Director Sasikumar: மீண்டும் இயக்குனர் அவதாரம் எடுக்கும் சசிகுமார்? ஹீரோ யார் தெரியுமா..?

சசிகுமார் மீண்டும் இயக்குனர் அவதாரம் எடுக்க உள்ளதாக தகவல் வெளியாகி உள்ளது. இதனால் அவரது ரசிகர்கள் மகிழ்ச்சி அடைந்துள்ளனர்.

இயக்குனர் சசிகுமார்

சசிகுமார் நடிப்பில் சமீபத்தில் வெளியான அயோத்தி திரைப்படம் ரசிகர்கள் மத்தியில் நல்ல வரவேற்பை பெற்றது. நீண்ட நாட்களுக்குப் பிறகு சசிகுமாருக்கு இந்தப் படம் கம்பேக் கொடுத்தது. முதல் படம் வெற்றி அடைந்ததை தொடர்ந்து, சசிகுமார் தனது அடுத்தப் படத்தில் பிஸியாகிவிட்டதாக தகவல் வெளியாகியுள்ளது. அதன்படி, சசிகுமார் மீண்டும் இயக்குநராக களமிறங்கவுள்ளதாக சொல்லப்படுகிறது. 

மீண்டும் படம் இயக்கும் சசிகுமார்:

கடந்த 2008-ஆம் ஆண்டு வெளியான சுப்ரமணியபுரம் திரைப்படம் தமிழ் சினிமாவில் மிகப் பெரிய அதிர்வலையை ஏற்படுத்தியது. சசிகுமார் இயக்கத்தில் ஜெய், சமுத்திரகனி, கஞ்சா கருப்பு ஆகியோருடன், சசிக்குமாரும் இணைந்து நடித்த இந்தப் படம் ஹிட் அடித்தது. அதனைத் தொடர்ந்து சசிகுமார் இயக்கிய ஈசன் திரைப்படம் எதிர்பார்த்த அளவில் அவருக்கு கை கொடுக்கவில்லை. அடுத்ததாக ஒரு ஹிட் படம் கொடுத்து கம்பேக் கொடுப்பார் என்று எதிர்பார்க்கப்பட்ட நிலையில்,  சசிகுமார், நடிப்பில் பிஸியாகிவிட்டார்.  இவர் நடிப்பில் வெளியான சுந்தரபாண்டியன் உள்ளிட்ட படங்கள் ரசிகர்கள் மத்தியில் நல்ல வரவேற்பை பெற்றன.

 2010-க்குப் பிறகு 13 ஆண்டுகளாக திரைப்படங்கள் எதுவும் இயக்காமல் இருந்த சசிகுமார், தற்போது மீண்டும் திரைப்படங்களை இயக்க தயாராகி விட்டதாக தகவல் வெளியாகி உள்ளது.  மேலும், இந்த முறையும் நடிகர் ஜெய்யுடன் இணையவுள்ளதாக சொல்லப்படுகிறது. கடந்த இரண்டு ஆண்டுகளில் சசிகுமார் நடிப்பில் 5-க்கும் மேற்பட்ட திரைப்படங்கள் வெளியான நிலையில், இதில் கடைசியாக வெளியான அயோத்தி மட்டுமே அவருக்கு கை கொடுத்தது. மேலும், இந்த திரைப்படம் ரசிகர்கள் மத்தியிலும் நல்ல வரவேற்பை பெற்றது. இதனால் மகிழ்ச்சியில் உள்ள சசிக்குமார் அடுத்த படம் இயக்க தயாராகி விட்டதாக சொல்லப்படுகிறது. 

ஹீரோவாகும் ஜெய்:

ஏற்கனவே சர்ச்சைக்குரிய குற்றப் பரம்பரை படத்தை சசிகுமார் இயக்குவதாக சொல்லப்பட்டது. அதனால் சசிகுமார் இயக்கத்தில் குற்றப் பரம்பரை படம் உருவாகும் என்று எதிர்பார்க்கப்பட்டது. ஆனால், அதற்கு பதிலாக வேறொரு படத்தை இயக்க இருக்கின்றாராம் சசிகுமார். சசிகுமார் இயக்கத்தில் ஜெய் கதாநாயகனாக  களமிரங்க உள்ள இந்தப் படம் சுப்ரமணியபுரம் போன்று ஆக்‌ஷன் கதை களத்தில் இருக்கும் என எதிர்பார்க்கப்படுகிறது. அதேநேரம் இது சுப்ரமணியபுரம் படத்தின் தொடர்ச்சியாக இருக்குமா என்ற எதிர்பார்ப்பையும் ஏற்படுத்தி உள்ளது. 

மேலும் படிக்க