TVK Flag: வெற்றி கொடி ஏற்று.. அண்ணனை வாழ்த்திய தம்பிகள்! உற்சாகத்தில் தொண்டர்கள்

தமிழக வெற்றிக் கழகத்தின் தலைவர் விஜய்க்கு திரை நட்சத்திரங்கள் வாழ்த்து கூறியுள்ளனர்.

தமிழக வெற்றிக் கழக தலைவர் விஜய்

Source : x

தவெக கொடியை அறிமுகம் செய்த விஜய்:

தமிழக வெற்றிக் கழகத்தின் கொடியை அறிமுகம் செய்யும் நிகழ்ச்சி பனையூரில் உள்ள கட்சித் தலைமை அலுவலகத்தில் இன்று (ஆக.22) நடைபெற்றது. இதில் பங்கேற்ற கட்சியின் தலைவர் விஜய் கொடியை அறிமுகம் செய்தார் . சிவப்பு, மஞ்சள் ஆகிய இரு நிறங்களுடன் இரண்டு போர் யானைகள், நடுவில் வாகை மலருடன் இருக்கும் வகையில் தமிழக வெற்றிக் கழகத்தின் கொடி வடிவமைக்கப்பட்டுள்ளது.இந்த நிகழ்ச்சியில் தவெக நிர்வாகிகள், தொண்டர்கள், விஜய் ரசிகர்கள் திரளாக பங்கேற்றனர்.

அண்ணனை வாழ்த்திய தம்பிகள்:

விஜய்யின் பெற்றோர் எஸ்.ஏ.சந்திரசேகர் மற்றும் சோபா சந்திரசேகர் இருவரும் கலந்து கொண்டனர். இச்சூழலில் தன்னுடைய கட்சி கொடியை அறிமுகபடுத்திய தமிழக வெற்றிக் கழகத்தின் தலைவர் விஜய் அரசியலில் வெற்றிவாகை சூட வேண்டும் என்று பல்வேறு திரை நட்சத்திரங்கள் தங்களது வாழ்த்துகளை கூறி வருகின்றனர். 

இயக்குனர் வெங்கட் பிரபு வெளியிட்டுள்ள இன்ஸ்டாகிராம் ஸ்டோரியில் படையப்பா பாடலை மேற்கோள் காட்டி வாழ்த்து கூறியுள்ளார். இயக்குனர் அட்லி தன்னுடைய இன்ஸ்டாகிராம் பக்கத்தில் விஜய் தன்னுடைய கட்சி கொடியுடன் இருக்கும் புகைப்படத்தை பகிர்ந்து, வாழ்த்துக்கள் அண்ணா" என்று கூறியுள்ளார்.

வாழ்த்துக்கள் @actorvijay அண்ணா 🙏❤️ pic.twitter.com/odvNmMiJ8e

— Lokesh Kanagaraj (@Dir_Lokesh) August 22, 2024

அதேபோல் இயக்குனர் லோகேஷ் கனகராஜ் வெளியிட்டுள்ள பதிவில், "வாழ்த்துக்கள் விஜய் அண்ணா"என்று கூறியுள்ளார். நடிகர் சிபி சத்யராஜ்,"தவெக கட்சி கொடியை அறிமுக படுத்திய அண்ணன் விஜய்க்கு வாழ்த்துக்கள். உங்கள் அனைத்து முயற்சிகளுக்கும் வாழ்த்துக்கள்"என்று கூறியுள்ளார். அதேபோல் இயக்குனர் பார்த்திபன், நடிகர் சாந்தனு உள்ளிட்டோரும் வாழ்த்து தெரிவித்துள்ளனர். இது தவெக தொண்டர்களிடையே உற்சாகத்தை ஏற்படுத்தியுள்ளது.