TN Weather: புயல் உருவாகுமா, உருவாகாதா?- தெளிவாக சொன்ன வானிலை மைய இயக்குநர்

TN Weather December 10: தமிழ்நாட்டில் இன்றைய நிலவரப்படி, வடகிழக்கு பருவமழையால் இயல்பைவிட, 5 சதவிகிதம் அதிக மழைப் பெய்துள்ளது.

மழை ( செயற்கை நுண்ணறிவு படம் )

Source : AI

வங்கக்கடலில் நிலவிய காற்றழுத்த தாழ்வு பகுதியானது இன்று ஆழ்ந்த காற்றழுத்த தாழ்வு பகுதியாக வலுப்பெற்ற நிலையில், நாளையதினம் இலங்கை தமிழக கடலோரப் பகுதிகளை நோக்கி நகரக்கூடும் என வானிலை மையம் தெரிவித்துள்ளது. 

”புயல் ”

இன்று செய்தியாளர்களை சந்தித்த தென் மண்டல வானிலை மையம் இயக்குநர் பாலச்சந்திரன் தெரிவித்ததாவது, “ தற்போதயை நிலையில், இது புயலாக உருவாக வாய்ப்பு இல்லை. புயல் உருவாக, இன்னும் பல படிநிலைகள் உள்ளன. 

மேலும் அக்டோபர் 1 முதல் தற்போதைய காலவரையில் வடகிழக்கு பருவமழையால் பெய்த மழை அளவானது 45 செமீ; வழக்கமாக , இந்த காலகடத்தில் பெய்யும் மழை அளவானது 40 செ.மீ; இது வழக்கத்தைவிட 5 செ.மீ அதிகமழையாகும்; அதாவது, 14 சதவிகிதம் அதிக மழை பொழிவாகும். 

குறிப்பாக, வடகிழக்கு பருவமழையானது 22 மாவட்டங்களில் இயல்பான மழையாகவும், 15 மாவட்டங்களில் இயல்பைவிட அதிகமாகவும், 3 மாவட்டங்களில் இயல்பைவிட குறைவாகவும் மழை பெய்துள்ளது. 

இந்த தருணத்தில்,  அடுத்த 7 நாட்களில் எந்த மாவட்டங்களில் கனமழை இருக்கும் என வானிலை மையம் தெரிவித்ததாவது,

இன்று:

மயிலாடுதுறை, நாகப்பட்டினம், தஞ்சாவூர், திருவாரூர். கடலூர் மாவட்டங்களில் ஓரிரு இடங்களிலும், காரைக்கால் பகுதிகளிலும் கனமழை பெய்ய வாய்ப்புள்ளது.

நாளை 11-12-2024: 

கடலூர், மயிலாடுதுறை, நாகப்பட்டினம், தஞ்சாவூர், திருவாரூர், புதுக்கோட்டை மாவட்டங்களில் ஓரிரு இடங்களிலும், காரைக்கால் பகுதிகளிலும் கன முதல் மிக கனமழை பெய்ய வாய்ப்புள்ளது.

சிவகங்கை, ராமநாதபுரம், திருச்சிராப்பள்ளி, பெரம்பலூர், அரியலூர், கள்ளக்குறிச்சி, விழுப்புரம். செங்கல்பட்டு, காஞ்சிபுரம், சென்னை, திருவள்ளூர் மாவட்டங்களில் ஓரிரு இடங்களில் மற்றும் புதுவையில் கனமழை பெய்ய வாய்ப்புள்ளது என வானிலை மையம் தெரிவித்துள்ளது

12-12-2024: 

தஞ்சாவூர், சிவகங்கை, புதுக்கோட்டை மற்றும் திருச்சிராப்பள்ளி மாவட்டங்களில் ஓரிரு இடங்களில் கன முதல் மிக கனமழையும், நீலகிரி, கோயம்புத்தூர், திருப்பூர், திண்டுக்கல், தேனி, மதுரை, ராமநாதபுரம், தூத்துக்குடி, திருவாரூர், நாகப்பட்டினம், மயிலாடுதுறை, அரியலூர், பெரம்பலூர், கரூர், கள்ளக்குறிச்சி, கடலூர், விழுப்புரம். செங்கல்பட்டு, காஞ்சிபுரம், சென்னை, திருவள்ளூர் மாவட்டங்களில் ஓரிரு இடங்களில், புதுவை மற்றும் காரைக்கால் பகுதிகளில் கனமழையும் பெய்ய வாய்ப்புள்ளது என தெரிவிக்கப்பட்டுள்ளது.

13-12-2024: 

நீலகிரி, கோயம்புத்தூர். திருப்பூர், தேனி, திண்டுக்கல், மதுரை, சிவகங்கை, ராமநாதபுரம், விருதுநகர், தென்காசி, தூத்துக்குடி, திருநெல்வேலி, கன்னியாகுமரி மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

14-12-2024: தென்தமிழகத்தில் ஒரு சில இடங்களிலும் வடதமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் இடி, மின்னலுடன் கூடிய, லேசானது முதல் மிதமான மழை பெய்யக்கூடும்.

15-12-2024; தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

16-12-2024: 

செங்கல்பட்டு, விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை ராமநாதபுரம் மாவட்டங்களில் ஓரிரு இடங்களில், புதுவை மற்றும் காரைக்கால் பகுதிகளில் கனமழை பெய்ய வாய்ப்புள்ளது.