MK Stalin: தயவு செய்து உங்க ஆட்சியைப்பற்றி வரும் செய்தியை படிங்க- சிஎம் விஜய்க்கு ஸ்டாலின் அட்வைஸ்

MK STALIN vs Vijay : சோஷியல மீடியாவில் கோர்ட் போட்டு வந்தார், டிபன் கையில் எடுத்து வந்தார், வாட்ச் கட்டி வந்தார், செஸ் விளையாடினார், இன்று கோட் போடவில்லை, பட்டு வேட்டி சட்டை அணிந்து வந்தார் என்ற செய்தி தான் வருவதாக திமுக தலைவர் ஸ்டாலின் விமர்சித்துள்ளார்.

MK STALIN vs Vijay

Source : twitter

மிசா கொடுமைகள்- ஸ்டாலின் பேச்சு

திமுக நாடாளுமன்ற உறுப்பினர் டாக்டர் கலாநிதி வீராசாமி இல்லத் திருமண விழா சென்னையில் நடைபெற்றது. இந்த விழாவில் கலந்து கொண்டு பேசிய திமுக தலைவர் ஸ்டாலின், நாடாளுமன்ற விவாதங்களிலும் தனது பணியை சிறப்பாக செயல்படுக்கின்ற மக்கள் சேவகராக கலாநிதி வீராசாமி உள்ளார். இதே போல கலைஞருக்கு துணையாக ஆற்காட்டார் இருந்தார். எனக்கும் ஒரு வருடம் என்னுடம் இருந்து பல ஆலோசனைகளை ஆற்கட்டார் வழங்கினார்.

எங்கிருந்து என்றால் சிறையில் இருந்து வழங்கினார். மிசா சட்டத்தின் கீழ் கைது செய்யப்பட்டு சிறையில் இருந்த போது ஆற்காட்டாரும் உடன் இருந்தார். இன்னமும் என்னுடையை கையில் மிசா தழும்பு உள்ளது. இதே போல சிறையில் கொடுமையின் காரணமாக ஆற்காட்டாருக்கு ஒரு பக்கம் காது கேட்காத நிலை ஏற்பட்டது. 

ஆட்சியில் இருந்தாலும், இல்லையென்றாலும் மக்களுக்காக திமுக

மாநில கட்சி எப்படி இருக்க வேண்டும் என்பதற்கு எடுத்துக்காட்டாக திமுக உள்ளது. ஒரு தேர்தல் தோல்விக்கே பல கட்சிகள் இன்று காணாமல் போயுள்ளது. 75 ஆண்டுகள் கொண்ட கொள்கைக்காக, லட்சியத்திற்காக பாடுபட்ட கட்சி, ஆட்சியில் இருந்தாலும் இல்லாவிட்டாலும் மக்களுக்காக பாடுபடுகின்ற கட்சி திமுக, இதன் காரணமாகவே தினந்தோறும் மாற்று கட்சியை சேர்ந்தவர்கள் திமுகவில் இணைந்து வருகிறார்கள். இன்றைய ஆட்சியைப்பற்றி சொல்ல வேண்டும் என்றால், சோஷியல் மீடியா முழுவதும் செய்திகள் பரவி வருகிறது. இது நாளடைவில் மறைந்து போகத்தான் போகிறது.

செய்தியை படியுங்க- மு.க.ஸ்டாலின்

இன்றைய சோஷியல் மீடியாவை பார்க்கும் போது கோர்ட் போட்டு வந்தார், டிபன் கையில் எடுத்து வந்தார், வாட்ச் கட்டி வந்தார், செஸ் விளையாடினார், இன்று கோட் போடவில்லை, பட்டு வேட்டி சட்டை அணிந்து வந்தார் என்ற செய்தி தான் வருகிறது. அதெல்லாம் மறைந்து நாட்டில் நடைபெறுகின்ற அக்கிரமங்கள் செய்தியாக வந்து கொண்டுள்ளது. தமிழ்நாட்டில் முதலமைச்சராக இருப்பவரை கேட்பதெல்லாம் தயவு செய்து உங்களைப்பற்றி, ஆட்சியைப்பற்றி வரக்கூடிய செய்திகளை படியுங்கள். அதில் உள்ள உண்மைகளை கண்டுபிடியுங்கள், அதன் மீது நடவடிக்கை எடுங்கள் என திமுக தலைவர் ஸ்டாலின் கேட்டுக்கொண்டார்.