விஜய்க்கு ஸ்டாலின் போட்ட கணக்கு... சவால் விடும் இடதுசாரிகள்! தமிழக அரசியலில் பரபரப்பு!
தவெக அரசுக்கான இடதுசாரிகளின் ஆதரவு தொடரும் - கம்யூனிஸ்ட் கட்சியின் மாநிலச் செயலாளர்க
திமுக தலைவர் மு.க.ஸ்டாலின் சொல்வது போல தவெக ஆட்சி கவிழாது எனவும், தவெக அரசுக்கான இடதுசாரிகளின் ஆதரவு தொடரும் என்றும் இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சியின் மாநிலச் செயலாளர்கள் கூட்டாக தெரிவித்துள்ளனர்.
தமிழக முதலமைச்சர் ஜோசப் விஜய் தலைமையில் தவெக கூட்டணிக் கட்சித் தலைவர்களின் ஆலோசனைக் கூட்டம் மாமல்லபுரத்தில் உள்ள தனியார் விடுதியில் இன்று மாலை நடைபெற உள்ளது. இந்த ஆலோசனைக் கூட்டத்தில் பங்கேற்கப்போவதில்லை என அறிவித்துள்ள இடதுசாரிகள் இன்று காலை முதலமைச்சர் ஜோசப் விஜயை தலைமைச் செயலகத்தில் சந்தித்து பேசினர். அதன் தொடர்ச்சியாக செய்தியாளர்களை சந்தித்து பேசிய மார்க்சிஸ்ட் கம்யூனிஸ்ட் கட்சியின் மாநிலச் செயலாளர் சண்முகம் மற்றும், இந்திய கம்யூனிஸ்ட் கட்சியின் மாநிலச் செயலாளர் வீரபாண்டியன், தவெக ஆட்சியிலும் கூட்டணியிலும் அங்கம் வகிக்கவில்லை என்பதால் நாங்கள் இன்று மாலை நடைபெறும் கூட்டத்தில் பங்கேற்கவில்லை என தெரிவித்தனர்.
மேலும், திமுக தலைவர் மு.க.ஸ்டாலின் சொல்வது போல தவெக ஆட்சி கவிழாது எனவும், தவெக அரசுக்கான இடதுசாரிகளின் ஆதரவு தொடரும் என்றும் தெரிவித்தனர்.
மேலும், காவிரி உள்ளிட்ட தீர்மானங்கள் கொண்டு வருவதற்கு முன்பாக அனைத்துக் கட்சி கூட்டத்தை கூட்டி ஒருமித்த கருத்தை எடுத்த பின்பு தான் தீர்மானத்தை நிறைவேற்ற வேண்டும் என முதலமைச்சரிடம் கோரிக்கை வைத்ததாகவும் தெரிவித்தனர். மேலும், தமிழ்நாடு அரசின் நிதிநிலை அறிக்கையில் மக்கள் எதிர்பார்க்கும் அறிவிப்புகள் இடம்பெற வேண்டும் எனவும், தமிழ்நாடு அரசியலில் உள்ள ஒப்பந்த பணியாளர் முறையை முழுமையாக ரத்து செய்ய வேண்டும் எனவும் முதலமைச்சரிடம் கோரிக்கை விடுத்ததாகவும் அவர்கள் தெரிவித்தனர்.
Before You Go
SP Velumani On EPS : இபிஎஸ் எடுத்த தவறான முடிவுகள்? சசிகலா,டிடிவியை சேர்க்கணும்!அதிமுக சீனியர்கள் செக்
தலைப்பு செய்திகள்
ட்ரெண்டிங் செய்திகள்
