MK Stalin Speech: ”வெளிநாடுகளுடன் ஒப்பிட்டு தமிழ்நாடு வளரவேண்டும்” - திட்டங்களை செயல்படுத்துவதற்கான கூட்டத்தில் முதலமைச்சர் உரை..

தமிழ்நாட்டின் வளர்ச்சியை பிற மாநிலங்களுடன் ஒப்பிட்டு பெருமைகொள்வது போதாது. வளர்ச்சியடைந்த நாடுகளுடன் ஒப்பிடவேண்டும் என்று முதலமைச்சர் முக ஸ்டாலின் தகவல் தெரிவித்துள்ளார்.

முதலமைச்சர் முக ஸ்டாலின்

தமிழ்நாட்டின் வளர்ச்சியை பிற மாநிலங்களுடன் ஒப்பிட்டு பெருமை கொள்வது போதாது. வளர்ச்சியடைந்த நாடுகளுடன் ஒப்பிட வேண்டும். வளர்ந்த நாடுகளுடன் ஒப்பிடும்போதுதான் அதற்கேற்ப தமிழ்நாடு வளர்ச்சியடைய இலக்குகளை நிர்ணயிக்க முடியும் என்று திட்டங்களை செயல்படுத்துவது தொடர்பான கூட்டத்தில் அதிகாரிகளுக்கு முதலமைச்சர் முக ஸ்டாலின் அறிவுறுத்தியுள்ளார். 

இதுகுறித்து, அவர் வெளியிட்ட  அறிக்கையில், அனைத்து துறை செயலாளர்களுடன் கடந்த செப்ட்ம்பர் 16 ம் தேதி முதல் ஆய்வு கூட்டத்தை நடத்தினேன்.அதுவரை வெளியிடப்பட்ட அறிவிப்பிற்கு அரசாணை வெளியிட கேட்டுக்கொண்டேன்.அதேபோல், தலைமைசெயலாளர்களும் மாதம் ஒருமுறை உங்களை அழைத்து ஆய்வு நடத்தி பணிகளை விரைவுப் படுத்தினார். இந்தத் தொடர் கண்காணிப்பின் வாயிலாக இதுவரை மொத்தம் வெளியிடப்பட்ட 1,641 அறிவிப்புகளில் 1,313 அறிவிப்புகள், அதாவது 80 விழுக்காடு அறிவிப்புகளுக்கு உரிய ஆணைகள் 10.01.2022 வரை சம்பந்தப்பட்ட துறைகளால் வெளியிடப்பட்டுள்ளன. இதற்கு என்னுடைய பாராட்டுதல்களைத் தெரிவித்துக்கொள்ளக் கடமைப்பட்டுள்ளேன். மீதமுள்ள அறிவிப்புகளுக்கு உரிய ஆணைகளையும் உடனடியாக வெளியிட்டு 100 விழுக்காடு இலக்கினை அடைய என்பதுதான் நமது குறிக்கோள்.

ஆணைகள் வெளியிடப்பட்டவுடன் நம்முடைய பணி நிறைவு பெறவில்லை என நான் ஏற்கனவே கூறியதை தங்களுக்கு மீண்டும் நினைவுப்படுத்த விரும்புகிறேன். நீங்கள் வெளியிட்ட ஆணைகள் அனைத்தும் செயல்பாட்டில் வந்துள்ளனவா என தொடர்ந்து கண்காணிக்க வேண்டிய அவசியம் உங்களுக்கு இருக்கிறது. ஆணைகள் வெளியிடப்பட்ட பணிகளுக்கான நிதி உரிய காலத்தில் விடுவிக்கப்பட்டு பணிகள் துரிதமாக நடைபெறுவதை இனி நீங்கள் நேரடியாக கண்காணிக்க வேண்டும்.

அரசுச் செயலாளர்கள் குறைந்தபட்சம் மாதம் 2 முறை மாவட்டங்களுக்குச் சென்று பல்வேறு நலத் திட்டங்களின் செயல்பாட்டினை அறிந்து, உரிய தொடர் நடவடிக்கை எடுக்க வேண்டும் எனவும் கேட்டுக்கொள்கிறேன். இதுகுறித்து நீங்கள் எடுத்த நடவடிக்கை, வழங்கிய ஆலோசனைகள், சிறப்பாகச் செயல்படுத்த மேற்கொண்ட நடவடிக்கைகள் ஆகியவை குறித்து என்னுடைய அடுத்த மாத ஆய்வுக் கூட்டத்தில் நான் தெரிந்து கொள்ள விரும்புகிறேன்.

