தமிழகத்தில் தினசரி கொரோனா பாதிப்பு 6, 000-ஐத் தாண்டியது
வெளிநாடு மற்றும் வெளிமாநிலங்களில் இருந்து இன்று தமிழகம் வந்த 35 பேருக்கு கோவிட்-19 தொற்று பாதிப்பு கண்டறியப்பட்டது.
தமிழகத்தில் கடந்த 24 மணி நேரத்தில் 6, 618 பேருக்கு கோவிட் 19 தொற்று உறுதி செய்யப்பட்டுள்ளது. இதனால், நோய்த் தொற்றால் பாதிக்கப்பட்டவர்களின் எண்ணிக்கை மொத்த எண்ணிக்கை 9,33,434 ஆக அதிகரித்துள்ளது
சென்னையில் மட்டும் கடந்த 24 மணி நேரத்தில் 2,12 பேர் பாதிக்கப்பட்டுள்ளனர். சென்னையின் மொத்த பாதிப்பு எண்ணிக்கை 2,65,126 ஆக அதிகரித்துள்ளது.
தமிழகத்தில், தற்போது கொரோனா நோய்த் தொற்றுக்கு சிகிச்சை பெற்று வருபவர்களின் எண்ணிக்கை 41,95 ஆகும்.
கடந்த 24 மணி நேரத்தில், தமிழகத்தில் கோவிட் 19 தொற்றுக்கு 22 பேர் உயிரிழந்தனர். இதன்மூலம், மொத்த உயிரிழப்பு எண்ணிக்கை 12, 908 ஆக அதிகரித்துள்ளது.
வெளிநாடு மற்றும் வெளிமாநிலங்களில் இருந்து இன்று தமிழகம் வந்த 35 பேருக்கு கோவிட்-19 தொற்று பாதிப்பு கண்டறியப்பட்டதாக தெரிவிக்கப்பட்டது.
இந்தியாவில் தினசரி கொவிட் பாதிப்பு தொடர்ந்து அதிகரிக்கிறது. கடந்த 24 மணி நேரத்தில் 1,52,879 பேருக்கு புதிதாக பாதிப்பு ஏற்பட்டுள்ளது. இவர்களில் 80.92 சதவீதம் பேர் மகாராஷ்டிரா, சட்டீஸ்கர், உத்தரப் பிரதேசம், தில்லி, கர்நாடகா, கேரளா, தமிழ்நாடு, குஜராத், மத்தியப் பிரதேசம் மற்றும் ராஜஸ்தான் ஆகிய 10 மாநிலங்களைச் சேர்ந்தவர்கள் என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
