TN Election Result 2021: இன்று திமுக எம்.எல்.ஏ.,க்கள் கூட்டம்; அமைச்சர்கள் தேர்வும் நடைபெற வாய்ப்பு

இன்று திமுக எம்.எல்.ஏ.,க்கள் கூட்டம் நடைபெறவிருக்கும் நிலையில், அமைச்சர்கள் தேர்வு குறித்த ஆலோசனையும் நடைபெற வாய்ப்பிருப்பதாக தகவல் வெளியாகியுள்ளது.

தமிழகத்தில் நடந்து முடிந்த சட்டமன்றதேர்தலில் பெரும்பான்மையுடன் திமுக வெற்றிபெற்றது. அக்கட்சியின் முதல்வர் வேட்பாளரும், திமுக தலைவருமான ஸ்டாலின் முதல்வராக பொறுப்பேற்பது உறுதியான நிலையில் மே 7 ம் தேதி அவரது பதவியேற்பு விழா நடைபெற உள்ளது. கொரோனா விதிகள் அமலில் இருப்பதால் பெரிய அளவில் விழா நடத்த முடியாது. இருப்பினும் கவர்னர் மாளிகையில் எளிய நிகழ்ச்சி மூலம் ஸ்டாலின் பதவியேற்க உள்ளார்.



TN Election Result 2021: இன்று திமுக எம்.எல்.ஏ.,க்கள் கூட்டம்; அமைச்சர்கள் தேர்வும் நடைபெற வாய்ப்பு


ஸ்டாலினுடன் அவரது அமைச்சரவையும் பதவியேற்க உள்ளது. இந்நிலையில் திமுக சார்பில் வெற்றி பெற்ற சட்டமன்ற உறுப்பினர்கள் கூட்டம் இன்று மாலை 6 மணிக்கு அறிவாலயத்தில் நடைபெற உள்ளது. அனைத்து சட்டமன்ற உறுப்பினர்களும் அதில் பங்கேற்குமாறு ஏற்கனவே ஸ்டாலின் அழைப்புவிடுத்துள்ள நிலையில், முறைப்படி சட்டமன்ற உறுப்பினர்களின் ஒப்புதலோடு முதல்வர் தேர்வு செய்யப்பட உள்ளார். ஏற்கனவே ஸ்டாலின் தான் முதல்வர் வேட்பாளர் என்றாலும், சட்டமன்ற உறுப்பினர்களின் ஒப்புதல், விதிகளின் படி முக்கியமானது என்பதால் அதற்காக இந்த கூட்டம் நடைபெறுகிறது. 


அதுமட்டுமின்றி, ஸ்டாலினின் அமைச்சரவையில் யாருக்கெல்லாம் பொறுப்பு வழங்கப்படப் போகிறது என்கிற பேச்சு பரவலாக உள்ளது. எனவே அதற்கான ஆலோசனையும் இன்றைய கூட்டத்தில் நடைபெறலாம். நிறைய சீனியர் முன்னாள் அமைச்சர்களுக்கு தேர்தலில் போட்டியிட ஸ்டாலின் வாய்ப்பளித்திருந்தார். அதில் பெரும்பாலானோர் வெற்றியும் பெற்றுள்ளனர். 



TN Election Result 2021: இன்று திமுக எம்.எல்.ஏ.,க்கள் கூட்டம்; அமைச்சர்கள் தேர்வும் நடைபெற வாய்ப்பு


தேர்தலில் வாய்ப்பளித்ததைப் போன்றே, அமைச்சரவையிலும் சீனியர்களுக்கு முக்கியத்துவம் தரப்படலாம் என தெரிகிறது. குறிப்பாக துரை முருகன், பொன்முடி, எம்.ஆர்.கே.பன்னீர்செல்வம், கே.என்.நேரு, ஐ.பெரியசாமி, தங்கம் தென்னரசு உள்ளிட்டோர் ஏற்கனவே பரிசீலனையில் இருப்பதாக கூறப்படுகிறது. சீனியர்களுக்கு மட்டுமே வாய்ப்பளிக்காமல், புதுமுகங்களுக்கும், அந்தந்த துறை சார்ந்த திறனாளர்களுக்கும் அமைச்சரவையில் இடம் தரலாம் என திமுக தலைமைக்கு ஐடியா இருப்பதாகவும் தகவல்கள் வெளியாகி வருகிறது. 