* வரும் ஆண்டிற்கான திட்டங்களை இப்போதே திட்டமிடுவதற்கான முன்னெடுப்புப் பணிகளை மேற்கொள்ள வேண்டும்.

* ஒன்றிய அரசிடம் நிலுவையில் உள்ள 20 அறிவிப்புகளில் ஒன்றிய அரசின் சம்பந்தப்பட்ட துறைகளோடு தொடர்ந்து தொடர்புகொண்டு உரிய முறையில் வலியுறுத்தி தேவைப்பட்ட நிதி ஒதுக்கீடுகளையும், ஒப்புதல்களையும் பெற வேண்டும். 

* உங்களுக்கு நீங்களே ஒரு செயல் திட்டத்தை உருவாக்க வேண்டும்.

* இந்த ஆண்டுக்கான திட்டங்கள் அடுத்த நான்கு ஆண்டுக்கான திட்டங்கள் 2030 வரையிலான திட்டங்கள் - என திட்டமிட வேண்டும்.

இத்தகைய செயல்திட்டம் (Road Map) ஒன்றை உருவாக்கிடவேண்டும். Think big, Dream big, Results will be big என்கிற கூற்றின்படி நமது சிந்தனைகளும், கனவுகளும், குறிக்கோள்களும் பெரிதாக இருந்தால்தான் நமது சாதனைகளும் பெரிதாக இருக்கும் என்பதை நாம் எப்போதும் நினைவில்கொள்ள வேண்டும்.

நம்மை நம்மை விட அதிகமாக வளர்ந்தவர்களோடு ஒப்பிட வேண்டும். நாட்டின் பிற மாநிலங்களுடன் ஒப்பிட்டு நாம் சிறப்பாக செயல்பாடுகளுக்கு இணையாக நம்முடைய இலக்குகளை நிர்ணயிக்க சென்றடையும் வகையில் ஒருங்கிணைந்து செயல்பட வேண்டும். செய்துகொண்டு இருக்கிறோம் என்ற மனநிலையினைத் தவிர்க்கவேண்டும். வளர்ந்த நாடுகள் மற்றும் தெற்காசிய நாடுகளின் வேண்டும். நம்முடைய இலக்குகள் அனைத்தும் திட்டம் அடிப்படையில் மட்டுமே இல்லாமல், நாம் அடைய வேண்டிய நோக்கத்தினை நீர் வளங்களை மேம்படுத்துவதற்கும், வேளாண் உற்பத்தியைப் பெருக்குவதற்கும், கல்வித் தரத்தினை உயர்த்துவதற்கும், சுகாதாரக்குறியீடுகளை மேம்படுத்துவதற்கும், அனைவருக்கும் வீடு என்கிற இலக்கினை அடைவதற்கும், தொழில் துறையில் உயரிய வளர்ச்சியினை எய்துவதற்கும், நம்முடைய இளைய சமுதாயத்தினரின் திறனை மேம்படுத்துவதற்கும், வறுமையை ஒழிப்பதற்கும், சுற்றுச்சூழலை சமநிலைப்படுத்துவதற்கும், தொடர்புடைய துறைகள் அனைத்தும் ஒருங்கிணைந்து ஒரு கூட்டு முயற்சியுடன் செயல்படுவதுடன், இந்த அடைய அனைத்து முயற்சிகளையும் தொடர்ந்து நீங்கள் மேற்கொள்ள வேண்டும்.

உயரிய நோக்கங்களின் இலக்கினை அனைத்துத் துறைகளின் திட்டங்களைச் செயல்படுத்துவதுகுறித்த தகவல்களை நான் தெரிந்துகொள்வது தொடர்பாக தமிழ்நாடு மின் ஆளுமை முகமை மூலம் முதலமைச்சரின் தகவல் பலகை (DASH BOARD) ஒன்றை ஏற்படுத்தி அதன் மூலம் தகவல்களைக் கொண்டு, நான் நாள்தோறும் ஆய்வு மேற்கொண்டு வருகிறேன் என்று தெரிவித்துள்ளார். 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண