TN Rain Alert: தமிழ்நாட்டில் அடுத்த 5 நாட்களுக்கு மழை நீடிக்கும்.. வெயில் எப்படி இருக்கும்? இன்றைய வானிலை அப்டேட் இதோ..

வெப்ப சலனம் காரணமாக, அடுத்த 5 நாட்களுக்கு தமிழ்நாட்டில் மழை நீடிக்கும் என வானிலை ஆய்வு மையம் தெரிவித்துள்ளது.

தமிழகத்தில் மழை (கோப்பு புகைப்படம்)

 

வெப்ப சலனம் காரணமாக, அடுத்த 5 நாட்களுக்கு தமிழ்நாட்டில் மழை நீடிக்கும் என வானிலை ஆய்வு மையம் தெரிவித்துள்ளது.

19.05.2023: தமிழ்நாடு, புதுச்சேரி மற்றும் காரைக்கால் பகுதிகளில்  ஓரிரு இடங்களில் இடி மின்னல் மற்றும் பலத்த காற்றுடன் (மணிக்கு 30 கிலோமீட்டர் முதல் 40 கிலோமீட்டர் வரை) கூடிய லேசானது முதல் மிதமான மழை  பெய்யக்கூடும்.

20.05.2023: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும்.

21.05.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடங்களில் இடி மின்னலுடன் கூடிய லேசானது முதல் மிதமான மழை  பெய்யக்கூடும்.

22.05.2023 மற்றும் 23.05.2023: தமிழகத்தில் ஓரிரு இடங்களில் லேசானது முதல் மிதமான மழை  பெய்யக்கூடும்.

அதிகபட்ச வெப்பநிலை :

19.05.2023 & 20.05.2023: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் அதிகபட்ச வெப்பநிலை இயல்பிலிருந்து 2 - 3  டிகிரி செல்சியஸ் அதிகமாக இருக்கக்கூடும்.

குறிப்பு: அதிக வெப்பநிலை மற்றும் அதிக ஈரப்பதம் இருக்கும் பொழுது  வெப்ப அழுத்தம் (Heat Stress ) காரணமாக அசௌகரியம் ஏற்படலாம்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38-39 டிகிரி செல்சியஸ் மற்றும் குறைந்தபட்ச வெப்பநிலை 28-29 டிகிரி செல்சியஸை ஒட்டியே இருக்கும்.

கடந்த 24 மணி நேரத்தில் பதிவான மழை அளவு (சென்டிமீட்டரில்):  

நாகர்கோவில் (கன்னியாகுமரி), பொள்ளாச்சி (கோயம்புத்தூர்), மயிலாடி (கன்னியாகுமரி), பொதுப்பணித்துறை வாரப்பட்டி (கோயம்புத்தூர்) தலா 3, கூடலூர் பஜார் (நீலகிரி), ஆனைமடுவு அணை (சேலம்), மேல் கூடலூர் (நீலகிரி), கரியகோவில் அணை (சேலம்), உப்பர் அணை (திருப்பூர்), டேனிஷ்பேட்டை (சேலம்), போடிநாயக்கனூர் (தேனி), திற்பரப்பு (கன்னியாகுமரி), தேன்கனிக்கோட்டை (கிருஷ்ணகிரி), அமராவதி அணை (திருப்பூர்) தலா 2, குருந்தன்கோடு (கன்னியாகுமரி), ஜமுனாமரத்தூர் (திருவண்ணாமலை), கோடநாடு (நீலகிரி), ஊத்துக்கோட்டை (திருவள்ளூர்), உடுமலைப்பேட்டை (திருப்பூர்), சாந்தி விஜயா பள்ளி (நீலகிரி), பார்வூட் (நீலகிரி), திருப்பூர் தெற்கு, வூட் பிரையர் எஸ்டேட் (நீலகிரி), பெரியகுளம் (தேனி), ஊத்துக்குளி (திருப்பூர்), தண்டராம்பேட்டை (திருவண்ணாமலை), பெரியகுளம் AWS (தேனி), ராசிபுரம் (நாமக்கல்), ஆனைப்பாளையம் (கரூர்), சேத்துப்பட்டு (திருவண்ணாமலை), ஆர்.கே.பேட்டை (திருவள்ளூர்), நிலக்கோட்டை (திண்டுக்கல்), ஆண்டிபட்டி (தேனி), ஏற்காடு (சேலம்), கலெக்டர் அலுவலகம், நாமக்கல் (நாமக்கல்), ஹரிசன் மலையாள லிமிடெட் (நீலகிரி) தலா 1 செ.மீ மழை பதிவாகியுள்ளது. 

மீனவர்களுக்கான எச்சரிக்கை: 

22.05.2023 மற்றும் 23.05.2023: மன்னார் வளைகுடா பகுதிகளில் சூறாவளிக்காற்று  மணிக்கு 40 முதல் 45 கிலோ மீட்டர் வேகத்திலும் இடையிடையே 55  கிலோ மீட்டர் வேகத்திலும்   வீசக்கூடும்.

மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்த படுகிறார்கள்.