குறிப்பாக இம்முறை புதிதாக தேர்தல் களத்தை சந்தித்து வெற்றி பெற்ற இளைஞர்கள் சிலருக்கு வாய்ப்பு கிடைக்கலாம் . அதுவும் முக்கியத்துறைகளில் வாய்ப்பு கிடைக்கலாம் என்கிறது அறிவாலய வட்டாரங்கள். ஏற்கனவே அமைச்சரவை பட்டியல் தயாராகிவிட்டதாகவும், இவர் இவர் தான் அமைச்சர் என்றெல்லாம் பரவலான பேச்சு பொதுவெளியில் அரங்கேறிக்கொண்டிருக்கிறது. இன்றைய கூட்டத்தில் அதற்கு முடிவு கிடைக்கலாம். 


அமைச்சர்கள் மட்டுமின்றி, சபாநாயகர், கொறாடா போன்ற முக்கிய பொறுப்புகள் எல்லாம் ஒதுக்கப்பட வேண்டியிருப்பதால், அது பற்றிய ஆலோசனையும், தேர்வும் கூட இன்றைய கூட்டத்தில் இடம் பெறலாம். திமுக மொத்தமாக வெற்றியை  அள்ளிய மாவட்டங்களை சேர்ந்தவர்களுக்கு அதிக முக்கியத்துவம் கிடைக்க வாய்ப்புள்ளது. 


அதே நேரத்தில் குறைவாக தொகுதிகள் பெற்ற இடங்களில் கூடுதல் கவனம் செலுத்தும்படியாக அங்கு வெற்றி பெற்றவர்களுக்கும் கூடுதல்  பொறுப்புகள் வழங்கப்படலாம். இவை அனைத்திற்கும் இன்றைய ஆலோசனை கூட்டத்தில் முடிவு கிடைக்கும். 


 


 


 


 

Tags: mk stalin dmk tn election dmk win tn election results stalin win

தொடர்புடைய செய்திகள்

அதிமுக-பாமக கூட்டணியில் விரிசலா? பாமக வலுவான இடங்களில் அதிமுக தோல்வி எனச்சொல்லும் புகழேந்தி

அதிமுக-பாமக கூட்டணியில் விரிசலா? பாமக வலுவான இடங்களில் அதிமுக தோல்வி எனச்சொல்லும் புகழேந்தி

தமிழ்நாட்டில் தமிழ் தழைக்கும் காலம் நம்மால்தான் ஏற்படும் - பா.ம.க. நிறுவனர் ராமதாஸ் பேச்சு

தமிழ்நாட்டில் தமிழ் தழைக்கும் காலம் நம்மால்தான் ஏற்படும் - பா.ம.க. நிறுவனர் ராமதாஸ் பேச்சு

புதுச்சேரி: அமைச்சரவை அமைவதில் இழுபறி; பணிகள் ஸ்தம்பிப்பு!

புதுச்சேரி: அமைச்சரவை அமைவதில் இழுபறி; பணிகள் ஸ்தம்பிப்பு!

Tamil Nadu Politics: : 'அதிமுகவை கபளீகரம் செய்ய பாஜக முயற்சி’ கே.சி.பழனிசாமி பரபரப்பு புகார்..!

Tamil Nadu Politics: : 'அதிமுகவை கபளீகரம் செய்ய பாஜக முயற்சி’ கே.சி.பழனிசாமி பரபரப்பு புகார்..!

Tasmac shop : 27 மாவட்டங்களில் டாஸ்மாக் கடைதிறக்க தமிழக அரசு அனுமதி!

Tasmac shop : 27 மாவட்டங்களில் டாஸ்மாக் கடைதிறக்க தமிழக அரசு அனுமதி!

டாப் நியூஸ்

IAS Officers Transfer : 20 ஐ.ஏ.எஸ் அதிகாரிகள் பணியிடமாற்றம்!

IAS Officers Transfer : 20 ஐ.ஏ.எஸ் அதிகாரிகள் பணியிடமாற்றம்!

ArrestMadanOP in Social Media : ட்ரெண்டாகும் #ArrestMadhanOP - மதனை கைது செய்யுங்கள்!

ArrestMadanOP in Social Media : ட்ரெண்டாகும் #ArrestMadhanOP - மதனை கைது செய்யுங்கள்!

PUBG Madan Accused : சிறுமிகளிடம் ஆபாச வார்த்தைகள், அத்துமீறல் : குற்றவரிசையில் கொடூர ஆன்லைன் கேமர் மதன்..!

PUBG Madan Accused : சிறுமிகளிடம் ஆபாச வார்த்தைகள், அத்துமீறல் : குற்றவரிசையில் கொடூர ஆன்லைன் கேமர் மதன்..!

Tamil Nadu Coronavirus LIVE News : தமிழ்நாட்டில் 14 ஆயிரமாக குறைந்தது தினசரி கொரோனா பாதிப்பு

Tamil Nadu Coronavirus LIVE News : தமிழ்நாட்டில் 14 ஆயிரமாக குறைந்தது தினசரி கொரோனா பாதிப்பு