இடைத்தேர்தல் அதிமுக எப்பேர்ப்பட்ட இயக்கம் என்பதை நிரூபிக்க ஒரு வாய்ப்பு - எம்.ஆர். விஜயபாஸ்கர்

அதிமுக மாவட்ட செயலாளருமான எம்.ஆர்.விஜயபாஸ்கர் கலந்து கொண்டு சிறப்புரையாற்றினார். இந்த கூட்டத்தில் அதிமுக பொறுப்பாளர்கள், தொண்டர்கள் என பலரும் திரளாக கலந்து கொண்டனர்.

பொது கூட்டத்தில் முன்னாள் அமைச்சர் பேசிய போது

கரூரில் நடைபெற்ற பொதுக்கூட்டம்.

 

 

ஈரோடு மாவட்ட இடைத்தேர்தலில் அதிமுக எப்பேர்ப்பட்ட இயக்கம் என்பதை நிரூபிக்க ஒரு வாய்ப்பு தான் இப்போது நடைபெற உள்ள இடைத்தேர்தல், கரூரில் நடைபெற்ற பொதுக்கூட்டத்தில் முன்னாள் அமைச்சர் எம்.ஆர். விஜயபாஸ்கர் பேசினார்

கரூர் மாவட்டம் அரவக்குறிச்சி சட்டமன்றத் தொகுதி அதிமுகவின் சார்பில் முன்னாள் முதல்வர் எம்.ஜி.ஆரின் 106வது பிறந்த நாள் விழா பொதுக் கூட்டம் வேலாயுதம்பாளையம் ரவுண்டானா பகுதியில் நடைபெற்றது. கரூர் மேற்கு ஒன்றிய அதிமுக செயலாளர் கமலக்கண்ணன் தலைமையில் நடைபெற்ற இந்த கூட்டத்தில் முன்னாள் அமைச்சரும், கரூர் மாவட்ட அதிமுக மாவட்ட செயலாளருமான எம்.ஆர்.விஜயபாஸ்கர் கலந்து கொண்டு சிறப்புரையாற்றினார். இந்த கூட்டத்தில் அதிமுக பொறுப்பாளர்கள், தொண்டர்கள் என பலரும் திரளாக கலந்து கொண்டனர். 

 

முன்னாள் அமைச்சர் எம்.ஆர்.விஜயபாஸ்கர் பேசும்போது, “கட்சி ஆரம்பித்து 50 ஆண்டுகளை கடந்தும், 30 ஆண்டுகள் ஆண்ட இயக்கம் அதிமுக. பல சோதனைகளை கடந்து 1 கோடியே 54 லட்சம் உறுப்பினர்கள் கொண்ட இயக்கம். எம்.ஜி.ஆர் மறைவிற்குப் பிறகு கட்சி 2ஆக உடைந்தது. தலைவருக்குப் பிறகு அம்மா கட்டி காத்து எஃகு கோட்டையாக மாற்றினார். மைனாரிட்டி அரசு என்றால் அது திமுக தான். 32 ஆண்டுகளுக்குப் பிறகு மீண்டும் ஆட்சிக்கு வந்தது அதிமுக. ஒவ்வொரு முறையும் பொய் சொல்லி தான் திமுக ஆட்சிக்கு வந்துள்ளது. பினிக்ஸ் பறவை போல் மீண்டும், மீண்டும் எழுந்த இயக்கம் அதிமுக. அம்மாவின் அரசை தொடர்ந்து எடப்பாடியார் வழி நடத்தி 78 சட்டமன்ற உறுப்பினர்கள் தற்போது இருக்கிறார்கள் என்றால் அதான் அதிமுக. எம்.ஜி.ஆர். சத்துணவு திட்டத்தை கொண்டு வந்தார். அப்போது கருணாநிதி குழந்தைகளை தட்டு எந்த வைத்து விட்டார்” என விமர்சித்தார்.
 

 

மேலும், “நம்மிடம் இருந்து போன துரோகிகள் போகாமல் இருந்தால் மூன்றாவது முறையாக எடப்பாடி தலைமையில் ஆட்சி அமைந்திருக்கும், ஈரோடு மாவட்ட இடைத்தேர்தலில் அதிமுக எப்பேர்ப்பட்ட இயக்கம் என்பதை நிரூபிக்க ஒரு வாய்ப்பு தான் இப்போது நடைபெற உள்ள இடைத்தேர்தல், முன்னாள் முதலமைச்சர் ஓபிஎஸ் சட்டமன்றத்தில் பேசும் போது கருணாநிதி பக்தன் என்று சொல்கிறார். இப்போது அவரை இயக்குவதை திமுக தான், ஓபிஎஸ் மகன் எம்பி ஆகின்றார் அவர் ஸ்டாலினை பார்த்து சொல்கிறார் நல்லாட்சி நடத்துகின்றார்கள் என்று கூறுகின்றார். அப்போது எப்படி அதிமுக நிர்வாகி என்று சொல்லலாம், 24 மணி நேரம் மருத்துவமனை இருக்கின்றது அந்த மாதிரி இந்திய துணை கண்டத்தில் 24 மணி நேரமும் சாராய விற்பனை செய்யும் முறை அமைச்சர் செந்தில் பாலாஜி தான் கோவலன் என்று ஒருவர் இருந்தார் தப்பாடித்துக் கொண்டு இருப்பார் இப்போது அவர் எங்கு போனார் என்று கூட தெரியவில்லை” என்று கூறினார்.

---

ஊராளி கவுண்டர் சங்க மாநில செயற்குழு கூட்டம்.

தமிழ்நாடு ஊராளி கவுண்டர் சங்க, மாநில செயற்குழு கூட்டம், மாநில தலைவர் பாலசுப்பிரமணியன் தலைமையில், காந்திகிராமத்தில் நடந்தது. அதில் புதிய நிர்வாகிகள் தேர்தலை சிறப்பாக நடத்த வேண்டும், தேர்தலை தேர்வு குழு தலைவர் பழனிச்சாமி தலைமையில் நடத்துவது, மாநில பொதுக்குழு கூட்டத்தை வரும் ஏப்ரல் 5 நடத்துவது, என உள்ளிட்ட பல்வேறு தீர்மானங்கள் நிறைவேற்றப்பட்டன. கூட்டத்தில், தேர்வு குழு தலைவர் பழனிச்சாமி, மாநில பொதுச் செயலாளர் ராஜேந்திரன் உட்பட பலர் பங்கேற்றனர்.