Annamalai: டெல்லியில் தொடர் முகாம்; நிர்மலா சீதாராமனை சந்தித்த அண்ணாமலை!

டெல்லியில் தொடர் முகாமிட்டு வரும் தமிழக பா.ஜ.க. தலைவர் அண்ணாமலை இன்று மத்திய நிதியமைச்சர் நிர்மலா சீதாராமனை சந்தித்தார்.

அண்ணாமலை - நிர்மலா சீதாராமன் சந்திப்பு

பாஜக தலைவர் அண்ணாமலை தலைமையில் நாளை நடைபெற இருந்த மாவட்ட தலைவர்கள் மற்றும் உயர்மட்ட குழு கூட்டம் திடீரென ஒத்திவைக்கப்பட்டுள்ளது.

டெல்லியில் அண்ணாமலை:

பாஜக மாநில தலைவர் அண்ணாமலை நாளை பங்கேற்க முடியாத காரணத்தினால் நிகழ்ச்சி ஒத்திவைக்கப்பட்டுள்ளதாக தெரிவிக்கப்பட்டுள்ளது. டெல்லியில் சென்று அமித்ஷா மட்டும் ஜே.பி நட்டாவை இன்று அண்ணாமலை சந்திக்க இருக்கிறார். இன்று இரவே அண்ணாமலை சென்னை திரும்புவார் என்று தகவல்கள் தெரிவிக்கப்பட்ட நிலையில் ஆலோசனை நிறைவு பெறவில்லை என்பதால் இந்த கூட்டம் ஒத்திவைக்கப்பட்டுள்ளதாக தகவல் தெரிவிக்கப்பட்டுள்ளது.

மக்களவை தேர்தல் நடக்க இன்னும் சில மாதங்களே இருக்கும் நிலையில் தற்போது முதல் அரசியல் களம் சூடு பிடித்துள்ளது. இதில் முக்கிய திருப்பமாக கடந்த சில தினங்களுக்கு முன் அதிமுக மற்றும் பாஜக இடையே இருந்த கூட்டணி முறிந்தது. அதிமுக பாஜக கூட்டணியில் இருந்து விலகுகிறது என அதிகாரப்பூர்வமாக அறிவித்தது. பாஜக மாநிலத் தலைவர் அண்ணாமலை மறைந்த அதிமுக முன்னாள் தலைவர் மற்றும் முன்னாள் முதலமைச்சர் ஜெயலலிதா குறித்தும் மறைந்த முன்னாள் முதலமைச்சர் அண்ணாதுரை குறித்தும் சர்ச்சையாக பேசியது அதிமுகவினர் இடையே கடும் கொந்தளிப்பை ஏற்படுத்தியது.

நிர்மலா சீதாராமனுடன் சந்திப்பு:

அதுமட்டுமின்றி கடந்த சில மாதங்களாகவே இரு கட்சியினருக்கும் இடையே மோதல் போக்கு நிலவி வந்தது. இதனால் அதிமுக  பாஜக கூட்டணியில் இருந்து விலகுவதாக அறிவித்தது. இந்நிலையில் இது தொடர்பாக பத்திரிகையாளர்கள் பாஜக மாநிலத்தலைவர் அண்ணாமலையிடம் கேட்டபோது, தேசிய தலைமைதான் முடிவு எடுக்கும் என பதில் அளித்திருந்தார். இந்நிலையில் என் மண் என் மக்கள் யாத்திரைக்கு இடையில் பாஜக தலைமையிடம் இருந்து அழைப்பு வந்ததாக கூறப்படும் நிலையில், பாஜக மாநிலத்தலைவர் அண்ணாமலை டெல்லி சென்றுள்ளார். இன்று பாஜக தேசியத் தலைவர் ஜே.பி நட்டா மற்றும் மூத்த தலைவர் அமித்ஷாவை சந்திக்கிறார். 

Shri @annamalai_k, State President - @BJP4TamilNadu, calls on Smt @nsitharaman. pic.twitter.com/qzxkuuWJ6A

— Nirmala Sitharaman Office (@nsitharamanoffc) October 2, 2023

நாளை பாஜக உயர்மட்ட குழு கூட்டம் நடைபெறும் என தெரிவிக்கப்பட்ட நிலையில் அண்ணாமலை டெல்லியில் இருந்து சென்னைக்கு திரும்பாத நிலையில் இந்த கூட்டம் ஒத்திவைக்கப்படுவதாக தெரிவிக்கப்பட்டுள்ளது. இந்நிலையில் டெல்லியில் நிதியமைச்சர் நிர்மலா சீதாராமனை சந்தித்து பேசியுள்ளார். அதிமுக பாஜக கூட்டணி முறிவு குறித்து பாஜக மேலிடத்திற்கு நிர்மலா சீதாராமன் அறிக்கை அளித்ததாக கூறப்படும் நிலையில் அண்ணாமலை சந்தித்து பேசியுள்ளார்.