Kasturi: எஸ்கேப்! சர்ச்சைப் பேச்சால் நடிகை கஸ்தூரி தலைமறைவு - வலைவீசி தேடும் போலீஸ்!
தெலுங்கர்கள் குறித்து நடிகை கஸ்தூரி பேசிய கருத்துக்கள் சர்ச்சையாகி அவருக்கு நெருக்கடியாக மாறியுள்ளது. போலீசார் வழக்குப்பதிவு செய்த நிலையில், கஸ்தூரி தலைமறைவாகியுள்ளதாக தகவல் வெளியாகியுள்ளது.
கடந்த வாரம் சென்னையில் இந்து மக்கள் கட்சி சார்பில் ஏற்பாடு செய்யப்பட்ட பிரமாணர்களுக்கான போராட்டத்தில் கலந்து கொண்ட நடிகை கஸ்தூரி அரசு ஊழியார்கள் குறித்தும் தெலுங்கு பேசும் மக்கள் குறித்து சர்ச்சைக்குரிய வகையில் பேசியது பூதாகரமாக வெடித்தது.
கஸ்தூரியின் சர்ச்சைப் பேச்சு:
நடிகை கஸ்தூரி தெலுங்கு மக்களை இழிவுபடுத்தியதாக கடும் எதிர்ப்பு கிளம்பியது. இதனால் மறுநாளே செய்தியாளர்களை சந்தித்து தான் சொன்ன கருத்து தவறாக புரிந்து கொள்ளப்பட்டதாக விளக்கம் கொடுத்தார். இருப்பினும் இந்த விவகாரம் அவருக்கு சிக்கலாக மாறியதால், இறுதியில் மன்னிப்பு கேட்டு வருத்தம் தெரிவித்தார். மற்றொரு பக்கம் நடிகை கஸ்தூரி மீது நடவடிக்கை எடுக்கக்கோரி பல்வேறு தரப்பில் இருந்தும் காவல் நிலையங்களில் புகார் அளிக்கப்பட்டது.
தலைமறைவான கஸ்தூரி?
அந்த வகையில் அகில இந்திய தெலுங்கு சம்மேளம் சார்பில் அளித்த புகாரின் அடிப்படையில் சென்னை எழும்பூர் காவல் நிலையத்தில் கஸ்தூரி மீது நான்கு பிரிவுகளின் கீழ் வழக்குப்பதிவு செய்யப்பட்டது.
இதனையடுத்து போலீசார் போயஸ் கார்டனில் உள்ள அவரது வீட்டுக்கு சம்மன் வழங்க சென்ற போது வீடு பூட்டுப்போடப்பட்டிருந்ததாக சொல்கின்றனர். அதனால் போலீசார் அவரது செல்போன் எண்ணை தொடர்பு கொண்ட போது சுவிட் ஆப் செய்யப்பட்டுள்ளது.
பின்னர் போலீசார் கொண்டு வந்த சம்மனை அவரது வீட்டில் ஒட்டிச்சென்றனர். மேலும் நடிகை கஸ்தூரி போலீசாருக்கு பயந்து தலைமறைவாகிவிட்டதாக கூறப்படும் நிலையில் நடிகை கஸ்தூரியை போலீசார் வலைவீசி தேடிவருகின்றனர்.
தலைப்பு செய்திகள்
ட்ரெண்டிங் செய்திகள்
