்து ஸ்டேப்ளர் அடித்து மாவட்ட ஆட்சியிரிட, மனு ஒன்றை அளித்தார்.
தின்பண்டங்கள் மீது 'ஸ்டேப்ளர் பின்' அடிக்க தவிர்க்க நடவடிக்கை எடுக்க கோரி, பள்ளி மாணவர் நூதனமாக கரூர் மாவட்ட ஆட்சியரிடம் மனு அளித்தது பரபரப்பை ஏற்படுத்தியது.
கரூர் வெங்கமேடு பகுதியைச் சேர்ந்த விஸ்வக் நித்தின். ஏழாம் வகுப்பு படிக்கும் இந்த மாணவன் இன்று மாவட்ட ஆட்சியர் அலுவலகத்தில் பள்ளி மாணவர்கள் விரும்பி உண்ணக்கூடிய கடலை, பட்டாணி உள்ளிட்டவைகளில் பிளாஸ்டிக் பையில் வைத்து ஸ்டேப்ளர் அடித்து அதை நூதன முறையில் எடுத்துக்கொண்டு வந்து மாவட்ட ஆட்சியிரிடம் மனு ஒன்றை அளித்தார்.
அந்த மனுவில், கடந்த சில தினங்களுக்கு முன்னர் பள்ளி விட்டு வரும் வகையில் ஐந்து ரூபாய் கடலை பாக்கெட் ஒன்று வாங்கி சாப்பிட்டேன் பிளாஸ்டிக் பையில் அடைக்கப்பட்ட அந்த கடலை பாக்கெட்டில் ஸ்டேப்ளர் பின் அடிக்கப்பட்டிருந்தது. நான் கடலை தின்னும் போது எனது தொண்ட கடும் வலி ஏற்பட என் பெற்றோர் கோயம்புத்தூர் தனியார் மருத்துவமனைக்கு அழைத்துச் சென்றனர் அப்போது மருத்துவர்கள் சிக்கிய ஸ்டேப்ளர் பின்னை அகற்றினர். இதனால் கடுமையான உடல் உபாதை ஏற்பட்டது.
எனவே, இனி சிறு குழந்தைகள் சிறுவர்கள் தின்னும் தின்பண்டங்கள் விற்பனை செய்யும் போது ஸ்டேப்ளர் பின் அடிப்பதை தவிர்க்க வேண்டும்.அதற்கு மாற்று நிர்வாகம் உரிய நடவடிக்கை எடுக்க வலியுறுத்தி அந்த மனுவில் குறிப்பிடப்பட்டிருந்தது.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
