சேலம் மாவட்டத்தில் வரைவு வாக்காளர் பட்டியல் வெளியீடு; மொத்தம் 29,74,250 வாக்காளர்கள்

ஆண்கள் 14,79,231 பேரும், பெண்கள் 14,94,771 பேரும், இதரர் 248 பேரும் உள்ளதாக சேலம் மாவட்ட நிர்வாகம் வெளியிட்டுள்ள வாக்காளர் பட்டியலில் இடம்பெற்றுள்ளது.

வாக்காளர் பட்டியல் வெளியீடு

இந்திய தேர்தல் ஆணையத்தின் உத்தரவின்படி வரைவு வாக்காளர் பட்டியல் சேலம் மாவட்ட ஆட்சியர் கார்மேகம் தலைமையில் இன்று வெளியிடப்பட்டது. சேலம் மாவட்டத்தை பொருத்தவரை மொத்தம் 29,74,250 வாக்காளர்கள் உள்ளனர். இவற்றில் ஆண்கள் 14,79,231 பேரும், பெண்கள் 14,94,771 பேரும், இதரர் 248 பேரும் உள்ளதாக சேலம் மாவட்ட நிர்வாகம் வெளியிட்டுள்ள வாக்காளர் பட்டியலில் இடம்பெற்றுள்ளது. 

இதில் சட்டமன்ற தொகுதி வாரியாக எடுக்கப்பட்ட கணக்கெடுப்பின்படி, சேலம் மாவட்டம் கெங்கவல்லி சட்டமன்ற தொகுதியில் ஆண்கள் 1,13,909 பேரும், பெண்கள் 1,20,676 பேரும், இதரர் 6 பேரும் மொத்தம் 2,34,591 பேர் உள்ளனர். ஆத்தூர் சட்டமன்றத் தொகுதியை பொறுத்தவரை ஆண்கள் 1,19,920 பேரும் பெண்கள் 1,28,126 பேரும், இதரர் 16 பேரும் மொத்தம் 2,48,062 பேர் உள்ளனர். ஏற்காடு சட்டமன்றத் தொகுதியை பொறுத்தவரை ஆண்கள் 1,37,419 பேரும் பெண்கள் 1,43,547 பேரும், இதரர் 12 பேரும் மொத்தம் 2,80,978 பேர் உள்ளனர். ஓமலூர் சட்டமன்றத் தொகுதியை பொறுத்தவரை ஆண்கள் 1,49,698 பேரும் பெண்கள் 1,42,502 பேரும், இதரர் 9 பேரும் மொத்தம் 2,92,209 பேர் உள்ளனர். மேட்டூர் சட்டமன்றத் தொகுதியை பொறுத்தவரை ஆண்கள் 1,40,016 பேரும் பெண்கள் 1,36,250 பேரும், இதரர் 12 பேரும் மொத்தம் 2,76,278 பேர் உள்ளனர்.

எடப்பாடி சட்டமன்றத் தொகுதியை பொறுத்தவரை ஆண்கள் 1,44,042 பேரும் பெண்கள் 1,39,625 பேரும், இதரர் 27 பேரும் மொத்தம் 2,83,694 பேர் உள்ளனர். சங்ககிரி சட்டமன்றத் தொகுதியை பொறுத்தவரை ஆண்கள் 1,36,093 பேரும் பெண்கள் 1,33,390 பேரும், இதரர் 20 பேரும் மொத்தம் 2,69,503 பேர் உள்ளனர். சேலம் மேற்கு சட்டமன்றத் தொகுதியை பொறுத்தவரை ஆண்கள் 1,47,852 பேரும் பெண்கள் 1,48,899 பேரும், இதரர் 58 பேரும் மொத்தம் 2,96,809 பேர் உள்ளனர். சேலம் வடக்கு சட்டமன்றத் தொகுதியை பொறுத்தவரை ஆண்கள் 1,35,073 பேரும் பெண்கள் 1,41,500 பேரும், இதரர் 31 பேரும் மொத்தம் 2,76,604 பேர் உள்ளனர். சேலம் தெற்கு சட்டமன்றத் தொகுதியை பொறுத்தவரை ஆண்கள் 1,25,870 பேரும் பெண்கள் 1,31,901 பேரும் , இதரர் 39 பேரும் மொத்தம் 2,57,810 பேர் உள்ளனர். வீரபாண்டி சட்டமன்றத் தொகுதியை பொறுத்தவரை ஆண்கள் 1,29,339 பேரும் பெண்கள் 1,28,355 பேரும், இதரர் 18 பேரும் மொத்தம் 2,57,712 பேர் உள்ளனர்.

தமிழகத்தில் மொத்தம் 6 கோடியே 18 லட்சத்து 26 ஆயிரத்து 182 வாக்காளர்கள் உள்ளனர். தமிழகத்தில் 3.14 கோடி பெண் வாக்காளர்கள், 3.03 கோடி ஆண் வாக்காளர்கள் உள்ளனர். தமிழகத்தில் மூன்றாம் பாலின வாக்காளர்கள் 7,758 பேர் உள்ளனர். அதிகபட்சமாக சோழிங்கநல்லூர் தொகுதியில் 6 லட்சத்திற்கும் மேற்பட்ட வாக்காளர்கள் உள்ளனர். தமிழகத்தில் குறைந்தபட்சமாக 1.72 லட்சம் வாக்காளர்கள் உள்ளனர். 

இதன் பின்னர் சேலம் மாவட்ட ஆட்சியர் அலுவலகத்தில் வாக்காளர்களுக்கு தேர்தல் குறித்து விழிப்புணர்வுப்படுத்தும் விதமாக பேரணி நடைபெற்றது. இதனை சேலம் மாவட்ட ஆட்சியர் கார்மேகம் கொடியசைத்து துவங்கி வைத்தார்.