உங்க குழந்தைக்கு Sportsல் ஆர்வம் இருந்தா என்கரேஜ் பன்னுங்க..!- முதலமைச்சர் ஸ்டாலின் மோட்டிவேசன்
CM TROPHY: விளையாட்டுத்துறையும் வளர்ந்திருக்கிறது, அந்த துறை அமைச்சர் உதயநிதியும் வளர்ந்திருக்கிறார் என முதலமைச்சர் ஸ்டாலின் தெரிவித்துள்ளார்.
முதலமைச்சர் கோப்பை விளையாட்டுப் போட்டிகள் 2024 நிறைவு விழாவில், முதலமைச்சர் ஸ்டாலின் துணை முதலமைச்சர், விளையாட்டு வீரர்கள் உள்ளிட்டவர்கள் பங்கேற்றனர். இப்போட்டியில், 105 தங்கம் , 80 வெள்ளி , 69 வெண்கலப் பதக்கங்களை வென்ற சென்னை அணி முதலிடமும், செங்கல்பட்டு அணி 2ம் இடமும் கோவை அணி 3ம் இடமும் பிடித்துள்ளன.
அப்போது பேசிய முதலமைச்சர் ஸ்டாலின் “ வெற்றி பெற்ற வீரர்களுக்கு வாழ்த்துகள். விளையாட்டுகளை மேம்படுத்த திறமையான வீரர்களை ஊக்கப்படுத்துவது அவசியம், விளையாட்டு போட்டிகளை நடத்துவது , மாணவ - மாணவிகளுக்கு உற்சாகத்தை தருகிறது. முதலமைச்சர் கோப்பை விளையாட்டுப் போட்டிகளில் வீரர்களுக்கு பரிசுகளை வழங்கியது மகிழ்ச்சியை தருகிறது. உங்க குழந்தைக்கு Sportsல் ஆர்வம் இருந்தா என்கரேஜ் பண்ணுங்க.
விளையாட்டு - சிறந்த மாநிலம்
விளையாட்டு போட்டிகளை ஊக்குவிப்பதில் தமிழ்நாடு சிறந்த மாநிலமாக திகழ்கிறது. தமிழ்நாடு விளையாட்டுத்துறை பல்வேறு மகத்தான சாதனைகளை புரிந்து வருகிறது. இந்தியாவை மட்டுமல்ல , உலகத்தையே ஈர்க்கும் மாநிலமாக தமிழ்நாடு புகழ் பெற்றுள்ளது. தமிழ்ப் பண்பாட்டை உலகுக்கு எடுத்துக் காட்டும் நிகழ்வாக செஸ் ஒலிம்பியாட் அமைந்தது. உலகையே ஈர்க்கும் மாநிலமாக தமிழ்நாடு புகழ்பெற்றுள்ளது.
முதலமைச்சர் கோப்பை 2024 போட்டிகள் நிறைவு விழா மாற்றுத்திறனாளிகளின் மாபெரும் கலை நிகழ்ச்சி!#CMTrophy2024 #DMKChennai pic.twitter.com/mpzV8qUwtY
— Chennai DMK (@DMK_Chennai) October 24, 2024
”துறை - அமைச்சர்: வளர்ச்சி “
விளையாட்டுத்துறை அமைச்சராக இருந்த உதயநிதி துணை முதலமைச்சரானதில் விளையாட்டு வீரர்களுக்கும் பங்கு உள்ளது. விளையாட்டுத்துறையை சிறப்பாக கவனித்து, இந்தியாவையே உற்றுநோக்க வைத்துள்ளார். விளையாட்டுத்துறையும் வளர்ந்திருக்கிறது, அந்த துறை அமைச்சரும் வளர்ந்திருக்கிறார்.
அவ்விழாவில் சுவாரஸ்ய நிகழ்வாக , ஓவியர் ஒருவர் முன்னாள் முதலமைச்சர் கலைஞர் கருணாநிதி , முதலைச்சர் ஸ்டாலினுக்கு முத்தம் கொடுப்பது போன்ற ஓவியத்தை , முதலமைச்சர் கண்முன்னே தலைகீழாக வரைந்து , முதலமைச்சர் ஸ்டாலினிடம் அன்பளிப்பாக வழங்கினார்.
தலைப்பு செய்திகள்
ட்ரெண்டிங் செய்திகள்
