Seyyadurai: விடிய விடிய செய்யாதுரை வீட்டில் சோதனை: எடப்பாடிக்கு கிடுக்குப்பிடியா?

எதிர்க்கட்சித் தலைவர் எடப்பாடி பழனிசாமிக்கு நெருக்கமான செய்யாதுரை வீட்டில் வருமான வரித்துறையினர் சோதனை நடத்தி வருகின்றனர்.

ஐடி ரெய்டு

எதிர்க்கட்சித் தலைவர் எடப்பாடி பழனிசாமிக்கு நெருக்கமான செய்யாதுரை வீட்டில் வருமான வரித்துறையினர் சோதனை நடத்தி வருகின்றனர்.

நேற்று காலை தொடங்கிய சோதனை விடிய விடிய 2வது நாளாக தொடர்ந்து வருகிறது. முதலில் 10 இடங்களில் தொடங்கிய சோதனை தற்போது 45 இடங்களாக நீடித்து வருகின்றது. அதிமுக ஆட்சியில் ஒப்பந்ததாரராக பணியாற்றிய செய்யாதுரையின் வீடு, அலுவலகங்கள், அவரது மகன்களின் வீடுகள் என பல்வேறு இடங்களில் சோதனை நடைபெற்று வருகிறது.

யார் இந்த செய்யாதுரை 

அதிமுக ஆட்சியின் போது நெடுஞ்சாலைத்துறை மற்றும் பொதுப்பணித்துறை பணிகளை மேற்கொண்டவர் செய்யாதுரை. 2018 ஆம் ஆண்டு எடப்பாடி பழனிசாமி உறவினர்கள் வீட்டில் வருமானவரித்துறை சோதனை நடத்தியபோது செய்யாதுரை வீட்டிலும் சோதனை நடத்தப்பட்டது. 

இதேபோல், கோவையில் நமது அம்மா நாளிதழ் வெளியீட்டாளர் வடவள்ளி சந்திரசேகர் வீட்டிலும் சோதனை நடைபெற்றது. முன்னாள் அமைச்சர் எஸ்பி வேலுமணிக்கு நெருக்கமானவரான வடவள்ளி சந்திரசேகர் காண்ட்ராக்ட் பணிகள் செய்து வருகிறார்.